Þotuslóðir

Hvort sem efnaslóðar eru úr lausu lofti gripnir eða ei, þá eru þotuslóðir það ekki, þær getur hver maður séð dag og dag sem lítur til himins í heiðskíru. Svo má velta því fyrir sér hvað fer fram fyrir ofan skýin þá daga sem þau þekja himinhvolfið. 

Þotuslóðir yfir Egilsstöðum 2. júní s.l.

Höfundur þessarar síðu hefur haft skýjaskoðun að áhugamáli frá því hann fyrst man, og gert þotuslóðum áður skil hér á síðunni og má sjá hér. Þá var bent á að ákveðinn vísinda verkfræði væri í gangi á himninum svo kölluð geoenginrering.

Það sem kalla má þotuslóðir er sagt af tvennum toga, þ.e. cemtrail (efnaslóðir) eða contrail (slóði farþegaþotna). Þotuslóðir hér í denn entust nokkrar þotulengdir fyrir aftan þotuna síðan varð himininn aftur jafn blár og áður, það er þær sem kallaðar eru á ensku contrail. Nú á dögum krota þoturnar himininn þvers og kruss líkt og herþotur voru látnar gera á hersýningum hér áður fyrr með hjálp efnaformúla, svo lái hver sem vill samsæriskenningasmiðunum.

Nú ber svo við æ oftar að slóð þotnanna þvera himininn og skilja eftir sig skýjaslóða svo jafnvel getur dregið fyrir sólu ef nógu margar þotur eru á ferðinni. Þetta gerist samt ekki alla daga þrátt fyrir látlaus ferðalög túrista um himininn, þess vegna eru kenningar uppi um að ekki sé allt með felldu.

Þeir "sem sjá samsæri í hverju horni" telja þennan dagamun sem er á sýnileika þotuslóðanna vera vegna efnaslóða sem stafi af fikti vísindamann og heryfirvalda sem fram fari suma daga, eins geti ákveðnar aðstæður s.s hitastig loftsins sem flogið er í gegnum valdið slóðinn. Samt sem áður er þetta mun algengara fyrirbæri en var fyrir fáum áratugum síðan.

Fróður maður um flug sagði mér að sá munur sem væri á því hve slóði þotna væri sýnilegri nú en í okkar ungdæmi stafaði af því að mikið að lofti væri tekið í gegnum þotuhreyfilinn sem skilaði sér sem heit gufa á eftir, en áður fyrr hafi einungis hitinn vegna brennslu eldsneytis farið í gegnum hreyfilinn. þetta gerði það að verkum að mikið meira skýjafar væri á eftir þotum dagsins í dag.

Hvort sem þetta eru efnaslóðir eða gufustrókar sem stafa af nýrri gerð þotuhreyfla þá er þögnin í kringum þetta fyrirbæri undarleg. Flestir gleðjast yfir sólskinsstundunum þess vegna ætti fyrir löngu að vera farið að heyrast hljóð úr horni vegna þessara skýjaslóða af mannavöldum sem strika himininn.

Á meðan að þeir sem hafa orð á fyrirbærinu eru afgreiddir af "færustu vísindamönnum" og "upplýsandi fjölmiðlum" sem fólk "sem sjái samsæri í hverju horni" er ekki nema von að þeir sem hafa velt málinu fyrir sér láti lítið fyrir sér fara. Fjölmiðlamönnum sem vilja upplýsa málið væri nær að kynna sér það og upplýsa fyrir almenningi hvað er á ferðinni, frekar en að láta það eitt nægja að birta opinberar fréttatilkynningar af internetinu.

Við skulum átta okkur á því að svo kölluð "vísindi" eru því sem næst trúarbrögð okkar daga, og svokallaðir sérfræðingar þeirra "æðstuprestar". Því ætti hver og einn að líta upp af skjánum til himins og velta því fyrir sér hvað þar er á ferðinni. Það gæti verið að þá yrði ályktunin á því önnur en sjá má á skjánum sem niðurstöðu færustu vísindamanna.

