Bláar myndir á sunnudagskvöldi.

Kosningabæklingurinn er kominn úr prenntun.

þá vitum við það að engin ríkisstjórn í hinum vestræna heimi hefur staðið sig betur en helferðarhyskið í að hjálpa skuldugum heimilum.  Eins og sjálfsagt kemur fram í bæklingnum, án þess að mbl sjái ástæðu til að geta þess, er eitt helsta úrræðið sem stjórn helferðarhyskisins hefur boðið skuldugum heimilum Hæstiréttur.

200 milljarðar afskrifaðir

Hver á milljón til henda út um gluggann.

Af 20 milljóna íbúð eru 5% 1 milljón við að láta hana af hendi færðu 2 milljónir lánaðar vaxtalaust í 3 ár hjá söluaðilanum og tekur 17 milljónir að láni hjá verðtryggðu Mafíunni. 

Eftir 3 ár skuldaðru Mafíunni að minnsta kosti 22 milljónir, söluaðilanum 2 milljónir, á Guð má vita hvað háum vöxtum og þín milljón er fokin út um gluggann. 

Svona er Ísland í dag, þetta er besti díllinn sem heyrst hefur um að ungu fólki bjóðist við að koma þaki yfir höfuðið.

Hrist upp í húsnæðislánum

Þegar grasrótin gengur í ESB.

 

Spáið svo í það hvernig farið verður með ráðgefandi þjóðaratkvæðagreiðslu um ESB aðild?  Þá þarf ekki að koma á óvart að það sama verði uppi og í stjórnárskrármálinu, að hin sanna grasrót verði þau þúfa og þurskollur við Austurvöll.

Fulltrúum bænda hafnað

Algert hrun 2012.

Það er alltaf fróðlegt að sjá efnhagsspárnar hans Gerald Celente, hérna er spáin fyrir 2012, teknó krata fasistarnir taka yfir. 

Ný efnahagslægð á leiðinni

Bláar myndir á sunnudagskvöldi.

Út úr kú.

Ef umfjallanir og viðtöl Kastljóssins við Gunnar Andersen hafa ekki dugað til að leiða fólki það fyrir sjónir að valið á forstjóra Fjármálaeftirlitsins var út úr kú,  þá hefði sú grímulausa aðför sem Fjármálaeftirlitið og Seðlabankinn hófu að skuldugum borgurum landsins í kjölfar dóms hæstaréttar um ólögmæti erlendra lána átt að duga til þess að hann hefði þá þegar verið látin víka. 

Það getur varla verið að Seðlabankastjóra, ríkisstjórninni og öllu heila helferðarhyskinu sé sætt eftir að Hæstiréttur þurfti aftur að fella dóm þar sem aðförin að almenningi landsins var rekin öfug ofan í kokið á hyskinu.

Forstjóra FME sagt upp

Billegra en að gera það ekki.

Enn og aftur er talað um að niðurfærsla verðtryggingar ránsins verði dýr, þá ríki, bönkum eða lífeyrissjóðum.  Það er ekki gerð tilraun til að horfa til þess hvað það mun kosta samfélagið að skila ekki þýfinu. 

Það mun reynast samfélaginu mun dýrara ef verðtryggð lán verða ekki leiðrétt aftur til ársbyrjunar 2008, eða þegar bankarnir með tilstyrk landsliðsins í kúlu hófu markvisst rán á skuldsettum eigum almennings til að fegra efnahagsreikninginn.  Því með sama áframhaldi er stutt í að allir þeir sem áttu 50% í skuldsettri eign verði eignalausir.

Þetta rán hefur staðið sleitulaust í þrjá áratugi en það ætti að vera stjórnvöldum fullkomlega ljóst að nú er komið að þeirri stund að aðeins leiðrétting á verðtryggðra lána getur komið í veg fyrir að kostnaður ríkisins verði ennþá hærri en við að leiðrétta þau ekki.

Niðurfærsla dýr ríkinu

Nú fór í verra.

Hvernig eiga bankarnir að snúa síg út úr þessu?  Það kæmi ekki á óvart að þeir ásamt helferðarhyskinu, sem sveik íslenskan almenning, hertu á verðbólgunni til að bæta verðbótum í kassann upp í missinn á þessum hluta þýfisins. 

Svo er það annar kapítuli hvenær verðtryggingar ránið verður stöðvað?  Sennilega þarf bæði mannréttinda dómstóla og loftárásir til að koma þeim nábít fyrir kattarnef.

Miði við erlendu vextina

Möndla keisið.

Nú eru atvinnuátak ríkisstjórnarinnar farið að skila sér, með því að ginna 900 ungmenni yfir á námslán og ýta 500 manns út af atvinnuleysiskrá sem voru þar áður.  Þannig hefur tekist að stórminnka atvinnuleysið á milli ára án þess að nokkuð hafi breyst, nema tölurnar sem eru miklu geðslegri. 

Jafnframt þessum er fjöldi manns gleymdur og tröllum gefin, t.d. allir þeir sem starfa í Noregi en halda ennþá heimili á Íslandi.  Það má þess vegna segja að atvinnuleysi á Íslandi sé yfir 10% ef ætlunin væri að líta raunsætt á málið.  Einhvern tíma hefði svona talnaleikfimi verið kölluð að möndla keisið. 

Atvinnuleysið 7,2%