Þjóðaratkvæði takk.

Vonandi ganga einhverjir málsmetandi menn fram í því að þjóðaratkvæðagreiðsla fari fram um icesave3.  Það bendir fátt til að Indefense hópurinn verði til þess í þetta sinn og ekki er líklegt að skotgrafahernaður stjórnmálamanni verði til þess að breið samstaða náist um að fara fram á þjóðaratkvæðagreiðslu. 

Það hefur verið sagt oft áður á þessu bloggi að að kæmi ekki á óvart að icesave3 renni hljóðlega í gegnum þingið með samþykki fleiri þingmanna sem hafa verið á móti í þessu grundvallarmáli hingað til, um það hvort réttlætanlegt sé að setja skuldir gjaldþrota einkabanka á ábyrgð almennings. 

Það sem kemur á óvart núna er að 1% lægri vextir miðað við fyrri samning skulu teljast frábær árangur, og væntingar um betri heimtur í þrotabúi Landsbankans.  Það verða að uppistöðu til sömu þingmenn og tóku fullan þátt í því að setja Ísland á hausinn sem ætla að samþykkja icesave3. 

Þegar kemur í ljós hver þessi reikningur í raun verður, stendur þjóðin frammi fyrir þeim kostum, að taka hyskið af launaskrá, eða lifa sjálf við stórskert lífskjör.  Að samþykkja icesave3 verður dýr lexía.  Því er nauðsynlegt að þjóðin fái að segja sitt álit, þjóðaratkvæði takk.

Meiriháttar pólitísk mistök