Með belti, axlabönd og fallhlífar.

Samþykki þjóðin icesave 9. apríl næstkomandi og verði neyðarlögunum hnekkt fyrir dómi munu 600 - 1.200 milljarðar falla á Íslenska skattgreiðendur. 

Margir hafa tekið þá Lee Buchet og Lárus Blöndal sem óræk vitni um hversu góður icesave3 samningurinn er, þar sem þeir hafi nú skipt um skoðun og tali fyrir því að þjóðin samþykki icesave þá hljóti samningurinn að vera eins og best verður á kosið.  Það sé því rangt að láta réttlætið ráða afstöðunni til icesave, heldur "ískalt hagsmunamat" eins og einn löglærður stjórnmálaforinginn orðaði það, innmúraður í hrunadansinn. það er svolítið síðan að ég áttaði mig á því að lögfræðingar tala fyrir þeim málstað sem þeir fá borgað fyrir. Þegar eitthvað er að marka lögfræðing þá talar hann frá hjartanu og það gera lögfræðingar frítt eins og aðrir menn.

Okkur hefur verið margsagt að icesave samningarnir séu flóknir og aðeins á færi sérfræðinga að skilja þá. Stjórnmálamenn sem jafnvel töluðu gegn samningnum eru orðnir skíthræddir við sérfræðingana með exel þekkinguna, sem hafa samt sem áður enga sýn nema aftur fyrir sig og það í gegnum rör sem er hálfstíflað af kúlulánum. Þessir sérfræðingar, afætur og kúlulánþegar, treysta hvorki ímyndunarafli sínu né innsæi, hvað þá tilfinningunni fyrir réttlætinu. Þeir halda að til að vera fullkomlega faglegir þá þurfi að þurrka út allar tilfinningar og vilja að þjóðin taki skellinn því aðeins þannig komist þeir af.

Það er með ólíkindum að fólk skuli geta gengið í takt við öfl sem þrömmuðu með íslenskt þjóðfélag fram af hengifluginu haustið 2008, eftir að þau höfðu útdeilt sjálfum sér neyðarlaga fallhlífum.   Ef endurreisn þessara afla á íslensku samfélagi hefði sýnt árangur nú 2 1/2 ári síðar væri kannski hægt að skilja blindu fólks á hvað JÁ við icesave þýðir.  En að ætla að ganga í takt fram af hengifluginu í annað sinn á innan við þremur árum er með ólíkindum og þeim um meiri þegar það er farið fram á skilyrðislausa taktgöngu heillar þjóðar til greiðslu skulda sem glæpamenn eru að kaupa sig frá.

Það er ekki flókið að átta sig á að 32 milljarðar eru meira en 600 hvað þá 1200 og það má vera alveg ljóst að allir þeir sem brotið var á með neyðarlögunum munu leita allra leiða til að fá þeim hnekkt verði þrotabú Landsbankans notað til að greiða ríkissjóðum Breta og Hollendinga.  Vill þjóðin taka ábyrgð á icesave fyrir liðið sem bjargaði sér með neyðarlögum?

600 milljarða neyðarlög

Athugasemdir

[Óskar Guðmundsson (IP-tala skráð) 31.3.2011 kl. 07:29]

Mundu.

IceSave 2 (ekki 3)

Sjallar gáfu bara "velyrði" fyrir að staðið yrði við skuldbindingar og er það "velyrði" svona álíka mikils virði í sögulegu samhengi og "loforðið um skjaldborgina um heimilin", eða eins og það er sagt á mannamáli EKKI RASSGAT!

[Árni Gunnarsson, 31.3.2011 kl. 07:40]

Þetta er bara góð morgunhugvekja Magnús.

Bestu þakkir!

[Magnús Sigurðsson, 31.3.2011 kl. 10:41]

Grein 8 var sleppt í icesave3, greinin sem sögð er hafa fengið margann neyðarlagaþegann frá því haustið 2008 til að meta málið út frá "ísköldu hagsmunamati". 

8. gr. Endurheimtur á innstæðum.
Ríkisstjórnin skal þegar í stað grípa til allra nauðsynlegra ráðstafana sem þarf til að endurheimta það fé sem safnaðist inn á Icesave-reikningana. Í þeim tilgangi skal ríkisstjórnin fyrir 15. október 2009 hafa frumkvæði að samstarfi við þar til bæra aðila, m.a. yfirvöld í Bretlandi, Hollandi og Evrópusambandinu, og óska aðstoðar þeirra við að rekja hvert innstæðurnar af Icesave-reikningunum voru fluttar. Ríkisstjórnin skal fyrir árslok 2009 semja áætlun um hvernig reynt verður að endurheimta það fé sem kann að finnast.
Í því skyni að lágmarka ríkisábyrgð samkvæmt lögum þessum skal ríkisstjórnin einnig gera ráðstafanir, í samráði við þar til bæra aðila, til þess að þeir sem kunna að bera fjárhagsábyrgð á þeim skuldbindingum sem stofnast hafa vegna Icesave-reikninganna verði látnir bera það tjón.

Þær eru athyglisverðar upplýsingarnar sem eru að koma fram þessa dagana um það hvernig stórleikarar í íslensku viðskipta- og stjórnmálalífi gátu selt hluti sína í Glitni og fleiri gjaldþrota fyrirtækjum rétt fyrir hrun.  Sérstaklega í ljósi þess að eina efnislega breytingin á icesave 2 og 3 er að 8. gr. er sleppt. 

Ískalt hagsmunamat hvaðan halda menn að peningarnir hafi komið sem notaðir voru til að kaupa verðlaus hlutabréf korteri í hrun?