Þegar fábjánar fá frábærar hugmyndir

Nú spangóla varðhundar veirunnar á hverjum hól eftir að hafa efnt til stærstu útisamkomu aldarinnar á skimunarstöðvunum um hávetur. Sóttin er orðin sjálfbær og það eina sem getur stöðvað hana er að skimunarliðið tínist smá saman í sóttkví eða einkennalausa einangrun. 

Það sem er ekki beint geðslegt við ástandið er að þessi geðveiki geisar nú um allan heima og er kallaður heimsfaraldur. Þar er mannréttindum fólks miskunnarlaust fórnað á altari siðblindra auðróna. Heilbrigðiskerfið er orðið helsjúkt af meðvirkni og tröllið sem stal jólunum heimtar að halda þeim.

Ungur maður birti sinn jólaboðskap  á facebook á jóladag, sem segir meira en þúsund orð og ótal greiningar, um það sem farið hefur úrskeiðis á milli eyrnanna á fólki. 

Hjálpræðisherinn þurfti að vísa 300 manns sem höfðu skráð sig í jólamat fyrir þessi jól frá vegna sóttvarnareglna. Af þeim eru 150 börn. Hvar ætli þau hafi verið um jólin? Á sama tíma voru undanþágur veittar svo efri-millistétt landsins kæmist á jólatónleika og á Jómfrúna í Þorláksmessutradissjón. Ekkert að því. Dauðlangaði sjálfum á Jommuna. En mig langaði meira að börnin fengju að borða.

Frá því fyrsta smitið kom upp hafa svo á bilinu 80 til 90 framið sjálfsmorð, langflest þeirra yngri en 45 ára (skv. bráðabirgðatölum Landlæknis), en 37 dáið úr Covid, langflest eldri en 70 ára. Aftur og aftur er traðkað á rétti barna til þess að stunda sitt nám til að margbólusettir kennarar smitist ekki af einhverju sem er einfaldlega ekki hættulegt að fá, Covid.

Samfélag sem fórnar lífum, líkamlegri og andlegri heilsu ungmenna fyrir hagsmuni (mjög) fullorðins fólks er sjúkt. Virkilega sjúkt. Samfélag sem fórnar hagsmunum þeirra sem þurfa að sækja í félagsskap og mataraðstoð Hjálpræðishersins á altari sóttvarna en er til í að sjá í gegnum fingur sér þegar kemur að klístruðum jólatónleikum, enda neyðin ekki það mikil, er sjúkt.

Ég spurði aðstoðarmann Landlæknis hvers vegna ekki lægi fyrir fjöldi sjálfsmorða nema fyrir fyrri helming árs, og það „bráðabirgðatölur.“ Nú, það er vegna skorts á réttarmeinafræðingum. Það er samt hægt að greina hvert einasta covid smit ofan í kjölinn, raðgreina í ræmur og elta hvar þúsundir manna hafa hóstað, hnerrað og heilsast marga daga aftur í tímann. En það er ekki hægt að taka saman hversu margir tóku eigið líf í þessu landi síðustu sex mánuði. Það er sjúkt.

Að ekki sé hægt að fjármagna geðheilbrigðispakkann almennilega þegar 2% af kostnaðinum við Covid myndu duga, er sjúkt.

Stefna íslenskra heilbrigðisyfirvalda er helsjúk.

https://www.facebook.com/heimirhann/posts/10158969781243655

Gætum átt von á fjöldasamkomu á spítalanum

Athugasemdir

[Sigurður Kristján Hjaltested, 27.12.2021 kl. 14:15]

Sorglegt en satt.

[Matthías (IP-tala skráð) 27.12.2021 kl. 14:20]

Þetta er góð og gild sjónarmið. "Helsjúkt" er einmitt rétta orðið yfir það samfélag, sem búið hefur verið til á þessu landi undanfarna áratugi, og yfirstandandi hópsturlun gerir ekki annað en að endurspegla.

[Símon Pétur frá Hákoti (IP-tala skráð) 27.12.2021 kl. 15:11]

Dag eftir dag hef ég rýnt í tölur 

og það út um allan heim og sagt í hálfum hljóðum 

það er ekkert eðlilegt við þetta.

