Er ekki kominn tími til að þjóðin taki í taumana?

Það er vandséð hvernig opin og frjáls umræða á að fara fram í fjölmiðlum og erfitt er að sjá það fyrir hvernig óháð upplýsing um icesave á að geta komið frá hinu opinbera.  Fólk verður að taka afstöðu samkvæmt réttlætistilfinningu sinni það er hætt við að öll kynning á icesave verði í formi pólitísks áróðurs.

Ég vil vekja athygli á pistli Jónness Björns á http://www.vald.org/ .

Íslenska stjórnmálastéttin er siðlaus

Bráðum verða liðin tvö og hálft ár frá hruni og við getum farið að gera okkur nokkuð góða grein fyrir aðgerðum stjórnvalda, hvernig tekið hefur verið á málunum og hvernig framtíðasýnin lítur út. Í stuttu máli þá hefur fjórflokkurinn algjörlega brugðist. Verk frekar en blaður stjórnmálastéttarinnar sýna líka að hún er siðlaus.

Stjórnmálamennirnir brugðust þjóðinni annað hvort vegna ótrúlegar vankunnáttu í starfi eða spillingar sem múlbatt þá við glæpagengið sem rændi landið. Báðir möguleikar eru afleitir. Það leikur hins vegar enginn vafi á siðleysi stjórnmálamanna sem stilla hlutunum upp í þannig forgangsröð að saklaust fólk er borið út á götu í hrönnum á meðan sá hluti ríkisbáknsins sem snýr að þeim sjálfum færir engar fórnir.

Stjórnmálastéttin sem réði ferðinni fyrir hrun baðaði sig í kúlulánum frá glæpagenginu. Kúlulán eru óeðlileg og víðast ólögleg. William Black kallar þau mútur. Þegar menn slá lán án þess að leggja fram aðra tryggingu en lánið sjálft í einhverri mynd-einkum þegar lánið rennur í sérstaklega útbúið sjálfseignarfélag, sem kemur til með að halda eftir gróðanum, en lætur hugsanlegt tap hverfa-þá eru þeir að taka við mútum, sagði Black á fundi í Háskóla Íslands í maí 2010. Í stuttu máli, lán sem aldrei þarf að endurgreiða en getur skilað miklum gróða er ekki lán heldur mútur.

Það segir mikið um hefðbundið siðleysi hjá pólitísku stéttinni á Íslandi að hver og einn einasti þingmaður sem fékk kúlulán skuli ekki hafa tekið pokann sinn og hætt afskiptum af stjórnmálum. Við getum hengt okkur upp á að það hefði gerst á öllum hinum Norðurlöndunum.  Meira...

Krefst óháðra upplýsinga um Icesave

Athugasemdir

[Kristján Hilmarsson, 28.2.2011 kl. 19:34]

 

Einmitt ! þetta er kjarninn og ástæðan fyrir þessu feigðarflani, "hvítflibbaelítan" er í örvæntingu að klóra í bakkann með "Grýlusögum" vel studd af valdasjúkum ráðamönnum, en kíktu á ÞESSA frétt hjá ABC Nyheter í dag Magnús ! þetta er bara frétt, staðreynd, ekkert pólítískt á bakvið, maður verður að leita svoldið hér og þar í öllu áróðurflóðinu til stuðnings Icesave III, en fleiri og fleiri "Grýlur" eru að geyspa golunni, þær gera það gjarnan þegar skynsemin og frjálsi hugurinn skoðar þær.

MBKV

KH

[Óskar Guðmundsson (IP-tala skráð) 28.2.2011 kl. 21:23]

Því miður er það svo að enginn fjölmiðill á Íslandi er ekki tengdur einhverjum einum eða fleiri stjórnmálaflokkum.

Ekki einu sinni RÚV er laust við spillingu og/eða valdahræðslu og birta því sjaldnast eða jafnvel aldrei það sem kemur sitjandi stjórn illa sem er í raun það sama og JÁ-menn bankanna gerðu í "góðærinu".

Ef þetta fer ekki almenna kynningarleið er ekki hægt að horfa á þetta sem annað en lýðskrum og tilraun til valdbeitinga/valdaráns.

[Magnús Sigurðsson, 28.2.2011 kl. 23:10]

Kristján, takk fyrir ábendinguna, það eru glæpamenn við völd það verður augljósara með hverjum deginum.

Óskar, RUV er ekki vitund skárri en hinir fjölmiðlarnir.  Núna fyrsta frétt í aðalfrétttímanum tvö kvöld í röð verið áróður með icesave.  Ekki orð um að allt að 1200 ma geta fallið á skattgreiðendur við að samþykkja icesave en látið að því liggja skuldin verði engin við samþykki en 700 ma við höfnun.

Þessa ábendingu fékk ég frá Friðrik Hansen um daginn; 

"Allt þrotabú Landsbankans er undir í þessum samningum. Bretar og Hollendingar fá 48% af þrotabúin skv. Pari Passu samningnum sem er hliðarsamningur við Icesave, sjá umsögn InDefence um það mál hér á bls 22. Þetta fá þeir af því þeir segjast hafa sett 500 ma. til að tryggja innistæður yfir 20.887 evrum.

Íslenski Tryggingasjóðurinn fær 51% af þrotabúinu til að tryggja lágmarksinnistæður 20.887 evrur per reikning. Það sem upp á vantar borgum ég og þú.

Ef neyðarlögunum er hnekkt þá fá Bretar og Hollendingar ekki 48% af þrotabúinu, þ.e fá ekki krónu úr Pari Passu samningnum.

Þá stefna þeir okkur fyrir dóm í Hollandi til greiðslu á þessu fé, þessum 500 ma. skv. Icesave 3 og þeirri ríkisábyrgð sem á þeim samningi er. Munum það að þessi Hollenski dómstóll mun dæma í ágreiningsmálum vegna Icesave eftir breskum lögum.

Hvernig heldur þú að sá dómur fari?

Þess vegna segi ég að það falla 1.200 ma. á ríkisjóð verði neyðarlögunum hnekkt fyrir dómi."