Pása / The Show Must Go On.

 

 

Það er að verða eitt og hálft ár síðan að ég opnaði þessa bloggsíðu og hóf að setja fram mínar skoðanir á málefnum dagsins oft tengt mbl fréttum.  Eins og sannur karlmaður þá get ég hvorki straujað eða hugsað um meira en eitt í einu.  Það að tyggja tyggjó og labba samtímis er jafnvel of flókið fyrir mig.  Því hef ég ákveðið að taka pásu frá þessum bloggskrifum allavega næstu sex mánuðina.  Hugurinn stefnir annað og ég vil ekki láta fréttir dagsins trufla þá vegferð.  Það að setja sig inn í málefni frétta tekur einfaldlega of mikla athygli frá öðrum áhugamálum.

 

Á þessari síðu hef ég m.a. leitast við að koma að annarri hlið á málefnunum fréttanna þar sem sérviska mín hefur verið látin óspart í ljós.  Í mörgum athugasemdum hafa komið fram upplýsingar og ábendingar sem hafa gefið mér nýja sýn á málefnin, þó svo að ég hafi ekki viðurkennt það umbúðalaust.  Öll samskipti á þessari síðu hafa verið ánægjuleg og aukið mér víðsýni.

 

Hér til vinstri á síðunnar má finna "myndaalbúm", "færsluflokkar" og "mínir tenglar" þar hef ég sett inn það sem hefur verið mér hugleikið undanfarin ár, þar má fá innsýn á hverju sjálfsánægja mín og þrjóska hefur byggst.

 

Mínir tenglar eru;  

Sólhóll  sælureitur við sjóinn.  Síða sem býður til útleigu orlofshús. 

Múr, skraut og myndlist  er síða af múrverki og myndlist sem ég hef unnið að undan farin ár. 

Múrarinn  er betri síðan mín á mbl blogginu, hefur að geyma glósur um jákvæða hugsun.  Á þá síðu mun ég væntanlega bæta við efni á næstu mánuðum. 

Falið vald  er síða Jóhannesar Björns Lúðvíkssonar sem gaf út bókina Falið vald 1979, sem ég las þá um tvítugt og hefur haft mikil áhrif á mína heimsmynd.  Jóhannes sem er hagfræðingur, hefur reynst sannspár í gegnum tíðina þó svo að upplýsingar hans séu ekki þær sem haldið er að okkur í gegnum fjölmiðla.

Kryppan, annað sjónarhorn  er ný íslensk fréttasíða þar sem önnur sýn er gefin á málefni dagsins.  Þessi síða er glæ ný, vonandi nær hún að dafna.  Það er í það minnsta húmor í fréttunum þar.

The Crowhouse  er síða Ástralans Maxwell Igan sem hefur margt forvitnilegt efni að geima.

The Awakening  er mynd Maxwell Igan þar sem almenningur er vakni til vitundar um það sem er að gerst á þeim tímum sem við lifum.

Beyond The Cutting edge  er fyrirlestu David Icke í Brixton Agademy þar er öðruvísi sýn gefin á veruleikann og bent á að það erum við sem ráðum okkar veruleika.

Zeitgeist The Movie  er frábær mynd til að komast að á hverju valdakerfi samfélagsins byggir, hvernig fjármálakerfið virkar.  Það mun enginn líta peninga sömu augum eftir að hafa horft á þessa mynd.

Zeitgeist Addendum  er mynd um upphaf og endir fjármálkerfis okkar tíma, auk þess að gefa innsýn í þá framtíð allsnægta sem framundan er.

 

Þeir eru spennandi tímarnir sem við lifum.  Heimurinn sýnist útblásinn og spilltur með öllum sýnum launhelgu leyndarmálum.  Leyndarmálum sem nú er sópað undan teppinu, dregin fram úr skúmaskotunum þar til þau liggja fyrir almannasjónum.  Á þessum tímum þegar lögregla ætti að standa í fjöldahandtökum á þeim sem fara með valdið, hef ég reynt að láta ljós mitt skína hér á þessari síðu. 

 

Lög verða ekki betri þó þau séu sett samkvæmt leikreglum lýðræðis.  Ef þau eru setta af siðblyndum einstaklingum sem hafa tvöfalt siðgæði til að bera, eitt sem er í boði á fjögurra ára fresti fyrir almenning og hitt sem þjónar valdinu. 

 

En hver eru þau lög sem ber að virða?  Þau getur hver manneskja fundið í hjarta sínu.  Öll höfum við leiðsögukerfi hjartans sem segir okkur hvað er rétt og hvað er rangt.  Ef við efumst er gott að grípa til gullnu reglunnar "Allt sem þú vilt, að aðrir menn geri þér, það skalt þú þeim gera".  Því eins og meistarinn sagði á þeirri reglu hvílir lögmálið.