Engin umræða um að t.d. hafi einungis 

100.000 af 1.450.000.000 í Kína smitast á 2 árum,

en 53.000.000 af 333.000.000 í Bandaríkjunum.

Engin umræða um að af þeim 37 sem látist hafa

hér á landi af Kóvit völdum 

hafi nær helmingurinn látist vegna handvammar

heilbrigðisyfirvalda.  Já, á Landakoti.

Það er ekkert eðlilegt við þetta.

Það er ekkert eðlilegt við þöggunina

og boðvaldið, helsýkina, sem hér ríkir.

[Magnús Sigurðsson, 27.12.2021 kl. 15:29]

Það er einfaldlega ekkert heilbrigt við það að smala fólki út á svellin um há vetur í kulda og frosti til að troða pinna upp í nasirnar á því til að komast eftir hvort það er smitað af lungnadrepsótt. 

Ef fólk er lasið þá hefur venjan hingað til verið sú að benda sjúklingum á að vera heima og fara vel með sig. En ekki að æða út í stærstu fjöldasamkomur aldarinnar. 

Varðhundar veirunnar spangóla nú úlfur, úlfur í veldisvexti í enn eitt skiptið og nú til að dæla fyrstu umferðunum af tilrauna glundrinu í blessuð börnin og þeir góla hæðst sem hafa mestra fáhagslegra hagsmuna að gæta.

Hallelúja eða hitt þá heldur.

[Símon Pétur frá Hákoti (IP-tala skráð) 27.12.2021 kl. 16:09]

Rétt Magnús, það er ekkert heilbrigt við þetta.

Hvað þá eðlilegt.

En spurningin er sem ætíð:  Til gróða hvers?

[Eggert Guðmundsson, 27.12.2021 kl. 17:32]

Sæll Magnús

Ég er þér hjartanlega sammála um ágæti þessa pistils frá þessum unga manni. 

Þessi sprautufíkn Sóttvarnarlæknis og heilbrigiðisstéttarinnar snýst ekki lengur um að ná einhverjum tökum á faraldi, og að mínu mati, faraldi sem aldrei hefur verið meðla okkar eða heimsins. 

Ég get ekki sannfært mig um að svokallaður drepfaraldur hafi ekki meira manntjón en einungis rúmlega 2% af heildarfjölda allrar heimsbyggðarinnar.

[Eggert Guðmundsson, 27.12.2021 kl. 17:47]

Afsakið, ég fór með rangar tölur- þetta átti að vera rúmlega " 2% af smituðum og 0,0549% af heildarfjölda heimsbyggðarinnar"

[Ari Tryggvason, 27.12.2021 kl. 18:24]

Tek undir hvert einasta...einast orð.

[Magnús Sigurðsson, 27.12.2021 kl. 18:59]

Eins og vanalega verða verða það djöfuls snillingar sem græða Símon Pétur. Þeir sem hafa haft augastað á veikindavæddu heilbrigðiskerfi heimsins í meira en hundrað ár.

Það þarf víst ekki nema meðal stærðfræðiþekkingu til að reikna það út að framliðnar verða sprauturnar orðnar átta þegar afraksturinn skilar sér í money haven, eða hvers vegna heldurðu að í farvatninu hafi þegar verið 1,4 milljónir skammta fyrir tví-ó-bólusetta þjóð?

Djöfuls snillingar vilja miklu meira. Meira en bara falskar, liðskipti, skimanir og sprautur. Fyrir skemmstu vantaði þann klára hann smára, um ca svipað leiti og réttast var að gera kvenfólki með brca genið kleift að skera af sér brjóstin í forvarnarskini, hvað verður svo í boði þegar Alzheimer  genið finnst?

Við erum að sigla inn í öld afgreiðslukassans og transhúmanismans. Þó svo að okkur þyki þar vera ótrúleg vísindi, þá er ég sjálfur nú þegar meira og minna með kviðinn hnýttan saman úr næloni og stálnet til að blóðið renni um hjartað, svo þegar hausinn fer að bila verður ekki nokkuð má að smella í hann tölvukubbi svo hann virki, -allt verður þetta fyrir rétt verð auðvitað.

