Hverju finna Obama og félagar upp á næst?

Jæja getur maður þá hætt að ganga á sokkaleistunum með buxurnar á hælunum í gegnum flugvallaeftirlit grunaður um að vera með sendingu frá Osama bin Laden innanklæða eða í farteskinu.  Eiga kannski Barack Hussein Obama og félagar eftir að finna upp á einhverjum nýjum samkvæmisleikjum?

Osama bin Laden allur

Dyrfjöll og Stórurð.

Standi saman um hvað?

Nú fer "hyskið" (sem stóð í vegi fyrir almennri skuldaleiðréttingu heimila, ætlaðist til að þjóðin tæki ábyrgð á skuldum gjaldþrota einkabanka í útlöndum og má ekki heyra minnst á afnám verðtryggingar) fram á að þjóðin standi saman. 

Þetta lið hefur ekki lyft litla fingri til að verja kjör félagsmanna sinna, það hefur ekki boðað til mótmælafundar svo mikið sem einu sinni frá hruni.  Vill þetta lið að þjóðin standi saman um að mæta og klappa fyrir þeim sunnudaginn 1. maí?

Mikilvægast að þjóðin standi saman

Fleiri hryllingssögur.

Fólkið sem þrammaði með þjóðina fram af hengifluginu situr nú, næstum þremur árum seinna, sem fastast allt í kringum borðið og segir hryllingssögur um það hvernig allt fari á versta veg ef það fær ekki sínu framgengt.  Það meir að segja líkir kjörum þjóðarinnar við kjör þjóða Austur Evrópu þó svo að það hafi setið við stjórnvölin sjálft allan tímann. 

Það er kominn tími til að hyskið sem kom þjóðinni í "Austur Evrópska ástand" með því að hafna almennri leiðréttingu lána, telja inngöngu í ESB vera forgangsmál og vildi þar að auki að þjóðin tæki ábyrgð á skuldum gjaldþrota einkabanka, standi upp frá "veisluborðinu" og láti öðrum eftir að gefa upp á nýtt.  Það eru allir að verða búnir að fá nóg af yfirlýsingunum frá þessu hyski sem hugsar ekki um neitt annað en eigið rassgat.

Fyrirtæki „myndu hrynja“

Hr. formaður bankaráðs; ekki meir, ekki meir.

Þeim gekk svo vel hjá Landsbankanum "að laða til sín og halda fremstu sérfræðingum í vinnu" á ofurlaununum hérna um árið.  Settu Ísland á hausinn og Bretar sáu sér ekki annað fært en að setja á þá hryðjuverkalög. 

Áhyggjur af launamálum

Sumarlandið.

 

 

Um páskana fórum við frú Matthildur í heimsókn til vinafólks í Noregi.  Í þessari ferð var ekki laust við að mér dytti í hug bókin "Sumarlandið" eftir Guðmund Kristinsson, sem ég hef verið að lesa að undanförnu. 

Bókin Sumarlandið hefur að geima frásagnir miðla þar sem framliðnir lýsa andláti sínu og endurfundum í framlífinu.  Flestar frásagnirnar hafa að geyma fagra endurfundi við fjölskyldu og vini í hinu fagra "Sumarlandi", þar sem veðurblíðan leikur við vangann og einungis rignir á nóttinni, svona til að næra gróðurinn, flestar þjáningar fyrra lífs þar að auki að engu orðnar.

Noregur skartaði sínu fegursta við komuna, sól og 17 stiga hiti.  Stefán fyrrum félagi í byggingargeiranum tók á móti okkur, ásamt íslenskum félaga sínum, á lestarstöð í Osló og sýndi okkur borgina seinnipart dags.

 

 

Þegar við tékkuðum okkur inn á Skandinavia hótelið í miðborg Osló bað ég dömuna í móttökunni um reykinga herbergi, hún brosti og rétti mér lykilinn og sagði "2107 þú kemst ekki hærra".  Þegar við komum upp á herbergið skildi ég hvað hún meinti, Osló blasti við út um herbergisgluggann á efstu hæð Hótelsins.  Karl Johann, Stórþingið, Nationalteater og konungshöllin voru fyrir neðan herbergisgluggann okkar auk stórkostlegs útsýnis út yfir höfnina og Óslóarfjörðinn. 

