Skýjaglópur á þotuslóðum:

 

Eins og flestir vita sem mig þekkja þá er ég skýjaglópur sem hef gaman að því að fylgjast með skýjunum fara yfir himininn, taka af þeim myndir og klína þeim á striga þegar ég er í stuði.  Undanfarna tvo mánuði hefur gengið á með stöðugum snjóéljum  og þau hafa því verið myndefnið.  Þá fáu daga sem heiðskýrt hefur verið er himininn útkrotaðu í þotuslóðum.

Ég hef haft það fyrir áhugamál að taka myndir flesta daga síðan ég kom til Harstad fyrir 10 mánuðum síðan.  Það sem ég hef sérstaklega tekið eftir er hvað himininn er blár hérna á 69°N, eins blár og minningin segir að hann hafi verið flesta daga á Íslandi hér áður.

Undanfarnar þrjár vikur hef ég tekið eftir svolitlu sem ég hafði ekki séð hér í N-Noregi þennan tíu mánaða tíma sem ég hef verið hérna, en það er að þotuslóðir gerði bláan himininn alskýjaðan á dagsparti. Farþegaþotur fljúga hér yfir daglega en nú er þetta ekki contrail þotuslóðir farþegavéla sem hafa verið á himninum undanfarnar þrjár vikur heldur cemtrail.  Það er hreinlega verið að spreya himininn á ótrúlegri stærðargráðu.

Ég fór út á sunnudagsmorgni fyrir þremur vikum til að ná myndum af grýlukertum í morgunnbirtunni, kom heim um tíuleitið og sá þá þotu á lofti með óvenjulanga slóð þegar ég fór inn.  Eftir hádegið fór ég út aftur til að taka myndir af stöðum sem ég vissi að féllu vel við birtu á þeim tíma dags.  En þá voru þotuslóðir að verða búnar að þekja himininn.  Í dag dróu ský frá sólu og viti menn himininn var útkrotaður eins og hann hefur reyndar verið þegar það sést til hans í gegnum éljabakkana undanfarnar vikur.

Þotuslóðir dagsins og þær sem festar voru á mynd fyrir þrem vikum má sjá í þessu myndaalbúmi HÉR.  Auk þess er hérna youtube trailer á heimildarmynd um hvað cemtrail þotuslóðir snúast, sem telst ekki mikil tímaeyða að skoða miðað við alvarleika málsins fyrir umhverfið.

Hérna í youtube linknum fyrir neðan er svo öll myndin sem engin ætti að láta fram hjá sér fara.

http://www.youtube.com/watch?v=jf0khstYDLA

Athugasemdir

[Emil Hannes Valgeirsson, 20.3.2012 kl. 20:16]

Fallegar myndir frá Noregi. Það getur verið hvimleitt þegar þoturákir skyggja á sólina en ekkert til að hafa áhyggjur af. Lífseigar þoturákir eru þó oft vísbending um veðrabreytingar enda fylgja þær oft blikum á lofti sem boða að úrkomusvæði sé að nálgast.

[Magnús Sigurðsson, 20.3.2012 kl. 20:47]

Við skulum vona að þú hafir rétt fyrir þér Emil, það eru náttúrulega alltaf veðrabreytingar ekki síst í éljagangi.  En hefurðu kynnt þér það sem kallað er munurinn á contraið og cemtrail og þessa heimildarmynd?

[Helgi Armannsson (IP-tala skráð) 20.3.2012 kl. 21:50]

tek undir tad med ter Magnus eg held tessi agaeti Emil aetti ad kynna se tetta adins betur, hitt er svo annad mal ad tessu filgja oft vedurbreytingar sestaklega tegar tessu er blandad saman vid Harrp

http://www.youtube.com/watch?v=znPyiEpBlmE

[Magnús Sigurðsson, 20.3.2012 kl. 22:14]

Þeir eru búnir að vera með massífar NATO æfingar hérna á norðurhjaranum í allan vetur, það er engu líkara en djöfullinn sjálfur sé orðinn allt um kring. 

Mér kæmi ekki á óvart að þetta væru einhverjar tilraunir og nógir eru peningarnir til að standa í þessu.  En ætli álið sem þeir nota í þetta komi frá Íslandi og sé að auka hagvöxtinn þar?

[Emil Hannes Valgeirsson, 20.3.2012 kl. 22:32]

Ég skoðaði þessa heimildarmynd og ég hef líka séð fleiri svipaðar. Frekar fyndnar verð ég að segja.

[Helgi Armannsson (IP-tala skráð) 21.3.2012 kl. 01:25]

Thats good Emil. Laugh and have a good time while being sprayed like a bug.

[Magnús Sigurðsson, 21.3.2012 kl. 05:10]

Það er gott að menn kynni sér þetta með því að horfa á t.d. þessa mynd.  Ég hló líka af vitleysunni fyrst, hverjum dettur eginlega í hug að setja fram svona fáránlega samsæriskenningu og hvað þá að eyða fjármunum í að kynna hana. 

Svo er allt í einu er samsærið sjálft á himninum dag eftir dag og ég hættur að finnast þetta fyndið.