Djöfuls snillingar eiga aldrei nóg af tölum á aflandsreikningnum sínum í neðra, þó svo að við hopbitaskáldin skiljum ekki þá gjörningalist.

[Jóhann Elíasson, 27.12.2021 kl. 20:22]

Með albestu pistlum sem ég hef lengi lesið....

[Rúnar Már Bragason, 27.12.2021 kl. 21:10]

2008 hrundi bankakerfið

2021 hrynur læknakerfið vegna lyfjafyrirtækja sem fá að setja í forgrunn bólusetningu í stað þess, eða með, að nota lyf sem vitað eru að virka.

Þetta er skandall

[Ómar Geirsson, 28.12.2021 kl. 18:50]

Þú segir það Magnús.

Á þessum tímapunkti hafa líklegast rúmlega 170 þúsund manns dáið frá 1. júní í Bandaríkjunum, vegna þeirrar afneitunar sem kemur fram í pistli þínum.

Tökum þetta ekki alvarlega, frábiðjum okkur sóttvarnir og bólusetningar, höngum heima þegar við fáum lungnapestina.

Til samanburðar þá dóu 110 þúsund manns frá upphafi farsóttarinnar fram til júní 2020 (USA), þegar sóttvarnir höfðu slegið af fyrstu bylgjuna, þá dóu aðallega eldra fólk, sérstaklega til að byrja með þegar sóttvarnir vörðu það ekki.

Sóttvarnir og bólusetningar verja fólk í áhættuhópum í dag, megnið af hinu óbólusettu sem féllu frá 1. júní, er yngra en 60, ekki með þekkta undirliggjandi sjúkdóma.

Fólkið sem þú ræðst á ítrekað, hefur hindrað slík dauðsföll hérlendis, bæði með sóttvörnum, sem og að það náði að sannfæra megnið af þjóðinni að láta bólusetja sig. 

Hinir eru það fáir að þeir geta hrópað úr fílabeinsturni sínum, sem er byggður af vörnum þess fólks sem þeir benda fingur á, og segja, "af hverju verjið þið okkur?".

Það er rétt að margt í mannanna verkum má betur fara, og líklegast er hið stærsta að fullorðið fólk stýrir ekki þjóðinni á þessum háskatímum, það dregur lappirnar við að efla heilbrigðiskerfið, var ekki tilbúið að mæta hinu bráðsmitandi afbrigði ommieitthvað með því að hafa tilbúna skimunarstaði þar sem fólk þyrfti ekki að standa út í kuldanum, í þjappaðri biðröð.

Það réttlætir ekki árásir Magnús á sóttvarnir, heldur ætti að vera ákall um að auðurinn sem á landið, fjárfesti í fullorðnu fólki til að stýra því.

Geðheilbrigði er svo annar sorglegur faktur á ábyrgð þessa sama auðs, niðurskurður þar er í anda þess niðurskurðar sem börnin boðuðu á heilabrigðiskerfinu í miðjum faraldri, en þar er ekki við sóttvarnir og sóttvarnaryfirvöld að sakast, ekki nema menn trúi á Back to the Future, og að Þórólfar þessa heims beri ábyrgð á uppgang frjálshyggjunnar uppúr 1980.

Síðan hefur hvergi verið sannreynt að sjálfsmorðum hafi fjölgað á þessum tíma, umfram það trend sem þegar var komið fyrir kóvid, trend sem er bein afleiðing af samfélagsþáttum sem meðal annars má rekja til kvenvæðingar skólakerfisins, og yfirtöku samfélagsmiðla á daglegum samskiptum.  Eða bara sá einfaldi hlutur sem má rekja til helmarkaðssóknar orkudrykkja, morfínskyldra verkjalyfja og svo framvegis.

Kóvid byrjaði nefnilega ekki árið núll, þar sem árið mínus einn var ár einfrumunga.

