Það verður sem sagt gróði af icesave.

Nú liggur það í augum uppi að það gæti verið orðinn gróði af iscesave áður en til þjóðaratkvæðagreiðslu kemur.  Óvissu þáttunum virðist fækka stöðugt, eini gallinn er að einhver töf verður á að hægt verður að ráðstafa gróðanum en þar er nú bara um nokkrar vikur að ræða og verður sú töf að skrifast á héraðsdóm.

Það er alveg snilld hjá glæpagengi Landsbankans, ríkisstjórninni og launaðri samninganefnd hennar að boða til blaðamannafundar til að upplýsa þjóðina á svona hlutlausan hátt.  Sennilega má ætla að eftir fjórar vikur verði boðað til annars blaðamannafundar þar sem ákveðið verður hvernig gróðanum af icesave verður varið í þágu fólksins í landinu.  Þar má einnig ætla að þjóðin verði hvött til að samþykkja þarflausa ríkisábyrgð á skuldum gjaldþrota einkabanka til að missa ekki af veislunni.

Endurheimtur batna

Athugasemdir

[Sigurður Þórðarson, 2.3.2011 kl. 16:24]

Það virðist þá ekki þurfa neina ríkisábyrgð eftir  þessu að dæma og því eigum við að fella Æsseif

[Magnús Sigurðsson, 2.3.2011 kl. 16:50]

Það ætti að vera meira en óhætt Sigurður.

[Vendetta, 2.3.2011 kl. 17:01]

Það er rétt, Sigurður. Því að ef meirihluti samþykkir IceSaveIII 9. apríl, þá mun samninganefndin halda annan blaðamannafund viku síðar og tilkynna að vegna reiknivillu/nýrra upplýsinga/breyttra aðstæðna séu eignir Landsbankans mikið minna virði en fyrst var talið og verða seld með gífurlegu tapi. Þess vegna muni öll skuldin falla á íslenzka tryggingasjóðinn/ríkið/skattgreiðendur, en við því sé ekkert lengur hægt að gera, þótt samninganefndin sé öll af vilja gerð/miður sín/vonsvikin, þar eð meirihluti þjóðarinnar er búinn að samþykkja samninginn.

Segjum NEI við IceSave/ESB

[Sleggjan og Hvellurinn, 2.3.2011 kl. 17:16]

Þetta eru ánægjulegar fréttir fyrir okkur Íslendinga. Augljóst hvað flestir munu kjósa í apríl.

[Björn (IP-tala skráð) 2.3.2011 kl. 20:33]

Smá tillaga frá mér: Förum í auglýsingaherferð þar sem við auglýsum "Tökum að okkur ríkisábyrgðir á einkabönkum".

Fyrsta tæra íslenska vinstri stjórnin hefur tekist það sem engum hefur tekist fyrr en það er að finna leið til að búa til hagnað úr þjóðnýtingu taps einkabanka. Ekki spurning um að Írar verða okkar fyrstu viðskiptavinir.

Íslendingar eru snillingar, engum öðrum hefur tekist að hagnast á allsherjarhruni fjármálakerfis áður (skv. snillingnum Þórólfi). Snilli útrásarvíkingana er að koma enn betur í ljós. Hetjur verða skúrkar sem aftur verða hetjur, flottara verður þetta ekki!

[Magnús Sigurðsson, 2.3.2011 kl. 21:24]

Áróðurinn fyrir icesave á eftir að verða yfirgengilegur næstu vikurnar.  Bankarnir boða hlutlausa kynningarfundi næstu daga, líkt og  húsfyllir var á hjá VÍB - eignastýringar Íslandsbanka ídag, þar mun verða lagt ískalt hagsmunamat á kosti þess að almenningur ábyrgist skuldir gjaldþrota einkabanka.

En eitt er betra að fara eftir en "ísköldu hagsmunamati" stjórnmálamann, keyptra lögfræðiálita og bankstera.  Það er hvað finnst hjartanu.  Hjartað segir NEI við icesave í hvaða búningi sem er.

[magnús sig (IP-tala skráð) 2.3.2011 kl. 21:25]

Sæll nafni!

Aumingja blessaðir kallarnir, það verður sífellt kostulegra að fylgjast með ykkur, kverúlantabragurinn skýrari og skýrari. Þegar Icesave-krafan verður komin niðri tíkall mun Jón Valur erkiprestur kveikja í sér uppá styttunni af Jóni Sig og - þjóðarheiður! þjóðarheiður! - heimta að farin verði dómstólaleiðin.

[Magnús Sigurðsson, 2.3.2011 kl. 21:45]

Sæll nafni, það er gott að það skuli ekki þurfa að kosta millu til að gleðja vesalingana.

[Helgi Armannsson (IP-tala skráð) 3.3.2011 kl. 01:03]

Saell Magnus tad er skelvilegt ad vita ad tad skuli vera til svo mikil fifl a Islandi ad teir skuli vera tilbunir til tess ad borga reikninga sem teim kemur ekkert vid . spadu i tad kanski einkver af tessum fiflum sjeu til i ad borga bensin reikningin minn eda rafmagnsreikningin ef einkver er til i tad hringid ta i sima 08 93970778

[Guðmundur Ásgeirsson, 3.3.2011 kl. 04:44]

Nei! Það getur aldrei orðið "gróði" af IceSave. Aðeins tap. Sá sem reynir að halda öðru fram er að ljúga að þér, og þá skaltu ekki heldur taka mark á orði sem hann segir um þetta. Sá sem heldur að það sé ríkisábyrgð á innstæðum, og að það hafi eitthvað með neyðarlögin að gera, veit heldur ekki um hvað hann er að tala.

[Sleggjan og Hvellurinn, 3.3.2011 kl. 12:19]

"aðeins tap"

það er nú ekki rétt hjá þér Guðmundur

http://eyjan.is/2011/03/02/larus-blondal-likur-a-thvi-ad-icesave-kosti-islendinga-ekki-neitt/

það er frekar að dómstólaleiðin er "aðeins tap"

[Magnús Sigurðsson, 3.3.2011 kl. 12:28]

ÞSHH, ertu búin að taka Lárus Blöndal í guðatölu?

[Sleggjan og Hvellurinn, 3.3.2011 kl. 12:34]

Hann var í samninganefndinni og ætti að hafa meiri vit á Icesave heldur en flestir á moggablogginu.

Nei nei hann er ekki í guðatölu hjá mér. Hann er bara að benda á staðreyndir.

Þó að þið NEI-sinnar tókuð hann í guðatölu á sínum tíma þegar hann var á móti Icesave.

[Magnús Sigurðsson, 3.3.2011 kl. 13:04]

ÞSHH, það langt síðan að ég áttaði mig á því að lögfræðingar eru ekki Guðir, þeir tala fyrir þeim málstað sem þeir fá borgað fyrir.  Þegar eitthvað er að marka lögfræðing þá talar hann frá hjartanu og það gera lögfræðingar eins og aðrir menn frítt.