 

Þotuslóðir á Egilsstöðum, eftir að þær eru farnar að leysast upp

 

 

Þotuslóð sem flogið er í aðra þotuslóð sem farin er að breiða úr sér

 

 

Tærleiki himinsins eftir yfirflug þotna

Efnaslóðar úr lausu lofti gripnir

Athugasemdir

[Helgi Armannsson (IP-tala skráð) 21.8.2016 kl. 21:14]

Chemtrails, Here is your PROOF 100% Real "MUST WATCH"

https://www.youtube.com/watch?v=L5is16A8pfw

[Magnús Sigurðsson, 21.8.2016 kl. 21:56]

Þetta er áhugavert myndband Helgi.

Ég hvet fólk sem lítur hér inn að kynna sér efni þess og mynda sér sjálft sína skoðun óháða fréttaflutningi úr krananaum m.a. með því að horfa til himins.

[Emil Hannes Valgeirsson, 21.8.2016 kl. 23:43]

Þeir sem hafa áhuga á skýjafari ættu að fylgjast þotuslóðum því þær geta sagt ýmislegt um veðuraðstæður í háloftunum og hefðu örugglega komið sér vel fyrir bændur hér áður fyrr. Þoturákir eyðast t.d síður ef háloftin eru nálægt rakamettun, en ef loftið er þurrt þá eyðast þær fljótlega eða myndast jafnvel ekki. Þoturákir geta samkvæmt þessu verið lífseigar þegar stutt er í bliku á lofti og geta því verið fyrirboði um að lægð sé að nálgast. Skammlífar þoturákir vita hinsvegar á gott eða batnandi veður. Chemtrails er hinsvegar bara eitthvað fyrir þá sem eru illa veikir fyrir samsæriskenningum.

[Helgi Armannsson (IP-tala skráð) 22.8.2016 kl. 03:45]

Emil hvað er samsæriskenning

[Magnús Sigurðsson, 22.8.2016 kl. 06:23]

"Þoturákir geta samkvæmt þessu verið lífseigar þegar stutt er í bliku á lofti og geta því verið fyrirboði um að lægð sé að nálgast." Rétt er það Hannes Valgeir.

Og þetta er einmitt helsta veðurfræðilega skýringin fyrir því að þoturákir myndast. Þess vegna geta flestir velt því fyrir sér sjálfir með hliðsjón af veðurufréttum, en án aðstoðar "77 vísindamanna" sem engin veit deili á, hvort þær falla innan marka þess eðlilega.

En ég hvet samt alla til að skoða málið frá öllu hliðum og kíkja á linkinn sem Helgi setti inn í fyrstu athugasemd, frekar en að tala um "þá sem eru illa veikir fyrir samsæriskenningum."

[Emil Hannes Valgeirsson, 22.8.2016 kl. 09:48]

Það sem er þekkt og vitað er að menn hafa notað flugvélar til að dreifa efnum til að framkalla úrkomu á afmörkuðum svæðum þar sem þurrkar hafa verið ríkjandi. Chemtrail-samsæriskenningar snúast hinsvegar um háleynilegar áætlanir sem eiga að vera í gangi í stórum stíl í ýmsum tilgangi, allt frá því að hafa áhrif á veðurfar og til þess að verið sé að spreyja eitri yfir mannfólk. Þeir sem trúa á slíkar leynilegar aðgerðir mega varla sjá venjulegar þoturákir á himni án þess að kalla þær efnaslóða eða "chemtrails". Ég hef hinsvegar ekki ennþá séð þoturák sem gengur ekki upp veðurfarslega enda er þetta allt vatnsgufa meira og minna. Myndirnar frá Egilsstöðum er ágætt dæmi en þar má sjá klósiga á lofti á sama tíma, sem þýðir einmitt að einhver veðurfræðileg gufumettun á sér stað þar í háloftunum.

