Trump tryllir kellingarnar

Heyrst hefur að Tyrkneskt máltæki segi að aðeins eitt leifi að kelling sé slegin utan undir, -það er þegar það logar í skegginu.

Kúlulánadrottningin smurði kyssitauið upp úr áramótunum og fór í fyrstu opinberu heimsóknina aflands. Engum þarf að koma á óvart að um stríðsæsing, með ríkiskassann í farteskinu, var að ræða, -og hrist úr honum fyrir fætur umboðslauss stríðsherra lýðræðinu til varnar.

Nú virðist Trump hafa tekið upp á því að slá á kellingavaðalinn, með því að gera tilkall til Grænlands, -og slökkva í transandi wokesterum án þess að beint kveikja í skegginu. Með þeim afleiðingum að fasistafraukan Fredrikssen er komin á neyðarstigið, líklega komin á trúnó með kúlulánadrottningunni og von der Leyen vegna nýjasta nýtt, -svokallaðs skuggaflota Rússa.

Þó sé bara við það að kvikna í kellingunum, eru þær nú þegar farnar á límingunum af stríðsæsingi, virðast ekki gera sér nokkra grein fyrir hvað til þeirra friðar heyrir, -og hvað þær eru að kalla yfir skjólstæðinga sína, með því að ausa nú stríðsæsingum á báða bóga eins og hverjar aðrar forynjur.

Valkyrjurnar virðast nú þegar vera farnar að taka dúkkulísunum fram í stríðsæsingi. Þeim dugði ekki það eitt að manndráp voru sett á íslensk fjárlög rétt fyrir kosningar, heldur er þeirra fyrsta verk að hrista síðustu aurana úr tómum ríkiskassanum, -eftir að hafa óskað eftir sparnaðar tillögum frá almenningi.

Kúlulánadrottningin gæti átt eftir að reynast Íslendingum dýr, -í annað sinn, en yfirlýsingar hennar hafa verið þeim mikill harmleikur í gegnum tíðina. Hvort þjóðin slái á logandi stríðsæsinginn og slökkvi í skegginu þegar þar að kemur skal ósagt látið.