Svarti Pétur.

Það má leiða að því líkum að Hagsmunasamtök heimilanna hafi bjargað lífi ríkisstjórnar og sitjandi alþingis í miðri byltingu fyrstu daga október s.l..  Þegar fulltrúar samtakanna gengu til samráðs í stjórnarráðinu. 

Margir voru þá til að benda á að þar væri ríkisstjórnin að bjarga sér í pólitískum hráskinna leik.  Það hefur nú komið á daginn.  Ef þetta eru loka aðgerðir stjórnvalda á skuldavanda heimilanna, eru það ekki bara samtök heimilanna sem sitja uppi með Svarta Pétur, heldur öll þjóðin.  Samfélagssáttmálinn er í tætlum.

Hafna aðferðafræði stjórnvalda

Athugasemdir

[Hrúturinn (IP-tala skráð) 3.12.2010 kl. 22:44]

Þetta er eins og að taka dauðveikum blóð. Ránið heldur áfram. Í skjóli stjórnvalda meðan vísitalan er ekki tekin strax úr sambandi og verðtryggingin afnumin. Á meðan erum við ekki siðmenntuð þjóð á meðal þjóða. Stjórnvöld hafa boðað hækkaða skatta og gjöld. ÞETTA FER BEINT INN Í VÍSITÖLUNA OG HÆKKAR LÁNIN! Þó að hækka þyrfti vexti e-ð á móti væri það mun skárra. Þá væri þessi víxlverkun rofin og hægt væri að gera RAUNHÆFAR áætlanir fram í tímann. Gjaldmiðilinn má auðveldlega tengja við aðrar myntir. Þetta hafa mætir hagfræðingar staðfest. Púkann á fjósbitanum verður að kveða niður STRAX! Það sem vantar er vilji. Vilja ræningjanna og vitorðsmanna þeirra vantar. LÁTUM EKKI MERGSJÚGA OKKUR! TÖLUM VIÐ ÞESSA KÓNA MEÐ TVEIMUR HRÚTSHORNUM. VERKIN TALA BEST!

[Helgi Armannsson (IP-tala skráð) 4.12.2010 kl. 04:03]

http://thecrowhouse.com/120310.html

[Arnór Valdimarsson (IP-tala skráð) 4.12.2010 kl. 05:03]

Jólalögin í ár?

Ekki spurning. "Tunnusláttur"

[Magnús Sigurðsson, 4.12.2010 kl. 08:22]

Þakka innlitin.

Helgi; þetta eru áhugaverðir linkar sem þú hefur verið að senda ég hvet fólk til að kynna sér þá.  Eignaupptaka er ekki sér íslenskt fyrirbæri þessvegna er gott að skoða hvernig fólk sér þetta í öðrum löndum.

http://www.youtube.com/watch?v=fOshw4kIGR4

http://www.youtube.com/watch?v=wpmlHTeVG9A&feature=player_embedded

[Vilhjálmur Bjarnason Ekki fjárfestir, 5.12.2010 kl. 03:30]

