Hrun-vaktin lætur ekki deigan síga.

Fjármálaráðherra keppist við að gefa út yfirlýsingar um að skattahækkanir skili árangri, tekjur ríkisins standist. 

Sala á áfengi hefur dregist saman um 15% milli ára svo ekki fer velta svarta hagkerfisins í áfengiskaup. 

Samtök iðnaðarins kepptust við að kosta auglýsingar í öllum fjölmiðlum fyrir rúmu ári síðan þar sem gefið var í skin að verktakar, iðnaðarmenn og prjónakonur væru þess valdandi að skólabörn og vegfarendur hefðu verið hlunnfarin vegna svartrar atvinnustarfsemi. 

Verkalýðsforingjar hafa sakað bændur á öskufallssvæðunum sunnanlands um að gera út á túrista án þess að hengja á sig vinnustaðaskírteini og skila sköttum og gjöldum til verkalýðsfélaga á réttum tíma.

Það verður annars að segjast eins og er, það er alveg merkilegt hvað þeir aðilar sem stóðu hrun-vaktina og standa hana enn kunna við að láta frá sér fara þegar það kemur að því að saka annað fólk um þjófnað.

Svört starfsemi í blóma