Pandermix nei takk.

 

Það hafa verið uppi deildar meiningar um heilnæmi pandermix bóluefnisins sem notað er hér á landi við svínaflensu.  Það voru mörg lönd sem notuðu ekki þetta bóluefni og víða í bloggheimum voru uppi miklar efasemdir um bóluefnið.  Ekkert af þessum efasemdum voru áberandi í íslenskum fjölmiðlum á sínum tíma.  Eðlilegast væri, í ljósi hugsanlegra tengsla á milli bólusetningar með pandermix og drómasíki, að Landlæknir leggi til að hætt verði að nota bóluefnið á meðan frekari rannsóknir fara fram.

Sóttvarnalæknir hefur hamrað á að sem flestir Íslendingar fari í bólusetningu við svínaflensu.  Flensu sem er í flestum löndum er orðið viðurkennt að vara gróða plott lyfjaiðnaðarins og uppi eru spurningar um hvort hún er ekki hreinlega afkvæmi hans.  Lyfjaiðnaðurinn gerir allt til að græða enda að stærstum hluta í eigu sömu aðila og bankarnir.

Hér er vönduð heimildarmynd um lyfjaiðnaðinn sem gefur sýn á hvernig sambandi hans við lækna er háttað þegar markaðssetning lyfja er annars vegar.

 

Tilkynnt um drómasýki í 12 löndum

Samkeppni um kúnna gjaldþrota banka.

Það eru uppi vangaveltur um hvort fall Amagerankans eigi eftir að draga verulegan dilk á eftir sér.  Þetta er eitt stærsta höggið sem Danska bankakerfið hefur orðið fyrir frá því að Hróarskeldubankinn féll um mitt ár 2008.  Hvernig Danskir skattgreiðendur taka því að tryggja innistæður kúnna Amager bankans aftur, og þá hjá samkeppnisaðilunum á eftir að koma í ljós.  Ekki kæmi á óvart að Danir eigi eftir að upplifa sinn Austurvöll.

"It may turn out to be the most important bank you've never heard of."

"For two years, central bankers and government finance ministers (who know next to nothing) have been claiming that the sky will fall and there will be tanks in the streets if bondholders are forced to take losses.  Clearly that is not the case.  First Iceland, then Denmark, then Ireland.  After that, the race is on."  Meira..........

 

Kúnnar flýja Amagerbanka

Hvernig má varast ruslið.

 

Hvernig er hægt að varast ruslfæði þar sem það er í raun vandlega falið innan um daglegar neysluvörur verslananna.  Ruslfæði er alls ekki einskorðað við skyndibitastaði.

Í bók Michael Pollan, Mataræði, sem kom út fyrir jólin má finna 64 holl ráð til að velja rétt fæði.  Í þessari stuttu og hnitmiðuðu bók raðar Pollan saman einföldum  persónulegum markmiðum sem eiga að hjálpa fólki að borða alvöru mat í hóflegu magni og forðast með því vestræna mataræðið.  En almenn skilgreining á því er sú að það að það byggist að miklu leiti á unnum matvælum og kjöti, viðbættri fitu og sykri, miklu af unnu mjöli.  Oft mikið unnar blöndur framleiddar af matarvísindamönnum úr hráefnum sem venjulegt fólk á ekki heima hjá sér og aukaefnum sem mannslíkaminn er ekki vanur.  

Í bókinni má t.d. finna auðskilin ráð sem auðvelt er að setja sér sem reglu; t.d.  "Borðaðu ekkert sem amma hefði ekki kannast við sem mat.  Ímyndaðu þér að amma þín fari með þér í stórmarkað.  Þið standið saman fyrir framan mjólkurkælinn.  Hún tekur upp ílát með litríkri mjólkurafurð og hefur ekki hugmynd um hvað plasthólkurinn með litaða og bragðbætta hlaupinu gæti innihaldið.  Er þetta matur eða tannkrem?" 

Auk þess "Það er ekki matur ef það heitir það sama á öllum tungumálu t.d. Big Mac eða Pringles."  "Neyttu ekki matar sem er framleiddur þar sem allir bera skurðstofuhúfur." svo dæmi séu tekin.   Það sem er óvenjulegt við þessa bók um mataræði er að hún er stórskemmtileg lesning.

Hér er frétt sem jaðrar við að vera sönn.

 

„Ruslfæði" gæti dregið úr greind

Sérkennilegur fréttaflutningur.

Á youtube má finna myndir frá mótmælunum í Egyptalandi sem sýna sjónhorn sem lítið koma fram í fjölmiðlum.  Þessar myndir eru teknar af almenningi á farsíma og síðan hlaðið inn á youtube.  Hér má sjá frétt sem Ajazeera hefur sett saman um dráp hers og lögreglu á mótmælendum. 

Þessar myndir gefa aðra mynd af "skjóli skriðdreka" og "sjúkrabúðum" stjórnvalda við að bjarga mótmælendum frá vosbúð langrar útiveru.  Kannski ekki skrítið að Egypsk stjórnvöld hafi horn í síðu internetsins og Aljazeera.

 

Þriðja vika mótmæla hafin