Morguninn eftir kom Stefán ásamt félaga sínum og fór með okkur í ökuferð upp á Holmenkollen þar sem búið er að byggja splunkunýjan skíðastökkpall.  Síðan var tekinn rúntur um hverfi vel stæðra Norðmanna á Holmennkollen, þar sem Stefán sýndi okkur stórglæsileg einbýlishús og hvar hann hafði unnið.  Síðan fór hann með okkur til fjölskyldunnar sinnar sem býr í Asker, þar voru samankomnir margir Egilsstaðabúar bæði fyrrverandi og núverandi.

 

Í Asker kom svo vinafólkið, Tóti og Dúna, til að sækja okkur og haldið var suður til Porsgrunn þar sem við dvöldum hjá þeim í frábæru yfirlæti um Páskana.  Veðrið og sólin lék við hvern dag hitin í kringum 20 stigin yfir daginn.  Við fórum í allskonar bíltúra og gönguverðir, skoðuðum eyjar, báta og hyttur norðmannanna auk gamalla húsa þar sem götumyndirnar í bæjunum í kring eru eins og málverk ætluð sem augnakonfekt fyrir iðnaðarmann.

 

Þeir eru orðnir margir úr byggingageiranum á Íslandi sem flutts hafa til Noregs.  Þegar talað er við fyrrum félaga í húsbyggingum sem þar búa er undantekningarlaust svo að þeir eru að vinna að spennandi verkefnum.  "Þetta er svipað og var á Íslandi 2006, bara gaman" segja þeir, vinnudagurinn er búinn á skikkanlegum tíma og framfærslan er þægileg.  Þeir sem fjárfest hafa í húsnæði sjá höfuðstól lána lækka við afborgun, sem er nokkuð nýtt fyrir Íslending.  Allt þetta vinafólk hefur það gott og sér ekki eftir því að hafa skipt um umhverfi fljótlega eftir Íslenska hrunið.

 

    

Það fylgdu því þar af leiðandi nokkur heilabrot að koma heim aftur í atvinnuleysi og krepputal.  Það fyrsta sem maður tók eftir í fréttum er að búið er að senda skuldamál heimilanna til ESA sem mannréttindabrotamál, þar sem bæði verður látið reyna á útfærslu vaxtaútreiknings ólöglegra erlendra lána og verðtryggingarákvæði húsnæðislána.  Auk þess að hafa svipt mörg íslensk heimili aleigunni hafa ránsaðferðir fjármálafyrirtækja í skjóli stjórnvalda inn á íslensk heimili gert það að verkum að byggingargeirinn á Íslandi er frosinn.  Það gæti því verið nokkuð í það að iðnaðarmaður geti kallað Ísland "Sumarlandið".

 

 

 

 

Gleðilega páska.

Skáletraði textinn hér fyrir neðan kemur úr "Getting into the Vortex-The teachings of Abraham".  Um er að ræða bók og CD disk þar sem leiðsögn er í djúpri öndun um leið og hlustað er á uppbyggilegan texta og slökunartónslist.  Að draga andann djúpt er mikilvægara en margan grunar og því ágætt að venja sig á að hefja daginn á því. 

Ein ástæða vellíðunar við að reykja er að þá næst djúpur andadráttur.  Með djúpum andardrætti næst mikil súrefnisinntaka sem fer út í blóðið.  En það þarf samt ekki að byrja að reykja til að venja sig á að draga djúpt andann. Ein áhrifamesta aðferðin við að breyta tilfinningasviðinu er hvernig þú andar, berð þig líkamlega og talar.  Þessa ímynd markaðssetti tóbaksiðnaðurinn fyrir sína vöru með frábærum árangri, ímyndin er í fullu gildi þó svo að engin deili um skaðsemi reykinga lengur.  Það að draga djúpt andann ca. tíu sinnum á dag gerir gott og hvað þá ef þetta er gert meðvitað í sambandi við jákvæðan huga.

Inn úr þínu algleymi kemur það sem veitir lífsfyllingu og yndi.  Þaðan finnst þér andi þinn vaxa ferskur og keppa eftir meiru. Með hverri uppgötvun og hverri nýrri stöðu vex tilfinningin fyrir því að komast lengra í nýjum ferskleika.

