Allt á réttri leið.

Jæja þá er búið að dæma fyrsta dóm yfir gerendum hrunsins.   Samstaðan sjaldan verið víðtækari á alþingi en einmitt þessa dagana.   Allt á réttri leið og hægt að samþykkja icesave eftir hádegið, það leiðinda mál úr sögunni og þjóðin getur farið að horfa bjartsýn til framtíðar.  kjósum.is

2 í skilorðsbundið fangelsi

Athugasemdir

[Sigurður Haraldsson, 16.2.2011 kl. 09:06]

Gerendur hrunsins segir þú? Icesace nei takk og aldrei megum við samþykkja það!

[corvus corax, 16.2.2011 kl. 09:09]

Hef grun um að þetta verði einu dómarnir í sambandi við hrunið. Allt glæpahyskið í stjórnkerfinu og bönkunum verður að sjálfsögðu sýknað og helstu örlagavaldarnir, Davíð Oddsson, Halldór Ásgrímsson og Valgerður Sverrisdóttir eru sloppin með sín glæpaverk vegna fyrningalaga.
Og svo það hallærislegasta af öllu, Geir Haarde er einn ofsóttur fyrir þá sök að hann sat í stól forvera síns þegar afleiðingar glæpaverkanna dundu yfir. Það er lágmarkskrafa að Landsdómur vísi máli Geirs frá og lögum verði breytt til að sækja hina réttu glæpamenn til saka.

[Magnús Sigurðsson, 16.2.2011 kl. 09:11]

Ég get ekki að því gert Sigurður að mér er flökurt og er hálfvankaður þegar ég fór að taka inn fréttir morgunsins þó svo að ég hafi bara verið nokkuð hress þegar ég vaknaði.  En þetta lagast kannski þegar líður á daginn.

[Magnús Sigurðsson, 16.2.2011 kl. 09:12]

Corvus Corax, er ekki réttlætinu fullnægt og er ekki ástæða til bjartsýni?

[corvus corax, 16.2.2011 kl. 09:27]

Magnús, réttlætinu er ekki fullnægt. Íslenskir dómstólar hafa ekki glóru um hvað felst í hugtakinu réttlæti.

[corvus corax, 16.2.2011 kl. 10:56]

Lítil kamarsaga frá Skrípalandi.Ókunnur, “óvelkominn” maður þarf skyndilega að skíta. Hann leitar að salerni og finnur stærsta skítakamarinn í Skrípalandi. Hann gengur inn og þar sem hann er staddur í inngangi stærsta skítakamars í Skrípalandi ræðst skyndilega önugur kamarvörður aftan að honum og reynir að ná á honum hálstaki. En kamarvörðurinn er frægur aumingi og hefur færst fullmikið í fang og ræður því ekki við aðstæður þannig að, með þann óvelkomna í fanginu sem enn snýr baki í þann önuga, hrasar kamarvörðurinn aftur á bak á annan ólánsaman önugan kamarvörð með þeim afleiðingum að sá kamarvörður dettur á ofn á þili þar í innganginum og meiðist. Fyrir vikið er sá óvelkomni ákærður fyrir að hrinda ólánsama kamarverðinum á ofninn. Hann hlýtur svo fangelsisdóm fyrir “glæpinn”. Ef þessi saga væri frá “eðlilegu” landi með eðlilegt réttar- og dómskerfi en ekki frá Skrípalandi, mundi önugi hálstaks-kamarvörðurinn vera dæmdur gerandi í málinu og hljóta fangelsisdóminn fyrir að hrinda kollega sínum á ofninn. En sagan er sönn og gerðist í risakamri í Skrípalandi en ekki í venjulegu ríki ...því miður.

[Magnús Sigurðsson, 16.2.2011 kl. 11:50]

Corvus, þú lýsir atburðarásinni skilmerkilega.  En það sem kemur á óvart hvað réttlætið varðar þá er þar ekki beint um bananadrullu að ræða heldur broddskitu til að þóknast kamarvinafélagi Skrípalands.

[Einar (IP-tala skráð) 16.2.2011 kl. 21:17]

Ég ætla rétt svo að vona að þú sérst að grínast...