Farið með veggjum með hauspoka.

Gylfi kallinn kominn í bæinn sennilega ennþá með "hauspokann" sem hann setti upp 1. maí, þegar hann ákvað að halda sína baráttu ræðu í notalegheitum í Hofinu á Akureyri. 

Í hans stað stað stóð Signý varaformaður í krapa og snjó á Austurvelli með baulandi alþýðuna fyrir framan sig berandi neyðarbils sem lýstu upp ræðupúltið, enda Harpan ekki klár fyrr en í dag.  Kannski heldur Gylfi 1. maí ávarpið í Hörpunni að ári.

En nú er farið að heyrast hvísl út úr "hauspokanum", að vísu er Gylfi ekki urrandi um verkföllum eins og daginn fyrir 1. maí, heldur muldrar hann „Við notuðum gærdaginn [mánudaginn] og morguninn til að funda með SA. Ljóst var að gera yrði breytingar á formi samningsins og efni. Meira þurfti til," 

Til hamingju með 1% árangur, það er meira en þið hafið gert fyrir alþýðu þessa lands frá hruni. 

Bjóða 1% til viðbótar

Athugasemdir

[Hjörleifur harðarson (IP-tala skráð) 4.5.2011 kl. 08:25]

yess .. það munar sko um 500 kall á mánuði ... þetta er alveg að koma hjá þeim ..ég gæti örugglega lifað út árið ef þetta fer í gegn

[Magnús Sigurðsson, 4.5.2011 kl. 08:36]

Hjörleifur, Gylfi og félagar eru búnir að leggja árssamninginn á hilluna sem þeir sögðu að væri það eina sem um væri að semja fyrir helgi. 

Svo þú verður að gera þér þennan 500 kall að góðu í þrjú ár.  Það er ekki eins og þeir séu að berjast fyrir 26% hækkun eins og Vilhjálmu kolleiki þeirra á Akranesi náði fyrir sitt fólk hjá Elkem. 

[Sigurður Haraldsson, 4.5.2011 kl. 09:39]

Sælir þetta er hreinn og klár aumingjaskapur enda eru þessir aðilar ekki í neinu takti við almennan launþega því að þeir eru gamlir og lúnir karlar sem hafa löngu komið árum sínum fyrir!

[Sandy, 4.5.2011 kl. 11:55]

Hæ strákar!  Ég hélt að félög innan ASÍ yrðu að vera búin að leggja drög að næstu samningum áður en Gylfi færi af stað.  Eina ráðið til að ná viðunandi samningum er að félagar innan ASÍ mæti helst allir á fund þegar samningar verða lagðir fyrir félögin, og þá að fella samningana verði þeir ekki viðunandi fyrir launafólk. Hins vegar eru mörg fyrirtæki í miklum vanda þegar kemur að samningum, vegna þess að launatengdugjöldin vega ansi þunkt í útreikningi launa. Þú skrifaðir á Bloggið þitt Sigurður um verðtrygginguna, ég er alveg á sama máli og þú með það að besta kjarabót skuldugra heimila væri afnám verðtryggingar, en þá þarf að finna lausnir varðandi vexti t.d. á íbúðarlánum. Ég get sagt ykkur það að ég var búin að ergjast yfir verðtrygginguni í mínum banka fyrir hrun, og vitið þið hvaða svar ég fékk þegar ég spurði hvort ekki stæði til að afnema þennan ófögnuð. þá var svarið, til hvers við mundum þá bara hækka vextina til samræmis við verðtrygginguna, svo það kemur út á eitt. Ég gæti best trúað að það yrði gert ef ekki væri sett undir þann leka í leiðinni.