Þegar þú ert utan sköpunar algleymis þíns, með athyglina á það sem þig vantar, jafngildir það því að biðja um að svo verði áfram. Þegar þú veist hvað þú vilt ekki, ættirðu að vita hvað þú vilt, en þú hefur ekki aðgang, því þú ert utan algleymis sköpunar þinnar. Með öðrum orðum þú getur ekki komist í streymi góðra efnisþátta þegar hugur þinn er upptekinn við annað, þú einfaldlega hefur ekki tvöfalt val á sama tíma. En þegar þú ert í þínu algleymi, eru allar tilfinningar góðar, og þar af leiðandi velurðu það sem þú vilt. Þannig velur þú af því besta sem lífið hefur að bjóða.

Auðvitað er ávinningur að því að vita muninn á hvað þú vilt og vilt ekki, en það er ekki nauðsynlegt að finna óþægindi af því sem þú vilt ekki til að vaxa í þá átt sem þú vilt. Þú getur einungis horft til þess sem þú vilt og notið takmarkalsuss framboðs góðra kosta við mótun þíns veruleika.?

Jafnvel á meðan þú ert að velja út frá vellíðan algleymisins af þeim kostum sem í boði eru, þá ertu um leið að skapa nýja möguleika, nýjar hugmyndir og nýja vaxtarmöguleika. Þú ert ekki aðeins að skapa nýja efnisþætti til upplýsingar inn í þína lífsreynslu, þú ert um leið að búa til áframhaldandi nýja framtíðarsýn til að njóta fleiri uppgötvana, fleiri sambanda, meiri efnistaka, fleiri samsetninga, meiri ævintýra, meiri vitneskju, fleiri óska, meira þakklætis..............

Það þarf alltaf að koma til eitthvað nýtt til að endurnýjast ............ uppspretta sem býður kærleika og gleði sem kallar á þig til óendanlegs vaxtar fyrir fleiri.

Endursagt úr; Getting into the Vortex-The teachings of Abraham.

 

 

Alltaf verið að meika það.

Það kemur ekki á óvart að lífeyrissjóðirnir standi að góðum díl.  Þar ráða ríkjum þeir fjármálasnillingar landsins sem kunna best að blása blöðrur og feika hlutina. 

Núna, því sem næst þremur árum eftir hrun, situr sama liðið og þrammaði með þjóðina fram af brúninni allt í kringum borð íslensks viðskiptalífs og blæs sápukúlur. 

Bankarnir sýndu hagnaðartölur sem fengu tölur ársins 2007 til að blikna, Vestia lífeyrissjóðanna rekur byggingarvöruverslanir og flugfélag með stæl.  Það er bara þjóðin sem ekki er að meika það.

Magma græðir milljarða

Um hvað yrði kosið?

Hvernig ætli spurningin á kjörseðlinum verði; 

X-JÁ / Kvótinn í þjóðareign sem ríkið færi með og væri framseljanlegur með fullveldi Íslands til ESB.

X-NEI / kvótinn áfram hjá þeim hluta þjóðarinnar sem hefur farið með nýtingarréttinn undanfarin ár.

Það vill gleymast að þjóðin átti auðlindir landsins til skamms tíma.  Það eru stjórnmálamenn sem hafa breytt lögum þannig, undanfarna áratugi, að erlendir aðilar geta eignast land og orkuauðlindir hér á landi. 

Nú hefur LÍÚ séð sér leik á borði að fara fram á svipaða lagasetningu þar sem kvótanum verði úthlutað til áratuga í stað eins árs í senn, eins og verið hefur.  Enda getur LÍÚ haldið því fram með rökum að þannig sé jafnræðis gætt, ef horft er til þeirra orkuauðlinda sem Magma energy hefur fengið aðgang að.

Nú er komið að því að stjórnmálamenn klúðri auðlindum landsins "big time" þannig að sennilega verður þjóðin að hafa vit fyrir þeim með einni þjóðaratkvæðagreiðslunni enn.

Þjóðaratkvæði um kvótann

Sannir Íslendingar.

Það er auðvelt að sjá það fyrir ef "Sannir Íslendingar" byðu fram gegn fjórflokknum með stefnuskrá þar sem yrðu hreinar línur um að ESB aðlögunarferlið verði sett í salt, þess í stað unnið að raunverulegum hagsmunum þjóðarinnar, þar yrði sigurinn ekki minni en hjá Sönnum Finnum.

 

Þjóðarbandalagið sigraði