[Magnús Sigurðsson, 22.8.2016 kl. 12:35]

Emil; alveg burtséð frá því hvort þetta er veðurverkfræði (svo kölluð geoengineering sem framkölluð er með efnum) eða gufustrókar aftan úr farþegaþotum sem gera sólskrín á himininn, finnst þér þetta vera í góðu lagi?

[Emil Hannes Valgeirsson, 22.8.2016 kl. 16:19]

Þetta er nú bara eitthvað sem við þurfum að sætta okkur við nema við viljum takmarka flugumferð sem út af fyrir sig væri ágætis markmið. Flest ferðalög er mengandi, nema þá helst skútusiglingar.

En svona fyrir áhugasama þá leitaði ég uppi gervitunglamynd frá 2. júní, þar sem sjá má Ísland og stórt svæði austuraf. Þar má einmitt sjá þoturákir við suðausturland og út af austfjörðum í bland við háskýjatjásur nálægt landi. (myndina má stækka en meir með því að velja 250m ef það finnst)

https://lance.modaps.eosdis.nasa.gov/imagery/subsets/?subset=Arctic_r01c03.2016154.terra

[Magnús Sigurðsson, 22.8.2016 kl. 18:46]

Emil; þakka þér fyrir þennan link, þetta er einmitt það sem flestir ættu að gera, kanna málið.

Reyndar var júní skýjaminnsti mánuðurinn hérna fyrir austan og þotuslóðir þar af leiðandi auðsýnilegar. Ef þú ert að gera að því skóna að skilyrðin hafi verið eitthvað betri 2. júní en aðra daga þá held ég að þessi mynd frá NASA sýni það ekkert sérstaklega.

Ég ætla að bæta videoinu við bloggið sem Helgi setti hérna inn í 1. athugasemd og hvet þig sem og aðra til að horfa á það fordómalaust.

[Emil Hannes Valgeirsson, 22.8.2016 kl. 21:59]

Jú gervitunglamyndirnar sýna einmitt góð skilyrði þennan dag fyrir lífseigar þoturákir vegna klósiganna (sem eru þunn háloftaský). Þessi ský sjást einnig á Egilsstaðamyndunum frá sama degi.

[Magnús Sigurðsson, 23.8.2016 kl. 06:30]

Emil; reyndar er bara önnur Egilsstaðamyndin frá 2.júní hin er frá 23. júní. Þessar þotuslóðir voru viðvarandi hluta af maí og júní hérna austanlands en hafa ekki verið áberandi síðan. Ég á talsvert af svona myndum þó svo að þetta sé ekkert sértakt uppáhalds myndefni.

En þú ættir að gera það fyrir sjálfan þig að horfa á myndbandið sem Helgi setti hérna inn án þess álykta fyrirfram að chemtrails séu bara "eitthvað fyrir þá sem eru illa veikir fyrir samsæriskenningum".

Eins og þú minntist sjálfur á þá eru efnadreifing úr lofti notuð til að hafa áhrif á veður. Samkvæmt erindi konunnar í myndbandinu þá er þetta í miklu meira mæli en fólk almennt hefur verið upplýst um, en þær upplýsingar henta náttúrulega ekki opinbera trúboðinu.

[Helgi Armannsson (IP-tala skráð) 2.9.2016 kl. 00:53]

Sæll Magnús ég held þessi kona sé betur qualified en Emil til að rökræða um ský

https://www.youtube.com/watch?v=ic4dml5oUVk

[Magnús Sigurðsson, 2.9.2016 kl. 13:18]

Helgi; einhvernvegin koma þessar upplýsingar ekki á óvart svo furðulegt sem það nú er, það er náttúrulega mun betra að láta þær flugvélar sem hvort sem er eru á ferðinni koma upp sólskríninu gegn ofhitnun jarðar, en hvenær þessi björgunarstörf í boði "global warming" vísindanna verða gerð opinber er spurning.

