Hvernig má varast ruslið.

 

Hvernig er hægt að varast ruslfæði þar sem það er í raun vandlega falið innan um daglegar neysluvörur verslananna.  Ruslfæði er alls ekki einskorðað við skyndibitastaði.

Í bók Michael Pollan, Mataræði, sem kom út fyrir jólin má finna 64 holl ráð til að velja rétt fæði.  Í þessari stuttu og hnitmiðuðu bók raðar Pollan saman einföldum  persónulegum markmiðum sem eiga að hjálpa fólki að borða alvöru mat í hóflegu magni og forðast með því vestræna mataræðið.  En almenn skilgreining á því er sú að það að það byggist að miklu leiti á unnum matvælum og kjöti, viðbættri fitu og sykri, miklu af unnu mjöli.  Oft mikið unnar blöndur framleiddar af matarvísindamönnum úr hráefnum sem venjulegt fólk á ekki heima hjá sér og aukaefnum sem mannslíkaminn er ekki vanur.  

Í bókinni má t.d. finna auðskilin ráð sem auðvelt er að setja sér sem reglu; t.d.  "Borðaðu ekkert sem amma hefði ekki kannast við sem mat.  Ímyndaðu þér að amma þín fari með þér í stórmarkað.  Þið standið saman fyrir framan mjólkurkælinn.  Hún tekur upp ílát með litríkri mjólkurafurð og hefur ekki hugmynd um hvað plasthólkurinn með litaða og bragðbætta hlaupinu gæti innihaldið.  Er þetta matur eða tannkrem?" 

Auk þess "Það er ekki matur ef það heitir það sama á öllum tungumálu t.d. Big Mac eða Pringles."  "Neyttu ekki matar sem er framleiddur þar sem allir bera skurðstofuhúfur." svo dæmi séu tekin.   Það sem er óvenjulegt við þessa bók um mataræði er að hún er stórskemmtileg lesning.

Hér er frétt sem jaðrar við að vera sönn.

 

„Ruslfæði" gæti dregið úr greind

Athugasemdir

[Sigurður Geirsson (IP-tala skráð) 9.2.2011 kl. 14:48]

Það vantar nú algerlega í þess frétt Mbl hvort komi á undan eggið eða hænan. Hér er gengið út frá því að ruslfæði sé orsök á lægri greind, en hvað nú ef lægri greind hefur í för með sér að þú laðist frekar að ruslfæði???

Þá er þetta orðið spurning um hvort komi á undan eggið eða hænan.

Það eru svo margar svona "kannanir" sem eru skrítnar í meira lagi og enn skrítnara að fjölmiðlar séu að básúna þetta út. Lætur mann velta því fyrir sér: eru menn minna greindir vegna þess að þeir vinni á fjölmiðlum í stað þess að stunda svona rannsóknir eða öfugt, eða sækja minni greindir frekar í fjölmiðla en rannsóknir eða öfugt?Ð

[Magnús Sigurðsson, 9.2.2011 kl. 16:56]

Sigurður, þetta er athyglisvert sjónarhorn.  Svo getur maður spurt sig hvort það er bráðgreindir matarvísindamenn sem búa til ruslfæðið sem heimskingarnir éta.  Einnig hvort vísindi hafi nokkuð að gera með greind.  Hvort það nám sem að baki þeim liggur sé ekki bara heilþvottastöð til að búa til nytsama sakleysingja til að framkvæma vitleysuna.