Myrkraöflin sem ógna tilveru barna okkar og barnabarna hafa lengi verið að, sýnileg sem vald í um 40 ár, þau vissulega nýta sér svona faraldra til að stýra fólki, en ein stýringin er afneitun og afbökun staðreynda.

Eitthvað sem Tolkien sá fyrir þegar hann skrifaði heimsendasögu sína sem hann kenndi við Hring illskunnar.  Nýbúinn að lesa þriðja bindi, þar segir að óvinurinn eini hafa brenglað sýn manna, fengið þá til afglapa, til að snúa spjótum sínum að hvorum öðrum.

Vitna í handvömm sem réttlætingu þess að fólk sé gert að skotskífu manndrápsveiru.

Líklegast er til fólk sem finnst það í lagi að á innan við 6 mánuði falli um 170 þúsund manns vegna brenglunar óvinarins, en að baki er heilbrigðiskerfi sem hélt, vegna sóttvarna og bólusetninga, ef það hefði hrunið, þá hefði yfir milljón manns á besta aldri fallið, bara í USA.

Svona fyrir utan öll þau hundruð þúsunda sem hefðu dáið vegna þess að læknirinn og hjúkrunarfræðingurinn var fallin frá, eða kominn í felur vegna þess að hann lét ekki forheimsku annarra ógna lífi sínu og limum.

Skynsamt fólk veit Magnús, að það er eitthvað mikið að málflutninginum þegar vitleysingahjörðin mætir og klappar.

Ekki nema náttúrulega það sem nýtir sér tæki áróðursins til að spila með hjörðina, sér og sínum til framdráttar.

En það vekur aftur upp hugrenningatengsl við óvininn eina, hver er diffinn þegar lagt er að stað með góðum ásetningi, en með sömu vinnubrögðum??

Þeirri spurningu svaraði Tolkien, svarið má lesa í sagnabálki hans sem kennt er við hring illskunnar.

Það mætti halda að hann hefði átt kristalkúlu.

Kveðja að neðan úr sjódrífu norðaustanáttarinnar.

[Magnús Sigurðsson, 28.12.2021 kl. 20:07]

Sæll Ómar, ég sé að það er svart í neðra núna varla nokkur glóra, en vonandi hefur engin liðið út af í blindunni.

Ég var að rýna í skafrenninginn af heima hólnum og o boy, o boy, já það er alveg fyrir neðan allar hellur að einn fulltrúi á ölgjafarsamkundunni velti fyrir sér mannréttindum samkvæmt laganna hljóðan í öðrum eins glóruleysi og þegar þríbólusettur þingheimur er smitaður af pestinni. Og þetta sé þar að auki maður sem efast um almáttugan glóbalinn.

Góðar undirtektir við pistilinn hér að ofan á ungi maðurinn á facebook skuldlaust fyrir að benda á hvað hefur farið úrskeiðis á milli eyrnanna á fólki í þessu samfélagi, ekki ætla ég mér þá upphefð. Búinn að berja hausnum hér við steininn á annað ár án þess að svo mikið ná til þín með langlokunum hér á síðunni þó svo stutt sé á milli okkar.

Annars hef ég ekki grænan grun um hvernig þú kemst að þeirri niðurstöðu að það fjölmenna í biðröð á svelli um hávetur hafi með sóttvarnir að gera. Ég var að reyna að koma til fólks að fara vel með sig og halda sig heima, væri það óöruggt með heilsuna á þessum pestar tímum, í stað þess að fjölmenna á útisamkomu. Hef greinilega gert það frekar ámátlega. 

Veistu að ég hef aldrei horft á mynd eftir Tolken til þess þarf ég að kveikja á sjónvarpinu og varðandi bókina þá hef ég ekki heldur lesið hana,  álpaðist beint í originalinn á sínu tíma. Hann heitir á íslensku Völsungasaga. Ég þarf greinilega eitthvað að fara að athuga mín mál.

Með aflíðandi kveðju úr efra.

[Magnús Sigurðsson, 28.12.2021 kl. 20:30]

Eitt gleymdi ég að biðja þig um Ómar minn, mér þætti vænt um að þú kallaðir ekki þá sem gefa álit sitt í athugasemd á þessari síðu vitleysinga, mér þykir vænt um þær allar.

