Skrípaleikur.

Eftir að þessi fyrirtæki komust á framfæri skattgreiðenda í gegnum bankana hefur viðskiptasiðferðið verið í núlli og því miður skánaði það ekkert þegar lífeyrissjóðirnir keyptu hlut í hræinu.  Það hefur verið látið óátalið að heyja undirboð með Tax Free tilboðum á vörum þar sem samkeppni ríkir, vitandi allan tímann að það hefur verið okrað með samráði á þeim vörum þar sem þau sitja ein um hituna. 

Hugsunarháttur Íslands dagsins í dag er eins einn "málsvari verklýðsins" sagði við mig "öll ættum við að geta verið sammála um það að sjóðum í okkar eigu ber að hámarka verðmæti eigna sinna".  Það þarf svo sem ekki að búast við öðru en aðgerðir Samkeppniseftirlitsins og Efnahagsbrotadeildar sé enn einn skrípaleikurinn til að láta fólk halda að það búi í réttaríki.  Það ætti ekki að hafa farið fram hjá neinum með meðalgreind hvaða "hyski" fer með völd.

Fimmtán handteknir

Athugasemdir

[Hákon H Leifsson (IP-tala skráð) 14.3.2011 kl. 15:23]

Ég vann hjá Byko í 13 ár. síðast sem verslunarstjóri í lagnadeildinni en er nýlega hættur. Ég er pottþéttur á því að ekkert samráð hafi átt sér stað milli Byko og Húsasmiðjunnar. Ég velti hinsvegar vöngum yfir því umtali sem skapast hvort Múrbúðin hafi ekki alltaf vinninginn í hendi sér eftir þetta. Verður mannorð Byko og Húsasmiðjunnar það sama eftir að ákærurnar verða hreinsaðar? Í raun er það bara einn aðili sem hagnast sama hvernig fer og það er Múrbúðin.

[Birgir Guðjónsson (IP-tala skráð) 14.3.2011 kl. 15:34]

Magnús !

Byko er ekki í eigu "bankana"

Jón Helgi guðmundsson er eigandi Byko og hefur verið lengi.

Svona þvælu blogg er eitt af því versta í okkar þjóðfélagi !

[Magnús Sigurðsson, 14.3.2011 kl. 15:51]

Hákon; Múrbúðin kvartaði yfir viðskiptasiðferði BYKO og Húsasmiðjunnar fyrir mörgum árum með engum árangri fyrir ári síðan kærði hún málið til ESA að mig minnir.  Ég hef ekki trú á að þetta gagnist Múrbúðinni né öðrum verslunum í þessum geira.  Sjálfur rak ég flísa og baðtækjaverslun þar til í haust og þekki því til siðferðisins.

Birgir; þetta er rétt hjá þér, Jón Helgi rekur BYKO í skjóli kúluláns og gettu hvar hann fékk það.

[Hákon (IP-tala skráð) 14.3.2011 kl. 16:28]

Kannski var ekkert athugavert við siðferðið og það sé þess vegna sem það bar ekki árangur.

Ég get fullyrt að í minni deild var ekkert samráð. Og mér finnst mjög ólíklegt að það muni finnast nokkuð athugavert eftir þessar rannsóknir. Gefum okkur að það sé rétt hjá mér að ekkert finnist hvað þá?

Hvað kostar mannorð?

Bara það að búa til neikvætt umtal um samkeppnisaðila hlýtur að koma umræddri verslun vel. Það segir sér sjálft.

Kv

Hákon

[Magnús Sigurðsson, 14.3.2011 kl. 16:40]

Hákon; Ísland fór á hausinn ekki síst vegna siðferðisbrest.  Þessi fyrirtæki hafa leikið stórt hlutverk í íslensku samfélagi undanfarin ár, Húsasmiðjan hefði orðið gjaldþrota 2008 undir öllum eðlilegum kringumstæðum.  Árið 2009 afskrifaði Landsbankinn 10 ma af 14 af Húsasmiðjunni, þrátt fyrir það var hún rekin með næstum 900 millj tapi það ár.  Fram hefur komið að eigandi Byko er með risa kúlulán á gjalddaga 2013, ef ég man rétt.  Heldurðu að það sé eitthvað eðlilegt viðskiptaumhverfi á Íslandi í dag? og að Múrbúðin hafi vald til að siga Samkeppniseftirlitinu og Efnahagsbrotadeild út og suður?  Nei þetta er skrípaleikur sem ekkert kemur út úr þar hefur þú rétt fyrir þér.

[Hákon (IP-tala skráð) 14.3.2011 kl. 17:02]

Hvað sem Húsasmiðjan hefur gert kemur siðferði Byko ekkert við. Byko er en rekið á kennitölu frá því 1969. Svo lengi sem öll lán Byko standa í skilum þá er ekki hægt að setja Byko undir sama hatt og Húsasmiðjuna hvorki siðferðislega eða fjárhagslega.

Annað er að ekkert engin lán hafa verið afskrifuð á móðurfélagið Norvik eiganda Byko. Norvik skilaði hagnaði á síðasta ári svo er ekki rétt að sjá hvort þeir geti ekki staðið við skuldbindingarnar áður en þeir eru dæmdir af þér eða öðrum?

Hákon

[Magnús Sigurðsson, 14.3.2011 kl. 17:12]

Flestir hefðu getað þegið mega afskriftir og kúlulán eftir hrunið 2008 með gjaldaga í framtíðinni.  Sennilega fer það fram hjá fáum að með þeim hætti fara hagsmunir banka og lánþega saman.  En eins og ég segi þá eru þessar handtökur skrípaleikur.