Ætla að klára samning fyrir áramót.

 

Það virðist vera eins og mbl ætli að fara varlega í að koma fram með upplýsingar fyrir lesendur sína um hvað icesave samningurinn hefur að geyma.  Kannski ekki vissir hvort þeir eigi að vera með eða móti frekar en stjórnmálamennirnir. 

Fram hefur þó komið að samið var við Breta og Hollendinga um að keyra samninginn í gegnum þingið fyrir áramót, sjá hér.  Að koma skuli í veg fyrir þjóðaratkvæði með öllum tiltækum ráðum, sjá hér.  Einhvern tíma hefði leiðari dagsins í Financial Times þótt fréttnæmur á mbl, hvað þá þegar íslensku þjóðinni er beðið blessunar.

Spurningin er verður stjórnmálmönnum og fjölmiðlum landsins treystandi til að gera nýja samkomulaginu skil?

Icesave verður stjórnarfrumvarp

Aðventa.

 

Jafnvel í skammdeginu, bjarmar af degi við sjóndeildarhringinn,

 úti við ysta haf á Gvendarnesi kl. 10 að morgni.

 

 

 

Dómstólaleiðin eða þjóðaratkvæði.

 

Endastöð icesave hlýtur að verða fyrir dómstólum, nema samþykki samningsins í þjóðaratkvæði komi til, annað getur varla verið í boði.  Það væri rétt að umboðslausir stjórnmálamenn hefðu það í huga áður en þeir samþykkja ábyrgð almennings á Íslandi á skuldum gjaldþrota einkabanka að Það hefur aldrei verið betra tækifæri frá hruni, en núna að láta reyna á icesave ábyrgð íslendinga fyrir dómi.  Það hefur komið fram fjöldi málsmetandi sérfræðinga sem benda á að ekki sé hægt að gera íslenskan almenning ábyrgan fyrir icesave skuldum. 

Stjórnmálamenn ættu að íhuga það áður en þeir samþykkja tug eða jafnvel hundruð milljarða skuldir fyrir hönd almennings hvort þeir eru tilbúnir til að ganga undir dóm fyrir þann gjörning.  Allavega ættu þeir sleppa því að endurtaka hið ömurlega leikrit sem þjóðin varð vitni að á alþingi 30 desember s.l..  Ömurlegri nýársgjöf var ekki hægt að færa þjóðinni og það er ekki víst að fleiri gjafir að því tægi verði liðnar.

Icesave á endastöð

Nornaveiðar notaðar á tjáningarfrelsið.

 

Þær eru aumingjalegar opinberu ásakanirnar sem hafðar eru uppi sem ástæða fyrir því að halda Julian Assange í haldi.  Það dylst engum að þessar ásakanir koma upp á heppilegum tíma til að hafa hendur í hári Assange. 

Því hefur verið haldið fram af málsmetandi fólki í USA að eðlilegt sé að stöðva Wikileaks af öryggissjónarmiðum, upplýsingarnar setji fólk um víða veröld í lífshættu.  Eins hafa verið uppi getgátur um hverjir standi raunverulega á baki og að Wikileaks sigli undir fölsku flaggi.

En það er sama hvað býr að baki, með því að samþykkja meðferðina á Julian Assange er verið að samþykkja afnám tjáningarfrelsisins.

Krefjast þess að Assange verði sleppt

London Calling

Það má skilja á þessar frétt að Bretar og Hollendingar vilji vera öruggir með heimtur á icesave peningunum út á ábyrgð íslenskra skattgreiðenda auk þess að eiga hlutdeild í heimtum á eignum gjaldþrota einkabanka.  Þetta er meira en áður hefur heyrst, fram til þessa hefur átt að koma skuldinni á almenning í skiptum fyrir lægri vexti.

Undirlægu háttur íslenskra stjórnmálamanna er ótrúlegur í þessu máli.  Þegar landhelgisdeilan var á sínum tíma datt íslenskum stjórnvöldum ekki í hug að eltast við ósanngjarnar kröfur ræningja með því að hlaupa sífellt til funda við þá á erlendri grund.  Nú keppast þeir við að þóknast bretum á kostnað íslenskra skattgreiðenda, í stað þess að lögsækja þá fyrir að hafa sett Ísland á hausinn með hryðjuverkalögum.

