Aftur heim / framlag Íslands

Stórskrítnir vísindamenn.

 

 

Það hefur verið vitað frá örófi alda að sólin er allra meina bót.  Því kemur ekki á óvart að minni hætta sé á því að þeir þrói með sér MS sjúkdóminn sem hennar njóta.  Það hefur eins verið þekkt frá ómunatíð að D-vítamín er lífsins elixír og það fáum við frá sólinni.  Við Íslendingar höfum vitað að til að halda okkur frá þeim umgangspestum sem herja þegar dagarnir eru stuttir og sólarinnar nýtur ekki hefur gagnast best að taka lýsi sem D-vítamín í stað sólarljóss, jafnvel betur en nokkur bólusetning.

Það sem furðu vekur er að það skuli vera til efasemdir sem hafðar eru uppi um heilnæmi ljóssins og lýsisins af akademíunnar fólki.  Meir að segja hefur svo langt verið gengið með ljósið að Alþingi Íslendinga ákvað að banna það innan átján; og það meir að segja í skammdeginu, með því að setja bann á sólarlampa samkvæmt tilmælum "geislavarna ríkisins". 

Vísindamenn hafa um nokkurn tíma kappkostað að benda á tengsl sólarljóss og húðkrabba með þeim árangri að iðnaður sólarvarnarinnar blómstrar sem aldrei fyrr og er svo komið að rétttrúnaðarfasistarnir væru vísir til að kæra þá foreldra sem baða ekki börnin sín upp úr sólarvörn nr. 50 yfir hábjartan daginn

Menn og dýr þessara heims hafa alltaf vitað innst í sínu hjarta af heilnæmi sólarinnar og þeir vísindamenn sem ekki eru skólaðir hjá iðnaði lyfja og varna hafa haldið óhikað fram kostum þess að stunda sólböð.  Hérna má sjá bráð skemmtilegur fyrirlestur Michael F Holick Ph.D, M.D. í Boston Univrsiti um gagnsemi D-vítamínsins sem sólin gefur okkur, settur fram á alþýðumáli Homers Simson.

 

Hindra sólskin og D-vítamín MS?

Verður falli fagnað víða?

 

 

"Vesturlönd og Arabaheimurinn sitja á púðurtunnu sem er byrjuð að fuðra upp. Gífurlegt atvinnuleysi fólks á aldrinum 16 til 30 ára-kynslóðar sem er hlutfallslega mjög vel upplýst og í stöðugu sambandi í gegnum internetið-hefur magnað upp reiði sem er byrjuð að krauma á yfirborðinu. Það má að stórum hluta rekja byltinguna í Túnis, "(-)" fall Mubaraks í Egyptalandi og óeirðir víða í Evrópu til ungs fólks. Grasrótin í Túnis og Egyptalandi lagði grunn andófsins á Facebook, Twitter og YouTube."

"Ef fjármálahrunið sem byrjaði 2008 hefði átt sér stað fyrir 20 árum hefði almenningur mjög líklega ekki haft neina nasasjón af óréttlætinu sem fylgdi í kjölfarið. Það var ekki fyrr en með tilkomu internetsins að fólk upp til hópa byrjaði að skilja hlutverk seðlabanka ríkjanna í peningakerfi sem byggir á framleiðslu skulda. Þetta er nokkurs konar gullgerðarlist þar sem ekkert er á bak við peninga sem eru settir í umferð. Nú skilur fjöldi fólks í Evrópu og Ameríku (svæðin þar sem flestir bankar hrundu) að einkabankar græddu á glannalegum viðskiptum sem settu allt kerfið á hausinn. Frekar en að láta þetta ofurríka fólk réttilega tapa peningum þá var skuldunum velt yfir á almenning. Þetta var gert með aðferðum sem margir góðir menn hafa útskýrt á netinu, raddir sem ekki hefðu heyrst hér áður fyrr."

Þetta er úrdráttur úr greinaflokki Jóhannesar Björns, hagfræðings "Gerum þau höfðinu styttri" á http://www.vald.org/ .

 Gefðu þér 39 sekúndur til að horfa, þær eru þess virði.

 

Fagna falli Mubaraks