 

Ég vil þakka öllum þeim sem haf litið hérna inn til að lesa þessi sjálfumglöðu skrif.  En nú er mál að linni "the show must go on".

 

Good luck from a dutchman.

Hérna má sjá undirdriftasöfnun til stuðnings almenningi á Íslandi.  Það er athyglivert að skoða athugasemdirnar sem þar eru, þær segja margar hverjar allt sem segja þarf.  Þeir sem skrifa á þessa síðu eru flestir með það á hreinu um hvað þessi deila snýst.

 

Klaas Arjen Wassenaar, "Let the banks take the responsability of their own dealings. Governements and the people governed, are not responsable for the acts of the banks located in their country. If people would be responsible, they should as well have been involved in decision-making and profitsharing of the banks. And they were defenitely not. So people of Iceland: do not take these debts on your shoulder that you have not created yourself. Goodluck from a dutchman".

Asya Nikolova,  "Go Iceland! You are the brave and honourable pioneer in this outrageous precedent and as well hope for other countries which are probably about to face the same situation unless you vote against that barbaric monetary system we are all stuck in today! Save your country by voting "NO" to UNLAWFUL SLAVERY! It's is utterly unlawful to hold accounatble the people of Iceland for a debt, ran up by a private bank. Stop that barbarism! Enough is ENOUGH!"

Telja litlar líkur á samkomulagi

Kjósum.

Það er hætt við því að stjórnmálamenn hafi ekki gert sitt síðasta til að koma í veg fyrir þjóðaratkvæðagreiðslu.  En samstða íslensku þjóðarinnar mun kom í veg fyrir að stjórnmálamönum takist að komaskuldum gjaldþrota einkabanka yfir á almenning.

Eða eins og Tomoko Kotaka, Colorado segjir, "The people of Iceland are an example of courage and solidarity to the rest of the world".

Eins segir Klaas Arjen Wassenaar, France "Let the banks take the responsability of their own dealings. Governements and the people governed, are not responsable for the acts of the banks located in their country. If people would be responsible, they should as well have been involved in decision-making and profitsharing of the banks. And they were defenitely not. So people of Iceland: do not take these debts on your shoulder that you have not created yourself. Goodluck from a dutchman".

Hérna má sjá fleiri ummæli venjulegs fólks í undirdriftasöfnun til stuðnings almenningi á Íslandi.

Íslendingar sagðir hafa gengið af fundi

Til varnar.

 

InDefence hefur unnið mikið starf til varnar íslenskum skattgreiðendum.  Aðgerðir þeirra hafa verið í samhljómi við meirihluta þjóðarinnar og hefur þessi vinna náð heimsathygli með ákvörðun Ólafs Ragnars að boða til þjóðaratkvæðagreiðslu um icesavelögin frá 30. des. s.l..

 

Ef það er eitthvað sem hægt er að gagnrýna InDefens fyrir er það að hafa ekki beitt sér að fullum krafti fyrir undirskriftasöfnun s.l. sumar þegar fyrri icesavelögin voru samþykkt með öllum sínum fyrirvörum.  Því þrátt fyrir alla fyrirvarana var þá verið að viðurkenna það grundvallar sjónarmið að réttlætanlegt væri að koma skuldum gjaldþrota einkabanka yfir á ábyrgð almennings.

 

Allar götur síðan þá hefur Ísland liðið fyrir lögin sem samþykkt voru í ágúst s.l. og stjórnmálamenn verið ósparir á að lýsa yfir að Ísland stæði við skuldbindingar sínar án þess að hafa getað lýst því yfir að það sé að því marki sem alþjóðlegt regluverk skilgreinir.  Því Alþingi hafði þegar gengið lengra í samþykkt sinni í ágúst 2009.  Það er útilokað að sjá það fyrir að núverandi stjórnmálamenn á Alþingi nái ásættanlegri niðurstöðu fyrir skattgreiðendur eftir að hafa klúðrað grundvallar prinsippum í þessu máli.  Þess vegna á InDefence miklar þakkir skilið fyrir að ætla að taka að sér að kinna sjónar mið Íslands í Hollandi.

InDefence til Hollands

Hvaða íslendningar hafa náð frumkvæðinu?

Það er nokkuð ljóst að þeir stjórnmálamenn sem leggja nú nótt við dag að koma í veg fyrir þjóðaratkvæðagreiðslu eru ekki þeirra hópi.  Það er nokkuð ljóst að þeir stjórnmálamenn sem samþykktu hörmungarlögin 30. des. s.l. eru ekki þar á meðal og hæpið er að telja þá með sem samþykktu fyrirvararuglið í ágúst.

