Áfallahjálp handa hyskinu.

Eignarhlutur í íbúð með verðtryggðu láni sem var 70% við hrun er nú nær 60% miðað við fasteignamat og sennilega ekki nema tæp 50% miðað við markaðsverð.  Heldur verðtryggingarelítan að verðtryggingin sé aðeins fyrir hana? 

Dettur þessu glæpahyski í hug sem situr ríg neglt við stólana á sömu launum og fyrir hrun að það verði sátt á Íslandi komi ekki til almennra leiðréttinga á skuldum?  Heldur hyskið að það nægi að "aðstoða" þá verst settu í genum gjaldþrot til að lágmarka rýrnun þýfisins? 

Þá er hætt við að áfallahjálparteymið komi til með að þurfa að hugga fleiri en starfsfólk umboðsmanns skuldara í framtíðinni.

Líst illa á almenna niðurfærslu skulda

Athugasemdir

[Edda Karlsdóttir, 13.10.2010 kl. 23:13]

Ætli það þurfi ekki að bæta við starfsfólki í áfallahjálparteymið og það fljótlega.  Fólk sættir sig einfaldlega ekki við annað en að þýfinu verði skilað aftur og það fljótt,  það hljóta að vera lágmarkskröfur lántakenda hvernig svo sem ríkisstjórnin reynir að þvæla um þetta fram og aftur.

[Magnús Sigurðsson, 13.10.2010 kl. 23:29]

Ríkisstjórnin er búin að vinna hörðu höndum að því að margkljúfa skuldara.  Fyrst með því að reyna að etja skuldurum gengistryggðra og verðtryggðra lána saman með því að halda því fram að ef leiðrétting kæmi á gengistryggðu lánin bitnaði það á þeim með verðtryggðu lánin. 

Síðan með fáránlegri vaxta niðurstöðu hæstaréttar á ólögleigulánunum. þannig að nú eru skuldarar erlendu lánanna orðnir margir ólíkir hópar, þeir sem tóku lán fyrir 2007 eru jafnvel í verri stöðu eftir endaútreikning.

Eina sáttin sem getur orðið er búin að liggja á borðinu í næstum tvö ár, þ.e. a. færa erlendu lánin í íslensk krónulán miðað við 1.1.2008 og setja þak á verðtryggingu frá þeim tíma.  Þá stæði þessi elíta sem nú ætlar að skreyta sig með fjármálaviti með allt niðrum sig.  Almenningur verður að fara að losa sig við þetta hyski af launaskrá.