Lagarfljótið er dautt.

"Það var alltaf talað um það að maður þyrfti að fara lengst upp á öræfi til að hafa skoðun á virkjuninni fyrir Alcoa,,,"  segir Andri Snær.  

Mistökin sem umhverfissinnar gerðu í sinni baráttu voru einmitt þau að halda sig lengst inn á öræfum þar sem fáir höfðu komið og myndu koma ef ekki hefði verið lagður vegur í tengslum við virkjun.  

Umhverfissinnum hugkvæmdist ekki að höfða í megin atriðum til þess augljósa, það er þeirra óafturkræfu umhverfisáhrifa sem þessar stórframkvæmdir hefðu í byggð.  Fyrir það fyrsta var vitað að Lagarfljótið yrði 4-5 sinnum gruggugra en áður, sem gerði það að ekkert kvikt þrifist í því og þar með væri  Héraðið orðinn allt annar staður en það var áður.

Því miður voru það öræfin og lónstæðið sem áttu sviðið.  

„Vatnasvæðið verulega laskað“