Er bankahrun nr. 2 hafið?

Enn ein fjármálastofnunin hverfur af sjónarsviðinu yfir helgi.  Ég þekki fjölda manns sem hafa tekið innistæður sínar út úr bönkum undanfarin misseri og komið þeim í aðrar geymslur.  Sumir telja sig vera með nef fyrir því sem er að gerast, aðrir kæra sig lítið um að láta taka sig tvisvar í bólinu.  

Þessi kúvending í málefnum Spkef gefur til kynna að ekki sé allt með felldu.   Og ekki eru það uppgjör sem Íslandsbanki upplýsti í vikunni til að slá á tortryggnina.  Í þeim tölum kom fram að hagnaðurinn sem bankinn reiknaði sér árið 2010 var hærri en gjaldþrota forvera hans, Glitnis árið 2007, sem bendir til blekkinga ef ekki örvæntingar. 

Spkef sameinast Landsbankanum

Athugasemdir

[Sigurður Haraldsson, 6.3.2011 kl. 11:14]

Samála það er ekki allt með feldu og ég er hættur að skipta við þessar mafíustofnanir sem bankar eru í dag!

[Guðmundur Ásgeirsson, 6.3.2011 kl. 15:50]

Bankahruninu lauk sennilega aldrei, þetta er bara einn af mörgum kubbum til að falla í þessu dómínóspili.

30ma hagnaður Íslandsbanka vakti líka athygli mína. Ekki síst fyrir þá staðreynd að helmingur hans var búinn til með pennastriki og kallaður "endurmat eigna".

[Magnús Sigurðsson, 6.3.2011 kl. 16:38]

Það er ekki allt með feldu, bankahruninu er sennilega rétt hálfnað, það má líkja þessu við óveðurslægð fyrst kemur óveður svo lognið í miðjunni síðan aftur rok.  Seinni skilin gætu verið að bresta á. 

Lánasafnið sem var flutt yfir frá gjaldþrota Glitni á ca. 50% afslætti, er metið  14,5 ma verðmætara en það var keypt á.  Þessa 14,5 ma stendur til að innheimta hjá skuldunautum Íslandsbanka og er það fært til hagnaðar 2010.  Hvort viðskiptavinir bankans geta borgað þessara heimatilbúnu hagnaðarskuldir,eða kæri sig yfirleitt um það, á eftir að koma í ljós. 

Á meðan bankarnir búa til verðmæti með því að taka stöðu gegn viðskiptavinum sínum er betra að halda sig frá þeim. 

[magnús steinar (IP-tala skráð) 6.3.2011 kl. 16:56]

Og svo á apparatið sem heitir bankasýsla ríkisins,með kúlulána samspillingar kellingu í fararbroddi að marka stefnu fyrir þessi glæpafyrirtæki sem kallast bankar,Guð hjálpi Íslandi.