Nú viðrar vel til loftárása.

 

 

Þær eru oft æði sérkennilegar ákvarðanir öryggisráðsins og hvað þá forgangsröðunin.  Nú er samþykkt að styðja loftárásir á Líbýu í samúðarskini við Líbýsku þjóðina.  Vegna hörku fyrrum félaga "elítunnar" Gaddafi við að bæla niður vopnaða uppreisn. 

Á sama tíma eru stjórnvöld að murka tóruna úr óvopnuðum mótmælendum í Barein, Jemen og fleiri löndum án þess að öryggisráðið sjái nokkra ástæðu til að funda um málið.  Enda Líbýa bæði olíuframleiðsluríki og öruggur vopnakaupandi.  Það má því búast við að hagkerfi heimsins njóti góðs af eftir því sem fleiri beita vopnum í Líbýu.

 

 

 

 

 

Öryggisráðið heimilar loftárás

Athugasemdir

[Sigurður Haraldsson, 18.3.2011 kl. 00:31]

Sæll þetta er eins og annar Hitler þjóðarleiðtogar skriðu fyrir viðbjóðnum og féllu kylliflatir í upphafi!

[Magnús Sigurðsson, 18.3.2011 kl. 07:51]

Satt er það Sigurður og það eru sama "elítan" sem fjármagnar þá alla og vopnabröltið þeirra, síðan fær almenningur að borga og kenna á vopnabröltinu.  Þess vegna segi ég að þetta sé orðið þrisvar sinnum ábatasamara en það var í upphafi, Gaddafi fær vopnin frá þeim, uppreisnarmennirnir fá vopnin frá þeim og nú verða þegnar vesturlanda látnir borga kostnað við loftárásir.

[Nafn: (IP-tala skráð) 18.3.2011 kl. 17:27]

Er enginn heldur að taka eftir Orwelsku hugtakanotkunin í umræðunni. Flugbann þýðir ekki flugbann heldur loftárásir. War is Peace.

Það er allt í lagi að banna vondum fasistum að sprengja mótmæli með flugvélum. Það myndi ég kalla flugbann og ég gat heldur aldrei skilið hvers vegna nokkur var á móti því. En svo kemur í ljós að með flugbanni voru þeir að meina "loftárásir".

Ég hef aldrei og mun aldrei skilja stjórnvöld. Hvort sem þau heita Gaddafi eða NATÓ. Allt sami skíturinn.