Ég var reyndar búin að sjá að þú hafðir tekið upp þennan leiða ávana, um leið og þú tókst upp þann plagsið að spangóla á öðru síðum. Þú mátt mín vegna  þess vegna titla mig sem myrkrahöfðingjann sjálfan.

Svona bara okkar á milli.

[Guðjón E. Hreinberg, 28.12.2021 kl. 22:06]

Prenta út og ramma inn.

[Ómar Geirsson, 30.12.2021 kl. 09:47]

Blessaður Magnús.

Ekki veit ég hvernig þú fékkst það mikla sjálfsálit að halda að ég sé að kenna þig við sjálfan myrkrahöfðingjann þó ég bendi þér á þá brenglun sem einkennir vinnubrögð Óvinarins, þó einhver fákunnandi hafi stungið þessu að þér þá hélt ég að við hefðum rætt málin það lengi að þú vissir að ég hef lengi tengt hugmyndafræði frjálshyggjunnar við þær táknmyndir sem mannsandinn notar til að lýsa illskunni.

Eins er það ofsagt að Hringadróttasaga (sem er bók ekki Hollywoodmynd) sé nútímaútfærsla á Völsungasögu, það er vissulega rétt að þaðan sækir Tolkien margar hugmyndir sínar að sagnaheimi sínum, en sá sagnaheimur er umgjörð um áralangar hugmyndir kaþólsks fræðimanns um baráttu góðs og ills, og hvernig sú illska vinnur og ógnar siðmenningunni.  Í formála sínum frábiður hann sér að bókin sé tengd við uppganga nasismans, þessar hugleiðingar hans voru mun eldri en það, hann var löngu farinn að spá í þetta, sem ungur maður upplifði hann hrylling vesturvígstöðvanna og í Englandi aldamótanna áttu sér hatrömm stéttarátök við eina af svæsnustu birtingarmynd frjálshyggjunnar og hennar mannfjandsamlegu hugmyndafræði.  Ræturnar liggur samt í kaþólskunni og hugleiðingum biblíunnar um þessa baráttu.  En ef þig langar að verða myrkrahöfðingi Magnús, þá þú um það, en þú hefðir samt gott af því að lesa pælingar Tolkiens.

Ég hef engan kallað vitleysing í athugasemdarkerfi þínu, ef þú ert að vísa í orð mín um vitleysingahjörð þá er það milt orð um fólk sem getur ekki rökstutt skoðanir sínar án þess að bulla eða fara rangt með staðreyndir. Öllu jöfnu notar mannsandinn sterkari orð yfir slíka rökfærslu. Telji einhver sig sem skrifar í athugasemdarkerfi þitt sig tilheyra þeim hópi þá er það hans mál, ekki mitt.  Eins er það ekki á mína ábyrgð hvort þú lítur einhvern grunsemdaraugum eftir þessi orð mín, en mér vitanlega tek ég rökræðuna um fullyrðingar, finnst það reyndar miður að þú skulir kalla rökræðu mína spangól, en það er ekki á allt kosið í þessum heimi.

Yfirleitt ert þú skiljanlegur Magnús, líka í útúrsnúningum þínum, en þessi orð þín ná engan sens í mínum huga varðandi efni pistils þíns sem og athugasemd þína; "Ég var að rýna í skafrenninginn af heima hólnum og o boy, o boy, já það er alveg fyrir neðan allar hellur að einn fulltrúi á ölgjafarsamkundunni velti fyrir sér mannréttindum samkvæmt laganna hljóðan í öðrum eins glóruleysi og þegar þríbólusettur þingheimur er smitaður af pestinni. Og þetta sé þar að auki maður sem efast um almáttugan glóbalinn."