Sæll Maggi og gaman að heyra af þér aftur, eftir hvað 30 ár er það ekki frá því við vorum í Iðnskólanum á Norðfirði og svo á Gunnólfsvíkurfjalli eitthvað eftir það. Gott blogg og innlegg hjá þér og flott sjónahorn á hlutina. Ég hef lítið verið á blogginu en tekið rispur annað slagið og þá helst eftir að ég var kosinn sem einn af sjö í stjórn Hagsmunasamtaka heimilanna sem eru sjálfboðaliðasamtök eins og þú kannski veist þó margir haldi að við séum með fullt af skrifstofuliði og mannskap og séum á launum. Þetta með Svarta Péturinn og að ríkisstjórnin hafi notað HH til að lægja öldurnar er alveg rétt að mínu mati en við gengum ekki til samráðs við þá, því get ég lofað þér. Við töldum okkur ekki geta neitað aðkomu að reiknihópnum þegar eftir því var leitað þar sem HH hafa alveg frá stofnun verið að knýja á um svona fund þar sem aðilar að hagsmunum heimilanna settust saman niður og reyndu að finna leið sem væri sanngjörn fyrir alla. Vildum við því láta á það reyna hvort einhver vilji eða geta væri fyrir hendi til að fara loksins að gera eitthvað rétt og leit þetta ekki illa út þegar lagt var að stað með reiknihópinn, þú veist nú alveg hvernig sú vinna endaði. Marinó, sem var fyrir okkar hönd í reiknimeistarahópnum lagði ómælda sjálfboðavinnu í þetta á meðan allir hinir aðilarnir voru á launum og þurfti hann svo að skila séráliti því flest allt það sem hann lagði til og stakk upp á var sett til hliðar. Hefur séráliti Marinós og HH ekki ennþá verið sett inn á heimasíðu ráðuneytisins eins og sameiginlegt álit hinna aðilanna þar sem slefið slitnar ekki á milli. Þar fyrir utan hófst rætin ófrægingarherferð á hendur Marinó og HH til að reyna að útiloka okkur frá málinu þegar niðurstaðan yrði kynnt því þeir eru hræddir við okkur. Ég er ekki frá því að partur af þeirri heift sem Marinó og HH var og er sýnd sé tilkomin vegna einfaldrar spurningar sem var spurð hinn 4. nóvember síðastliðinn hjá Reykjavík síðdegis á Bylgjunni og er inn á bylgjan.is þar sem spurt var "Gætir þú hugsað þér að kjósa Hagsmunasamtök heimilanna í þingkosningum, ef þau byðu sig fram". 53 % sögðust já við að kjósa HH og held ég að þessi litla spurning hafi velt miklu hlassi því strax eftir að hún birtist fór að bera á auknum þunga í ófrægingarherferðinni gegn HH og sérstaklega Marinó sem öll spjót stóðu á vegna sjálfboðavinnu hans í reiknimeistarahóp ríkisins. Áður voru það að mínu mati bara ríkisstjórnarflokkarnir sem voru að berja á okkur en eftir þessa litlu spurningu þá held ég að allir fjórflokkarnir hafi orðið hræddir og sett maskínur sínar af stað, vil þó taka það skýrt fram að við höfum aldrei talað um að fara í pólitík, heldur þvert á móti ekki. Ríkisstjórnin hefur nú kynnt aðgerðarleysispakka sinn sem er sagður unnin í samvinnu við hagsmunaaðila en þó vantar einn stóran, ef ekki stærsta  hagsmunaaðilann, sem eru skuldararnir að þessum lánum öllum, enda er niðurstaðan eftir því, óásættanleg fyrir þá og heimilin í landinu. Sérstaklega er þetta óásættanlegt fyrir þá sem fóru varlega og áttu eitthvað í eignum sínum fyrir hrun, það er hreinlega verið að stela eignum þess fólks og eins og þú hefur sagt, mikið að þeir skipuðu skuldlausum fjölskyldum ekki að afhenda bönkunum lyklana af eignum sínum líka. Forsendubresturinn sem sannanlega varð og það að auki af völdum bankanna sjálfra, er ekki leiðréttur og svo miðast allar hinar aðgerðirnar að því að láta fólk halda áfram að borga yfirveðsettar skuldir á eignum sínum þó yfirveðsetningin verði eitthvað lækkuð til að plata fólk. Það sagði einhver um daginn að ef við Íslendingar samþykktum þessar aðgerðir værum við öll komin með Stokkhólms- syndorm og gætum við alveg eins gifts ræningjunum. Við hjá HH höfum alltaf sagt að með því að ná sanngjarnri niðurstöðu fyrir alla fengju skuldarar greiðsluviljann aftur og hagkerfið færi af stað sem hlýtur að koma ríkinu og bönkunum líka til góða. 

Nú er hafinn nýr kapítuli í þessu máli fyrir HH og baráttu okkar fyrir skuldara þessa lands, því við höfum með yfirlýsingu okkar  http://www.heimilin.is/varnarthing/about/alyktanir-samtykktir/1120-alyktun-vegna-viljayfirlysingar frá 3. des lýst því yfir að við séum ekki aðilar að samkomulagi um ,,Viljayfirlýsingu um aðgerðir vegna skuldavanda heimilanna“ sem kynnt var 3. desember 2010 af hálfu stjórnvalda og skuldareigenda, þ.e. banka og lífeyrissjóða. Þar ítrekum við kröfur samtakanna um almenna leiðréttingu lána vegna þess forsendubrests sem varð og höfnum kynntri aðferðafræði við úrlausn skuldavandans. Þar að auki förum við fram á að vegna alvarlegs vanmats á stöðunni og því að ríkisstjórnin hafi gefist upp, verði hún að víkja. Það sem ríkisstjórnin, bankarnir og lífeyrissjóðirnir kalla aðgerðir vegna skuldavanda heimilanna er í raun ekkert annað en eignaupptaka gerð með hreðjataki bankanna á ríkisstjórninni.

