Þjóðaratkvæði takk.

Vonandi ganga einhverjir málsmetandi menn fram í því að þjóðaratkvæðagreiðsla fari fram um icesave3.  Verður það þeir í Indefense? 

Það hefur verið sagt oft áður á þessu bloggi að að kæmi ekki á óvart að icesave3 renni hljóðlega í gegnum þingið með samþykki fleiri þingmanna sem hafa verið á móti í þessu grundvallarmáli hingað til, um það hvort réttlætanlegt sé að setja skuldir gjaldþrota einkabanka á ábyrgð almennings. 

Það sem kemur á óvart núna er að 1% lægri vextir miðað við fyrri samning skulu teljast frábær árangur, og væntingar um betri heimtur í þrotabúi Landsbankans.  Það verða að uppistöðu til sömu þingmenn og tóku fullan þátt í því að setja Ísland á hausinn sem ætla að samþykkja icesave3. 

Þegar kemur í ljós hver þessi reikningur í raun verður, stendur þjóðin frammi fyrir þeim kostum, að taka hyskið af launaskrá, eða lifa sjálf við stórskert lífskjör.  Að samþykkja icesave3 verður dýr lexía.  Því er nauðsynlegt að þjóðin fái að segja sitt álit, þjóðaratkvæði takk.

InDefence styður ekki Icesave

Keyrt í gegnum mannfjöldann.

Þær segja oft meira en fréttir og fréttaskíringar myndirnar sem eru teknar af fólki á vettvangi án þess að vera klipptar og það sé talað ofaní þær það sem fjölmiðlinum finnst skipta máli. 

Það er ótrúlegt að horfa sjá hvað mikil munur er á þessum ritskoðuðu myndum og á þeim myndum sem teknar eru af óbreyttum borgurum.   Það hefur ekki farið hátt í fjölmiðlum að hinir svokölluðu stuðningsmenn Mubaraks eru í raun borgarlega klæddir öryggissveitir ríkisins. 

Þessar myndir sem almenningur birtir á youtub sína oftar en ekki villimennsku stjórnvalda.  Hér má sjá hvernig bíll er notaður til að keyra niður tugi manna.  Þessi mynd er tekin af óbreyttum s.l. föstudag 28. jan..

 

Mikill fjöldi á götum Kaíró