Af hverju er þetta lið ekki í járnum?

Þetta á greinilega að vera sérstakur málsvari íslensku þjóðarinnar sem kemur fram í Stavanger Aftenbladet, sem vitnar í að forsetinn hefði átt að taka mark á 44 þingmönnum, ASÍ og SA.  Þarna er verið að tala um að forsetin taki mark hrunaliðinu sem þrammaði með þjóðina fram af hengifluginu ásamt banksterunum.

Á þessu fólki vill þessi sérstaki talsmaður Íslands í Noregi að mark verði á tekið.  Hvert peningarnir fóru skiptir svona talsmenn engu máli þeim nægir að skilanefndir skipaðar hrunaliði Íslands segi að heimtur verði góðar og þess vegna eigi að  vera óhætt að setja ábyrgðir á skuldum gjaldþrota einkabanka á skattgreiðendur um ókomin ár.

Ef það yrði þjóðaratkvæðagreiðsla um icesave í Hollandi, Bretlandi og Íslandi samtímis, jafnvel heiminum öllum, þá yrði icesave fellt.  Þetta eru flestir farnir að gera sér grein fyrir aðrir en sjálfskipaðir talsmenn  þjófnaðar í skjóli stjórnvalda.  Ef menn velkjast í vafa þá er ágætt að horfa á þessa fréttskýringu frá Bandaríkjunum.

 

 

Icesave í norskum fjölmiðlum

Athugasemdir

[joi (IP-tala skráð) 22.2.2011 kl. 11:52]

Stavanger aftenbladet. Er það öll umfjöllunin? Hvaða kona er þetta?

[Magnús Sigurðsson, 22.2.2011 kl. 13:27]

Já joi þetta er umfjöllunin.  Ég veit ekki hvaða kona þetta, sennilega er þetta bara íslendingur sem hefur flutt til Noregs, of er fengið álit hjá til að gera fréttina meira proffessional.  Annað kemur ekki fram um þessa konu en "Helga Gunnarsdottír som selv kommer fra Island, men som nå er bosatt i Norge, mener Island nå må rydde opp og betale gjelda si."

Einnig notar hún frasa "hyskisins" sem ætlast til að þjóðin greiði möglunarlaust upp glæpi gjaldþrota einkafyrirtækis í gegnum skatta.  "Helga Gunnarsdottír mener en slik avtale egner seg lite for en folkeavstemning. Det blir som om Norge skulle ha gjennomført en avstemning om økte skatter."  Ekki kæmi á óvart að ábending, til Stavanger aftenbladet, um álitsgjafan hafi komið frá "hyski" í toppstöðum.