Mundi svo að ég henti inn athugasemd minni hér að ofan eftir að ég hafði látið af því að skrifa pistil til stuðnings orðum Jóns Ívars prófessors við Harvard, sem ég hlustaði á í viðtali við hann á Rás 2.  Ég ætlaði að kveðja árið með loftslagspistlum mínum en viðtalið við Jón var það gott að ég ákvað að leggja orð í belg.  Pistillinn var vissulega tengdur við frétt um tengt málefni, og þaðan spann ég þráð sem ég hygg að þú sért að vísa í, veit samt ekki.  En mikill má viljandi misskilningurinn vera ef sá þráður er túlkaður þannig að ég sé eitthvað á móti mannréttindum eða spurt sé um lagagrundvöll, enda segi ég það skýrt; " í þessu máli er ekki deilt um slíkan rétt. Frekar svona, hvar eru mörkin??" og bendi síðan á að þau mörk eru ekki rædd ef sá sem vekur máls á spurningunni sækir rök sín á lendur vitleysunnar.

Forsendur sóttvarna þarf að ræða, sífellt, hvað mig varðar þá orðaði ég þá ágalla sem blasa við mér svona; "En að því gefnu, hver er áhættan af því að fullbólusett fólk sýkist?? Bæði er það ólíklegra til að smitast, sem og að það smitið nær varla að slá við slæmu kvefi.".

Ásamt því að ræða skálkaskjólin fyrir því sem farið er að verða lítt skiljanlegt.

En í þeim pistli eru athugasemdir frjálsar, jafnt undir rós, í útúrsnúningum eða hressilegri rökræðu manna sem hafa munninn fyrir nefið og kjósa að nota hann.

Það er bara svo.

Kveðja úr blíðunni með smá hraglandi í neðra.

[Magnús Sigurðsson, 30.12.2021 kl. 12:11]

Sæll Ómar, vonandi fer hríðarhraglandanum í neðra að slota svo viðri vel til loftárása um áramótin.

Ég hef ekki öðlast þetta sjálfálit sem þú ætlar, þetta var einungis boð til þín að skeyta skapi á, í stað þess að kalla gesti þessarar síðu vitleysingjahjörð. Mér dettur ekki einu sinni í hug að ég eigi neitt með sameiginlegt með þeim í neðra. Þó svo að þú haldir því statt og stöðugt fram að ég taki upp hanskann fyrir hann.

Varðandi Tolkein þá held ég að hann hafi ekkert með færsluna hérna að ofan að gera annað en það að ég minntist á Hobbitana í athugasemd til Símonar Péturs vegna þess að hann hefur ítrekað notað það orð yfir okkur smáfólkið hér í athugasemdum, -það hafði í raun ekkert að gera með mitt orðfæri.

Ég sé ekki betur en að þú hafir séð í gegnum skafrenninginn af heimahólnum og eins og ég sagði varðandi heimsbókmenntir Tolkens þá þarf ég að fara að athuga minn gang. En mér finnst t.d. það að lesa originalinn af Sturlungu áður en ég las hraðsoðna útgáfu Ejnars Kárasonar af sama riti haf gefið mér mun dýpri skilning en ef ég hefði lesið Kárason fyrst, það þarf nefnilega að djúpkafa í originalinn til að skilja Sturlungu á meðan Kárason fílisóferar aðalega eigin hugmyndir á hundavaði, þó svo hraðlesið sé og skemmtilegt.

Þrjóska mín er um margt samtoga viðhorfi mínu til sagnfræði seðlabankastjóra, -ég kaupi ekki þýfi fyrir jól. En eins og ég sagði þá þarf ég að fara að athuga minn gang og það held ég að þú ættir líka að gera með því að líta í originalinn af og til, því staðreyndirnar í honum eru fyrir utan gluggann, svona svipaðar og fermingabróðirinn sem gekk ljúgandi um bæinn um árið, en til þessa að opinbera lygina þurfti að slökkva á sjónvarpinu og sannreyna nánasta umhverfi. Þau sannindi fást ekki í sjónvarpsfréttum frá Langtíburtukistan.

Varðandi Jón Ívarsson þá veit ég ekki betur en að hann titli sig sem vísindamann. Eins og ég hef sagt þér áður þá rökræði ég ekki við pappakassa, jafnvel þó svo að hann sé stútfullur af vísindum, -það er bara þannig, kann betur við guðspjöllin.