Það er fylgst með framvindunni á Íslandi um allan heim.  Stjórnmálmenn hafa víða get sig seka um að þjóna sömu öflum og þeir íslensku í viðleitni sinni við að koma skuldum gjaldþrota einkabanka yfir á almenning.  Hérna má sjá undirkriftasöfnun til stuðnings almenningi á Íslandi.  Það er athyglivert að skoða athugasemdirnar sem þar eru, þær segja margar hverjar allt sem segja þarf.   Eða eins og Tomoko Kotaka, Colorado segjir, "The people of Iceland are an example of courage and solidarity to the rest of the world".

Íslendingar hafa náð frumkvæði

The show must go on.

Aðgerðir gegn hryðjuverkum

Vindhaninn snýst.

Össur er ekki að átta sig á stöðunni þegar hann talar um að samstaða stjórnar og stjórnarandstöðu skipti mestu.  Það sem skiptir öllu er hvort stjórnmálamenn ná samhljómi með þjóðinni.  Vindhaninn hefur snúist í nokkra hringi frá því snemma í janúar þegar Össur sagði að glugginn til samninga væri opinn fram að helgi, annars færi þjóðaratkvæðagreiðslan fram.  Nú er vika orðin langur tími í pólitík og ekkert liggur á að virða leikreglur lýðræðisins.  Það eru hagsmunir þjóðarinnar sem skipta máli og þeir felast ekki í að bera ábyrgð á gjaldþrota einkabanka.

Nokkuð góð staða

Nú verða stjórnmálamenn að segja Nei.

„Íslendingar verða að samþykkja grundvallaratriðin í tilboðinu áður en af nokkrum viðræðum verður að nýju," hefur Reuters eftir nafnlausum heimildarmanni innan hollensku stjórnarinnar. Eftir það mætti ganga frá „tæknilegum atriðum" í nýju samkomulagi.

Kominn er tími til að íslenskir stjórnmála menn vinni samkvæmt vilja þjóðarinnar og noti tækifærið sem hefur skapast til að neita ábyrgð skattgreiðenda á gjaldþroti einkabanka.

Ísland fallist á forsendurnar

Er sanngjarnt að borga 2,75% vexti plús..........

Það ætti að láta Breta og Hollendinga sækja á um samning.  Samningstaða Íslands getur bara styrkst úr þessu.  Þess í stað ættu íslenskir ráðamenn að undirbúa málaferli á hendur bresku ríkisstjórninni.  Það sem verst er að stjórnmálamenn almennt virðast vera ófærir um að halda fram hagsmunum þjóðarinnar, vegna hræðslu við gjaldþrot stjórnkerfisins. 

 

Það er ekki einungis svo að íslenskir skattgreiðendur eigi ekki að borga krónu vegna gjaldþrots einkabanka, heldur ætti íslenska ríkið að krefjast bóta vegna þess tjóns sem hryðjuverkalöginn voru völd að.  Það tjón gekk langt út fyrir það að hefta starfsemi icesave, öll íslenska þjóðin geldur fyrir þá aðgerð að ósekju.  Tími er komin til að íslenskir stjórnmálamenn átti sig á hverjir borga launin þeirra. 

Vilja 2,75% álag á vexti

Hefði betur haldið sig við töskurnar.

Það er að koma í ljós að Össur hefði betur farið með Ólafi Ragnari í utanlandsferðina í janúar til að bera fyrir hann töskurnar á meðan Ólafur mætti í hvern fjölmiðilinn á fætur öðrum til að verja málstað Íslands.  Í stað þess skipulagði hann sendiferðir undirmanna sinna á fund erindreka erlendra ríkja til að reyna að koma í veg að þjóðaratkvæðagreiðsla færi fram um með hvaða hætti stjórnmálamenn kæmu skuldum gjaldþrota einkabanka yfir á skattgreiðendur. 

 

Sendiboðar Össurar báru meðal annars fyrir sig þjóðargjaldþroti, Össur vill meina að sendiboðarnir hafi sjálfir haft með það að gera hvernig þeir túlkuðu hagsmuni Íslands.  Það að þessir menn óttist þjóðargjaldþrot er aðeins ótti þeirra sjálfra og Össurar við að missa launin sín, það er langt síðan þjóðinni varð ljóst að elítan í stjórnkerfinu ætlar almenningi að verða gjaldþrota í viðleitni sinni við að bjarga sjálfri sér.

Minnisblað sendimanns birt á Wikileaks