Það verður 80% nei við icesave.

Það kæmi verulega á óvart ef niðurstaðan úr icesave kosningunum verður ekki 80% NEI.  Það þarf ótrúlegan hugsunarhátt til að segja JÁ.  Þegar hugurinn er gerður upp geta ýmsar ranghugmyndir komið til álita, en þegar hjartað er spurt um hvort rétt sé að borga skuldir gjaldþrota einkabanka er svarið hjá flestum á einn veg, NEI.

Margir hafa tekið þá Lee Buchet og Lárus Blöndal sem óræk vitni um hversu góður icesave3 samningurinn er, þar sem þeir hafi nú skipt um skoðun og tali fyrir því að þjóðin samþykki icesave þá hljóti samningurinn að vera eins og best verður á kosið.  Það sé því rangt að láta réttlætið ráða afstöðunni til icesave, heldur "ískalt hagsmunamat" eins og einn löglærður stjórnmálaforinginn orðaði það, innmúraður í hrunadansinn. það er svolítið síðan að ég áttaði mig á því að lögfræðingar tala fyrir þeim málstað sem þeir fá borgað fyrir. Þegar eitthvað er að marka lögfræðing þá talar hann frá hjartanu og það gera lögfræðingar frítt eins og aðrir menn.

Þjóðinni hefur verið margsagt að icesave samningarnir séu flóknir og aðeins á færi sérfræðinga að skilja þá. Stjórnmálamenn sem jafnvel töluðu gegn samningnum eru orðnir skíthræddir við þetta velmenntaða fólk þegar þeim er sagt að samkvæmt ísköldu hagsmunamati sé rétt að samþykkja icesave3.  Sérfræðingarnir með exel þekkinguna hafa samt sem áður enga sýn nema aftur fyrir sig og hafa verið hvítskrúbbaðir á milli eyranna til að verja kerfið,  þeir hvorki treystir ímyndunarafli sínu né innsæi, þeir treystir jafnvel ekki tilfinningum sínum. Þeir trúa því að til að vera fullkomlega faglegir þá þurfi að þurrka út allar tilfinningar og með því haldi þeir stöðum sínum hjá kerfinu.

Staðreyndin er að stjórnmálamenn og ráðgjafar þeirra búa til fleiri vandamál en þeir leysa, því að þeir í besta falli einblína á afleiðingar mistaka sinna en ekki orsakir.  Staðan eftir u.þ.b. þriggja ára björgunaraðgerðir stjórnvalda er orðin þannig að hinum almenni borgara er í reynd gert að taka lán, til að borga sér laun til að geta borgað skatta. Þetta er gert í gegnum ríkissjóð og nú á að leysa milliríkjadeilu um skuldavanda sem stjórnmálamenn og sérfræðingar þeirra hafa stofnað til í öðrum löndum með því að bæta icesave skuldbindingunni á íslenska skattgreiðendur. 

Síaukin skuldaánauð hefur leitt til nútíma þrælahalds á Íslandi.  Munurinn á því og þrælahaldi fyrri tíma er sá að áður fyrr þurfti landeigandinn að sjá þrælum sínum fyrir fæði og húsaskjóli nú verður þrællinn að sjá um þann þátt sjálfur með láni frá bankanum.

En hvað er þá rétt að kjósa?  Það getur hver manneskja fundið í hjarta sínu, það þarf ekki lögfræðing til að skíra út málið, hvað þá stjórnmálamann.  Öll höfum við leiðsögukerfi hjartans sem segir okkur hvað er rétt og hvað er rangt.  Ef við efumst er gott að grípa til gullnu reglunnar "Allt sem þú vilt, að aðrir menn geri þér, það skalt þú þeim gera".  Því eins og meistarinn sagði á þeirri reglu hvílir lögmálið.

Icesave hverfur ekki með því að hafna því segja spunameistararnir.  Það verður samt sem áður aldrei hægt að leysa vandamál með sömu samvisku og orsakaði það.  Vandamál sem við fáum ekki leyst ættum við að líta fram hjá og halda áfram með líf okkar, því hjartað veit en hugurinn glepur.

 

 

Mjótt á mununum um Icesave

Lögbundinn þjófnaður.

Gleymum ekki því að okkur er gert með lögum að láta 12% tekna okkar renna til lífeyrissjóða, því skýtur það skökku við að vísa frá tillögu um málsókn þegar tugir milljarða hafa tapast með vafasömum hætti.  Glæpamenn á að draga fyrir dómstóla. 

Áfram Ragnar Þór, það eru að verða tvö ár síðan hann benti á hve vafasamt væri að gera Ragnar Önundarson að formanni Lífeyrissjóðs verslunarmanna.  Sá hér.  Það er öllum ljóst í dag að hann hafði rétt fyrir sér.  En það þurfti að grafa eftir gögnum frá Samkeppnisstofnun og birta þau fyrir alþjóð til að stjórn LV sæi sér ekki fært að verja spillinguna lengur.  
 

Tillögu um málssókn vísað frá

Brothers in arms.

Hér má sjá þá félaga, Sarkozy og Gaddafi á meðan allt lék í lindi og trate-að var með olíu og vopn.

 

 

Segir að Líbía hafi fjármagnað kosningabaráttu Sarkozy

Jólasveinar í mars?

Lán geta lækkað um allt að 63%, þessir herramenn sem skarta skarta forláta yfirvaraskeggi til að
leggja góðu málefni lið þessa dagana standa greinilega í góðgerðastarfsemi á fleiri sviðum. En framkvæmdastjóri SP-Fjármögnunar, telur að heildarafskriftir SP vegna endurútreikninga erlendra lána muni nema 29 milljörðum þegar upp verður staðið.

Það hefði einhver látið það vera í þeirra sporum að mikla góðverkin með myndbirtingu því það er hverjum manni ljóst að það er verið að afskrifa þýfi samkvæmt dómstólum landsins.  Þó svo að yfirskeggið komist langt með að láta þá félaga líta út eins og jólasveina hefði hausboki hugsanlega gagnast þeim betur, svona eins sjá má í sjónvarpfréttum þegar blaðamenn reyna að mynda dæmda glæpamenn fyrir utan dómsstólana.

Lán geta lækkað um allt að 63%