Heimsmet í heimsku.

Þegar við þurfum orðið að borga fyrir það með ævi okkar að búa í landinu sem við fæðumst í er kominn tími til að hugsa sinn gang. Jafnvel eftir hrun þar sem ríkisvaldið stendur strípað, líkt og keisarinn forðum, er ætlast það til að afrakstur vinnu okkar renni í formi skatta til manna sem brutu öll siðferðisviðmið náungakærleikans, og ekki nóg með það, nú er okkur jafnvel ætlað að greiða skatta til annarra ríkja með milljarða vaxtaálagi vegna tjóns sem þessir sömu aðilar urðu valdar af.

Heykvíslahjörðin, ómenntaða liðið og landsbyggðarskríllinn hefur verið notað til að lýsa þeim sem segja NEI við icesave.  Þessi lýsingarorð eiga ágætlega við fólk sem hefur hjartað á réttum stað.  Það er JÁ fólkið sem lætur stjórnmálaöflin segja sér hvað er best að gera í icesave.  Það fylgir ráðum húsbændanna sem sauðir til slátrunar, jafnvel "ísköldu hagsmuna mati" prinsins í Hruna. 

Það er með ólíkindum að fólk skuli geta gengið í takt við öfl sem þrömmuðu með íslenskt þjóðfélag fram af hengifluginu haustið 2008, eftir að þau höfðu útdeilt sjálfum sér fallhlífum.   Ef endurreisn þessara afla á íslensku samfélagi hefði sýnt árangur nú 2 1/2 ári síðar væri kannski hægt að skilja blindu fólks á hvað JÁ-ið þýðir.  En að ætla að ganga í takt fram af hengifluginu í annað sinn á innan við þremur árum er með ólíkindum og þeim um meiri þegar það er farið fram á skilyrðislausa taktgöngu heillar þjóðar til greiðslu skulda sem glæpamenn eru að kaupa sig frá.

Hvernig sem fer 9. apríl þá verður stór kafli skrifaður í mannkynsöguna, kannski verður sá kafli um það þegar heil þjóð tók að sér sjálfviljug að greiða skuldir glæpamanna heimsins og gerði þar með heimsmet í heimsku.

Bretar og Hollendingar græða milljarða á vaxtamun

Athugasemdir

[Elís Már Kjartansson, 29.3.2011 kl. 07:29]

Sammála þér Magnús en hafðu ekki neinar áhyggjur fólk mun hafa vit fyrir þessum fáráðlingum sem sitja á alþingi í annað sinn sannaðu til. Það er verið að rannsaka þetta mál sem sakamál í brétlandi veit reyndar ekki með ísland hvort verið sé að rannsaka það hér en mjög sennilega ekki þar sem fíflunum tókst að taka þá klausu útúr þessum nýja stórkostlega samningi sem steingrímur bíður okkur upp á.  Já hann vill nefnilega að við þjóðinn samþykkjum mál sem er talið vera á glæpastigi þvílíkur sómi fyrir þann herramann. Hvernig væri nú að þessum fíflagangi fari nú að ljúka og alvöru menn taki sæti á alþingi íslendinga menn sem eru með hjartað á réttum stað en ekki dollaramerki í augum.

[Magnús Sigurðsson, 29.3.2011 kl. 07:36]

Greininni sem var sleppt í icesave3, grinin sem sögð er hafa fengið margann neyðarlagaþegann frá því haustið 2008 til að meta málið út frá "ísköldu hagsmunamati".