Mér næga alveg staðreyndirnar á förnum vegi og ég hef ekki ennþá séð neinn líða útaf vegna pestarinnar, en þekki og hef rætt við fjölda félaga sem hafa greinst með pestina. Hef beðið þá um, ef ég hef komið við sögu, að minnast ekki einu orði á nærveru mína því að á þessu leikriti hafi ég ekki áhuga. Þeir hafa virt það þannig að ég hef alveg verið laus við að láta reyna á lögmæti sóttkvíar fyrir dómstólum og teppa heilbrigðistarfsmenn við skimanir og smitrakningu.

Ég vona samt heilshugar að það létti hríðamuggunni og verði heiðskýrt í neðra fyrir morgunndaginn og viðri vel til loftárása annað kvöld. Um leið vil ég þakka þér allar athugasemdirnar hér á síðunni þetta árið og oftar en ekki áhugaverðar samræður. Hamingju óskir til þín með morgunndaginn.

Með kveðju úr muggunni í efra.

[Ómar Geirsson, 6.1.2022 kl. 16:23]

Blessaður Magnús.

Það sem mér finnst dapurst í athugasemd þinni að þú skulir ætla mér að ég sé fífl.

Ég tók það nærri mér að ég vonaði að tíminn myndi þurrka út þau viðbrögð sem ég kannski las, og kannski las ekki, að rök mín væru Spangól.

Ég er vígamaður Magnús, hafi ég efast þá hef ég reglulega verið minntur á það, frá því réðist gegn fyrrum félögum í ICEsave stríði okkar, í millitíðinni er mörg orrahríðin, til dæmis í orkapakka 3, þá hef ég aldrei upplifað af hendi andstæðinga minna, og þó var virkilega hart sótt að, að rökfærslur mínar hafi verið tengdar við spangól.

Mér urðu á þau mistök að tengja orðsnilld þín við atburði líðandi stundar, mér til vorkunnar þá hef ég ekki oft lesið greindarlegri orð.

En mörg er orrahríðin sem ég hef tekist á við, ekki að ég sé að vorkenna mér, það liggur í eðli skrifa minna.

Þegar orðsnillingur afgreiðir orð mín sem spangól, án þess að ég hafi svo sem talið ástæðu til að egna til óvinafagnaðar, þá er svo sem fátt eftir af tilgangi mínum, eða hlutverki.

Rök þín hér að ofan er að besta falli hægt að rekja til afneitunar, þinn akkilesarhæll er að þú telur að afkomendur okkar sem erfa landið, þeim sé alveg sama.

Sem er þitt val, ekki mitt, og ekki mitt að benda á.

Og þá tek ég út orð sem má rekja til vitleysu þeirra sem hafa ekki meiri virðingu fyrir sjálfum sér að fara vísvitandi rangt með.

Hvernig þú ætlar þér að halda haus þegar stríðið við óvininn eina tekur við, vonandi verður styttra í það stríð en hann ætlar, það veit ég ekki.

En hvað það varðar Magnús, gangi þér vel.

Kveðja að austan.

[Magnús Sigurðsson, 6.1.2022 kl. 21:42]

Sæll Ómar, og óskir til þín og þinna um farsælt komandi ár.

"Nú spangóla varðhundar veirunnar á hverjum hól eftir að hafa efnt til stærstu útisamkomu aldarinnar á skimunarstöðvunum um hávetur." -þannig hefst bloggfærslan hér að ofan.

Bloggið var ekki skrifað með þig í huga, svo því sé haldið til haga. Hvað þá að ég ætli þig fífl, það hefur mér aldrei dottið í hug.

Ég geri mér vel grein fyrri að þú ert vígamaður. Hefur margítrekað tekið yfir umræður á annarra síðum, -þegar þú telur þar vera vitleysingjahjörð sem fari vísvitandi rangt með, -stangast það á við það viðtekna.

Mér er bæði ljúft og skylt að biðja þig afsökunar að kalla athugasemdir þínar spangól. 

Með kveðju úr efra.