Auðveldara að velja.

Það er ekki bjart yfir íslenskum vinnumarkaði þessa dagana.  Í umfjöllun í Morgunblaðinu í dag segir, að samkvæmt nýrri skýrslu AGS hafi samdrátturinn orðið einna mestur hér á landi í samanburði við aðra auk þess sem hagvaxtarhorfurnar fyrir þetta ár eru lakari hér á landi en í þeim ríkjum sem hafa átt í efnahagssamstarfi við AGS undanfarin ár.  Annarstaðar á mbl er því spáð er að gjaldeyrisþörf íslenska hagkerfisins mun aukast verulega á næstu árum. Endurgreiðslur af erlendum lánum eru þungar og endurfjármögnun er vart í augnsýn. Gjaldeyrisþörfinni verður að óbreyttu ekki mætt með öðru en veikingu krónunnar eða notkun á gjaldeyrisforða Seðlabankans.

Á mánudaginn fékk ég atvinnu tilboð frá Noregi Þar eru mér boðin tvöföld íslensk laun og aðstoð við flytja. Eftir að hafa þurft að loka rekstrinum mínum og því sem næst 8 mánaða samfellt atvinnuleysi, í fyrsta sinn á ævinni ný orðinn fimmtugur, var auðveldara að velja en ég hafði ímyndað mér.  Ég sem ætlaði ekki að láta "hyskið" hrekja mig úr landi.

Samdrátturinn einna mestur á Íslandi