 

 

 

Vilja hlut í betri heimtum

Írar ættu að losa sig við ESB

Írar geta lært eitt af Íslendingum, það er að dumpa evrunni og forða sé úr ESB.  En Guð forði þeim frá að taka íslenska stjórnmálamenn sér til fyrirmyndar.  Þeir hefðu stokkið á hvaða lán sem er fyrir tveimur árum síðan, tekið upp evru ef mögulegt hefði verið og gengið í ESB án þess að spyrja þjóðina.  Ef eitthvað er þá var leið Íslands hundaheppni sem kom upp vegna þess að það var engin önnur leið fær á þeim tíma.

 

Geta Írar lært af Íslendingum?

Heilaþvottur.

Það er athyglivert að hlusta á viðtal frá því 1985 við sovéskan sérfræðing í heilaþvotti um það hvernig best sé að heilaþvo heilu þjóðirnar.  Wikileaks fréttirnar og óþrjótandi upplýsingar fjölmiðla um atriði sem skipta ekki máli eru farnar minna á heilaþvott.

 

Assange fær frægan lögfræðing

Árás á Ísland?

 

Það er alltaf gaman að sjá hvernig erlendir aðilar fjalla um Ísland.  Hérna er verið að fjalla um hvers vegna hafa verið jarðskjálftar undanfarið.

 

http://beforeitsnews.com/story/297/954/Iceland_Under_Attack_HAARP_Activity_Corresponds_to_Iceland_Earthquake_Swarm.html

 

580 skjálftar og 5 sprengingar

Sjónarspil?

Fréttir af Wikileaks og skjölunum sem var lekið hafa verið fyrirferðamiklar í fjölmiðlum.  Upp hafa komið spurningar hvort lekinn sé þóknanlegur, jafnvel gerður að undirlægi valdhafa.  Vangaveltur hafa komið fram um hvort lekaskjölin eru ekki saklaus sannleikur blandaður áróðri sem er valdhöfum þóknanlegur. 

Það er athyglivert að hlusta á fyrirlestur Johns Pilger, margverðlaunaðs rannsóknablaðamanns.  Þar rifjar hann upp málsháttinn "það skal engu trúa fyrr en því hefur opinberlega verið neitað".  Þessar vangaveltur um uppruna Wikileaks lekans eru sérstaklega áhugaverðar vegna þeirra staðreyndar að stóru "meinstream" fjölmiðlarnir breiða út lekann.

 

Assange handtekinn

Skattleggja skuldir í staðinn.

 

Væntanlega mun ríkissjóði verða bætt upp tekjutapið með því að skattleggja niðurfellingu skulda, peninga sem fólk hefur aldrei fengið.  Í farvatninu er aðkoma lífeyrissjóðanna að framkvæmdum í vegagerð.  Þar hefur verið boðuð upptaka vegtolla að og frá Reykjavík.  Vegtollarnir eiga síðan eftir að verða gjöful tekjulind fyrir ríkið næstu árin þegar þeir munu breiðast út um vegi landsins svo jafnræðis verði gætt. 

Þó við viljum trúa því að ríkinu sé ætlað að gæta jafnræðis meðal þegnanna, þá er því ætlað að flokka þá og hafa að tekjulind.  Þetta er gert á skipulegan hátt sem sífellt verður bíræfnari.  Óendanlegar reglur hafa verið settar um hvernig samskipti fólks skulu vera.  Hvert viðvik, greiði eða velvild í samskiptum þegnanna skal verðleggja í gegnum vinnu og gefa upp til skatts. 

Innræting ríkisins er svo öflug að við trúum því að við fáum réttláta skiptingu gæðanna og við sjálf séum höfundar kerfisins.  Jafnvel eftir hrun þar sem ríkisvaldið stendur strípað, líkt og keisarinn forðum, er ætlast til að afrakstur vinnu okkar renni í formi skatta til glæpamanna sem brutu öll siðferðiviðmið.  Staðan er orðin þannig að almenningi er gert að taka lán, til að borga sér laun til að geta borgað skatta.

Tekjur lækka um 11 milljarða