Efnahagsspár fyrir 2011.

Þeir eru ekki margir sem gefa út efnahagspárspár fyrir Ísland á mannamáli, nema ef vera skildi völva vikunnar.  En ef skoðaðar eru óháðar spár fyrir heiminn virðist margt geta gerst á þessu ári sem dregur úr neyslu almennings.  Ísland hlýtur að vera tengt umheiminum þrátt fyrir gjaldeyrishöft og aðra einangrun.  Þarf þá ekki að nefna annað en t.d. ferðaþjónustu sem hefur verið vaxtabroddurinn kreppunni.

Jóhannes Björn er með vangaveltur um efnahag heimsins 2011 á síðunni sinni http://www.vald.org/ hann telur meiri blikur vera á lofti en yfirleitt eru tíundaðar í fjölmiðlum og þá ekki síst í Kína.  "Þegar hagkerfi heimsins hrundi haustið 2008 kom berlega í ljós hvaða aðilar halda raunverulega í valdataumana. Atburðarásin sýndi glöggt að þeir einstaklingar sem leiddir eru til valda í lýðræðislegum kosningum ráða ósköp litlu þegar mikið liggur við. Þegar virkilega á reyndi gat peningaelítan gert sér lítið fyrir og rétt fólkinu tap upp á trilljónir-án þess að þurfa að breyta um lífsstíl í eina mínútu." lesa meira hér.

Einnig er alltaf gaman að hlust á Gerald Celenti, sem talar um efnahagsmál á mannamáli.  Hann spáir því að fólk muni endanlega vakna til vitundar um hver staðan í raun er á árinu 2011 .  Menntun leiðir ekki lengur til þess að fólk fær vinnu. Bankakerfið er á kafi í eigin skuldum, þar sem þeir ríku verða ríkari og almenningur borgar.

Dýrmæt þekking er fólgin í netinu, því baráttan mun fara fram á netinu og stjórnvöld mun reyna að hefta aðgang almennings.  Wikileaks er toppurinn á ísjakanum af baráttu stjórnvalda gegn tjáningarfrelsinu.

En það sem hann telur standa upp úr sem tækifæri ársins er; þekktu höndina sem fæðir þig.  Þeir sem hafa efni á eru tilbunir til að greiða fyrir gæða matvæli og fólk ætti að nota tækifærin til að rækta sinn mat sjálft.  Þetta og margt fleira má sjá í viðtali við Gerald Celente.

 

Fjármálastöðugleiki enn í hættu