[Emil Hannes Valgeirsson, 2.9.2016 kl. 16:07]

Til nánari fróðleiks:

http://www.vedur.is/vedur/frodleikur/greinar/nr/1839

[Magnús Sigurðsson, 2.9.2016 kl. 17:23]

Emil; þessi grein skýrir mjög vel hvernig flugslóðir myndast við viss veðurskilyrði og þá líka að einhverju leiti hvers vegna þær eru algengari nú á dögum en fyrir nokkrum áratugum sé það rétt að ný gerð þotuhreyfla skili meira af heitu lofti í gegnum sig en áður var, eins og ég hef t.d. eftir flugfróðum kunningja mínum í upphaflegu færslunni.

En ef svo er að flugslóðir sem draga úr sólskininu séu eingöngu tilkomnar vegna vegna aukins loftstreymis í gegnu nýja gerð þotuhreyfla þá þarf sú umræða að fara fram um hversu æskilegt þetta er, því annars bendir þetta einungis til aukinnar sjónmengunar af farþegaflugi.

Eins ættu flestir hugsandi menn, hvað sem öðru líður, að kynna sér málið frá öllum hliðum, þó svo að þær stangist á við það sem vísindakirkjan vill meina. Því það er hún sem stendur á bak við þetta þegar öllu er á botninn hvolft.

[Sólrún (IP-tala skráð) 3.9.2016 kl. 18:53]

 Magnús  þú  varst  kominn  með  þetta  löngu  á  undan  SÞ.  Og  það  var  þú  sem   vaktir  athygli  mína  á  þessy  fyrir  löngu  síðan Og  komst  mér  til  að  fara  að  grúska  í  þessu.  Þó  mér  finndist  þetta  algerlega  með  ólíkindum  að  annað  eins  gæti  verið  í  gangi. En  það  kom  í  ljós  að   það  var  síst  of  mikið  sagt hjá  þér. Því  miður.  Nú  orðið  vita  flestir  sem  eitthvað  fylgjast  með  hvað  þetta  er  hrikalegt  umhverfisníð sem þaðrna  hefur  verið  í  gangi  árum  saman.

https://www.youtube.com/watch?v=DPnWaBsMYnY

[Sólrún (IP-tala skráð) 3.9.2016 kl. 19:05]

Mér  skilst  að  það  séu  einhverjir  þarna  fyrir  austan  sem  trúi  því  að  stærðar  hópur  af  hreundýrum  hafi  drepist  á  einu  bretti. Af  eldingu...og  án  þess  að  sæi  áverka  á  nokkru  einasta  dýri..

Þvílíkt  geggjað  samsæri  ha ha ha..En  allavega  gæti  það  þó  verið  til  í  þessu  að  vandamálið  hafi  komið "að  ofan "  :)

[Magnús Sigurðsson, 4.9.2016 kl. 07:29]

Sólrún; þetta er gott myndband sem þú gefur link á og gefur meðal annars góðar skýringar á því sem Emil er að benda á með veðurstofu greininni, auk margs fleira.

Já það eru nokkur ár síðan ég hafði mig í að blogga um þetta mál, en ég var samt búin að veita þessum slóðum og skýringunum á þeim athygli löngu fyrr, en gat ekki fengið mig til að trúa því að önnur eins vitleysa gæti farið fram í höfðinu á fólki, hvað þá menntuðum vísindamönnum.

En eftir að ég komst að því að sérfræðingar eru sérfræðingar vegna þess að þeir einbeita sér að mjög afmörkuðu svið, vita óhemju mikið um lítið, þá fór ég að trúa því sem ég sé á himninum og þetta gæti varla verið tilfellið.

Mikill fjöldi hreindýra drapst af eldingu, að sagt er, austur í Þelamörk í Noregi um daginn, ef þú ert að tala um það. Þetta var fordæmalaus fjöldi ef um eldingu hefur verið að ræða. Ein aðal skýringin á þessu sem kallað er chemtrails er fikt vísindamanna í veðrinu.