Ég veit að þetta er "svolítið" langt hjá mér en þegar ég byrja er ekki svo auðvelt að stoppa mig. Villi. 

[Magnús Sigurðsson, 5.12.2010 kl. 08:48]

Sæll Villi.  Ég sé þegar þú bendir á það að tala um að " Þegar fulltrúar samtakanna gengu til samráðs í stjórnarráðinu." er ekki rétt orðað, fundar um samráðs hefði verið nær lagi.  En auðvita gátu HH ekki annað en þegið boðið og þeirra vinna er ómetanleg, þó svo niðurstaðan sé þessi.

Þakka þér fyrir allar upplýsingarnar, ég hef verið að fylgjast með blogginu hjá þér og séð viðtöl við þig í sjónvarpi og vissi að þú varst í fasteignabransanum.  Það er gott að vita af þér í stjórn HH því þú hefur mikið fram að færa.  Það sem snertir fólk mest er hreinskilnin sem þú hefur til að bera, það er erfitt að saka menn sum tvískinnung sem leggja sín mál á borðið.

Aðförin að Marinó var rætin, kannski var best að verjast henni með því að leggja spilin á borðið, en því verður aldrei á móti mælt að grundvallarréttur er að gera það ekki þegar svona skítkast á sér stað.

Það sem stjórnvöld og lánstofnanir hafa unnið sleitulaust að frá hruni, er að sundra skuldurum með því að reyna að draga þá í dilka (gengislán : verðtryggðlán / yfirveðsettir : þeir sem geta borgað).  Það breytir engu hvar í skuldunum menn standa, réttlætið er að leiðrétta ránið með almennri leiðréttingu eins og HH hefur útfært.  Það er það skref sem gagnast öllum og heldur samfélagssáttmálanum saman.  Auðvita verður svo að taka á skulda vanda þeirra sem réttlætið nær ekki að bjarga með félagslegum aðgerðum. 

Þú bendir á það á blogginu þínu með snilldar skýru dæmi hvernig eignaupptaka hyskisins fer fram þegar þú segir;

"Tökum dæmi: Tvær fjölskyldur keyptu sér sitt hvora íbúðina í sama húsinu 2007 á 25 milljónir. Önnur fjölskyldan tók 100 % lán og skuldar í dag um 33,2 milljónir. Hin fjölskyldan átti 10 milljónir og tók því 15 milljónir að láni og skuldar í dag um 20 milljónir. Gefum okkur að íbúðirnar kosti í dag um 20 milljónir og lánin hafi hækkað um c.a. 33 % samkvæmt verðtryggingu.

Samkvæmt leið ríkisstjórnarinnar þá fær fyrri fjölskyldan sem tók 100 % lánið afskrifað niður í 110 % og skuldar því 22 milljónir og hefur engu tapað þó hún skuldi 2 milljónir umfram verðmæti.

Hin fjölskyldan fær enga leiðréttingu, skuldar 20 milljónir og er búin að tapa þeim 10 milljónum sem hún lagði fram í upphafi þannig að hún er búin að borga fyrir leiðréttingu hins aðilans í þessu dæmi og gott betur. 

Þetta kostar ekkert fyrir bankana þegar verið er að færa lán í 110 % veðsetningu, veðsetningin var ónýt áður og ef þeim tekst að fá fólk til að borga af 110 % veðsetningu þá eru þeir að græða en ekki tapa því eðlilegt er að skuldari skuldi ekki meira en nemur verðmæti eignarinnar ef hann lagði eitthvað fram sjálfur í upphafi, ef bankinn lánaði honum 100 % í upphafi þá verður bankinn sjálfur að taka tapið af því. Það er enginn akkur í því fyrir neinn að skulda umfram verðmæti húsnæðisins síns og sinnar fjölskyldu."

Það má svo velta því fyrir sér hvort réttlátt sé að sá sem á 20 milljóna íbúð skuldlausa ætti ekki að gefa 10 milljónir í íbúðinni í púkkið, svona til að samræma réttlætið sem í þessum arfa vitlausu ráðstöfunum hyskisins felst.