8. gr. Endurheimtur á innstæðum.
Ríkisstjórnin skal þegar í stað grípa til allra nauðsynlegra ráðstafana sem þarf til að endurheimta það fé sem safnaðist inn á Icesave-reikningana. Í þeim tilgangi skal ríkisstjórnin fyrir 15. október 2009 hafa frumkvæði að samstarfi við þar til bæra aðila, m.a. yfirvöld í Bretlandi, Hollandi og Evrópusambandinu, og óska aðstoðar þeirra við að rekja hvert innstæðurnar af Icesave-reikningunum voru fluttar. Ríkisstjórnin skal fyrir árslok 2009 semja áætlun um hvernig reynt verður að endurheimta það fé sem kann að finnast.
Í því skyni að lágmarka ríkisábyrgð samkvæmt lögum þessum skal ríkisstjórnin einnig gera ráðstafanir, í samráði við þar til bæra aðila, til þess að þeir sem kunna að bera fjárhagsábyrgð á þeim skuldbindingum sem stofnast hafa vegna Icesave-reikninganna verði látnir bera það tjón.

[Sumarliði Einar Daðason, 29.3.2011 kl. 08:39]

Góð grein!

[valgeir einar ásbjörnsson (IP-tala skráð) 29.3.2011 kl. 09:42]

það kannast allir við stokkholmsheilkennið, ætli þetta nýja kallist ekki íslendingaheilkennið, en íslendingaheilkennið mun vera það að borga skuldir sem okkur er ekki ætlað að borga og það fyrir óreiðumenn, segjum nei

[Magnús Sigurðsson, 29.3.2011 kl. 09:47]

Stokkhólmsheilkennið;

1. Blind hlýðni við "hinn sterka". "Stockholms syndrome." Geðveiki. Náði hámælum í tilvitnunum mannvitsbrekknanna sem héldu því fram á alþingi að okkur bæri "siðferðileg skylda" til að borga Icesave hið fyrra.

2. Ný-nazismi Updated Version. Að hegna heilli þjóð fyrir mistök örfárra óvinsælla bankamanna. Þannig slær hjarta nazistans og þessar "röksemdafærslur" sendu gyðingana í gasklefana. Það er til geðsjúkdómur sem kallast "Stockholms syndrome". Íslendingar sem trúa því í raun og veru þeim beri að "refsa" fyrir syndir 30 bankamanna, eru líkir sjálfs-hatandi gyðingum af því tagi sem unnu innan veggja fangabúðanna við að urða lík samlanda sinna fyrir örlítið betra fæði og aðbúnað...það er að segja svipað og hinn efri-millistéttar alþingismaður býr við miðað við venjulegan íslenskan almenning. Meiri smámenni og smásálir er ekki hægt að hugsa sér. Við verðum að losna við geðveikt og órökrétt fólk af alþingi.

3. Heimsvaldastefna. Íslendingar hefðu getað hjálpað Afríkuþjóðum með að setja gott fordæmi að losna með tímanum undan sínum skuldaklafa, eins og átakið "Make Poverty History" hefur verið að berjast fyrir. Auðvitað finnst öllum það ekkert gott mál. Sumir aðhyllast enn Heimsvaldastefnu og trúa að best sé að litaði maðurinn sé enn undir hæl gömlu þrælahaldara sinna sem stálu flestum auðæfum hans. Kannski gamli Colonialisminn eigi svo sterka stuðningsmenn á Íslandi þeim finnist þeim bera "siðferðileg skylda" til að fara undir hælinn með Afríku, frekar en skapa mögulega hættu á lagalegu fordæmi, gömlu Heimsveldunum í óhag.

Save Iceland - Kill "Icesave"

[Sigurður Haraldsson, 29.3.2011 kl. 10:01]

Flott grein og eins og þú sagðir þá eru menn að láta leiða sig til slátrunar ég hef líkt þessu við Hitler á sínum tíma þegar Gyðingunum var smalað í útrýmingarbúðirnar!

[Óskar Helgi Helgason (IP-tala skráð) 29.3.2011 kl. 12:43]

Heill og sæll Magnús; sem og, aðrir gestir þínir !

Hafðu beztu þakkir; fyrir þessa kjarnyrtu hugvekju, ágæti drengur.

Með beztu kveðjum; úr Árnesþingi /

Óskar Helgi Helgason