Eftirlitsiðnaðurinn lætur ekki að sér hæða.

 

 

Þá eru háskólamenntuðu bjálfarnir að ná sér á strik innan landbúnaðargeirans, eiga eftir að skapa ótal eftirlitsstörf á næstu árum til að hafa vit fyrir þeim sem vita hvað þeir eru að gera, með starfsfólki sem hefur ekki hugmynd um hvað landbúnaður snýst .

Mér verður oft hugsað til kunningja míns sem rekið hefur bát í ferðaþjónustu yfir sumartímann.  Hann hóf þennan rekstur fyrir 16 árum síðan og hefur hann gengið áfallalaust með öllu.  Á þessum tíma hefur eftirlitið verið aukið með tilheyrandi kostnað þannig að æ erfiðara verður að ná endum saman enda hafa margir í þessari grein hætt við smávægileg áföll.

Stærsti kostnaðarliðurinn er hið einkavædda eftirlit.  Yfirferð björgunarbúnaðar, siglingatækja og fleiri sjálfsagðra öryggisatriða.  En jafnframt eru þykktarmæling, jafnvægismæling osfv. og ef einhver heldur að þetta sé einn eftirlitsaðili þá er það misskilningur þeir eru jafnmargir og atriðin sem eru skoðuð og kosta frá tugum þúsunda til hundruða þúsunda skoðun hvers atriðis.  Sem dæmi þá er byrðingur þykktarmældur annað hvert ár þrátt fyrir að vera úr 8 mm stál en reglur kveða á um 4 mm lágmark.  Á þessum 16 árum hefur stálið eðlilega ekki þynnst um 1 mm, en kostnaðurinn við mælingarnar hleypur orðið á hundruðum þúsunda.

Fyrsa árið sem ég sigldi með bát félaga míns voru öryggisvesti fyrir alla farþega á stað sem auðvelt var að nálgast þau, fljótlega kom fyrirskipun um að allir skyldu klæðast öryggisvestum um borð, síðastliðið ár voru settar reglur um að öll öryggisvesti skyldu hafa blikkandi ljós með tilheyrandi rafhlöðubúnaði.   Þegar bent var á að hver 40 min siglingin með bátnum byði upp á 2 klst landtöku og því færi hver farþegi úr og í öryggisvesti tvisvar með tilheyrandi hnjaski á rándýrum búnaði blikkljósanna voru fyrirmælin skýr, kaupið þið bara nóg af vara ljósum. 

Það þarf ekki að taka það fram að þó svo að þessi ferðamannbátur sé aðeins gerður út um hábjartan sumartímann og sigli aldrei í myrkri þá rýmast svoleiðis staðreyndir ekki innan reglugerða fábjánanna allir um borð skulu vera eins og útblásnir appelsínugulir björgunarbelgir með blikkandi ljósabúnað á siglungu um hábjartan dag í glampandi sumarsólinni.

Bændabýli teljast fóðurfyrirtæki

Athugasemdir

[Guðlaugur Eggertsson (IP-tala skráð) 5.3.2011 kl. 09:42]

Og hvar er eftirlitið með auðvaldinu og útrásarvíkingum.Svo eru þetta reglugerðir og okkur ber ekki að taka þær upp.Samanber með endurmentun meirarprófsbílstjóra.

[Magnús Sigurðsson, 5.3.2011 kl. 10:01]

Þetta snýst ekki um heilbrigða skinsemi, þetta snýst um að búa til störf fyrir fólk sem hefur verið menntað af þarflausu.

[Hanna María Sigmundsdóttir (IP-tala skráð) 7.3.2011 kl. 12:33]

Mér finnst þetta góð ábending hjá þér.
Einnig finnst mér þetta einstaklega illa framsett og veit ég því miður ekki hvort það er bara fréttin eða reglugerðin sjálf, en við bændur erum því miðuð málaðir eins og algjörir vanvitar sem höfum ekkert eftirlit með fóðrinu okkar eða heygæðum. Samt eru nú þegar menn í vinnu, forðagæslumenn, sem sinna þessu starfi, en í stað þess að ganga í samstarf við þá og fá að ljósrita gögn þeirra sem innihalda allar þessar upplýsingar þá eigum við að standa undir ennþá meiri eftirliti OG BORGA MEÐ þessum upplýsingum til MAST !

[Magnús Sigurðsson, 7.3.2011 kl. 12:44]

Sæl Hanna María, ég var einu sinni í sveitarstjórn í litlu sveitarfélagi og veit hvernig þetta forðagæslumanna eftirlit virkar, ég á erfitt með að sjá að hægt sé að hafa betri hátt á eftirliti. 

Þetta snýst MAST eftirlit um eins að búa til vinnu fyrir fólk sem mentað hefur verið af þarflausu og eins og þú bendir á, að láta bændur borga brúsann.