Blessaðir álfarnir.

 

Blessaðir vísindaálfarnir, ætli þeir hafi fengið vel borgað fyrir þessar rannsóknir.  Því verður aldrei of oft haldið til haga að menntun er máttur, allavega er hún atvinnuskapandi.

Leikmenn hafa lengi vitað að það er til mikillar bölvunar að éta og drekka vísindaformúlur, þó svo álfarir í vísindasamfélaginu séu fyrst að uppgötva það núna, eftir áralangar tilraunir á mönnum og músum.  Þeir hefðu reyndar getað sleppt þessu með mýsnar í þetta sinn, því þetta hefur verið augljóst á mannfólkinu í meira en tvo áratugi.  Það ber það utan á sér eins og aðvörunarskilti. 

Það var strax á áttunda áratugnum sem flestu hugsandi fólki var ljóst að sá sem ætlaði að halda í við sykurneysluna með Diet Coke, hafði sjúklega þörf fyrir að skófla í sig nokkrum Lionbar á eftir.  Við félagarnir tókum sérstaklega eftir einum sem síður en svo var sólgin í sykur.  Hann var þykkur frá náttúrunnar hendi, stórbeinóttur og sterklegur en þætti ekki feitur í dag.  Hann vildi samt vera grennri, í upphafi var það bara ein Diet Coke á sjoppunni á kvöldin, eftir svolítinn tíma var hann farinn að biðja um eina Diet Coke og tvö Lionbar.  Það var strax þá sem við vissum að hann var ekki hálfviti heldur var það vísindaformúlan "diet" sem var orsakavaldurinn.  Hann hætti strax í dietnu og hefur aldrei átt við 70% stærra mittismál að glíma.

 

Sykurskertir drykkir fitandi

Athugasemdir

[The Critic, 29.6.2011 kl. 20:22]

Sykurlausir gosdrykkir eru ekki fitandi og það kemur fram í frétinni, hinsvegar er því haldið fram að fólk éti meira sælgæti ef það drekkur þessa drykki. Það er alveg vitað að ef þig vantar sykur þá kemur sykurlaust gos ekki í þess stað, ekkert frekar en sykurlaus Tópas.

[Magnús Sigurðsson, 29.6.2011 kl. 20:38]

Nei, nei, þeir eru ekkert fitandi ef maður lætur það vera að drekka þá, eins og kemur fram í fréttinni. það er einmitt það sama og svo margir hafa komist að fyrir löngu síðan.

"Önnur rannsóknin tók til ríflegra 500 þátttakenda. Þeir sem drukku þessa drykki óhóflega á hverjum degi í tíu ár voru með 70% stærra mittismál en þeir sem ekki höfðu snert slíka drykki. Jafnvel þeir sem aðeins drukku tvo drykki á dag bættu að jafnaði tveimur tommum við mittið."

[The Critic, 30.6.2011 kl. 01:04]

það má líka líta á þetta þannig að þeir sem drukku vatn voru með stærra mittismál, þeir þurftu að fá sykurinn úr súkkulaði í staðinn

[Guðmundur Ásgeirsson, 30.6.2011 kl. 01:27]

Aspartam = eitur

Hverjum er sama ekki hvort eitur er fitandi? Engin spyr hvort fita sé eitrandi...

Þetta er einfaldlega hávísindaleg aðferð við að snúa út úr staðreyndum.

Og selja meira af aspartam, sem er efnaformúla háð einkaleyfi sem einhver græðir helling á.

Sá sem beitti sér einna harðast fyrir því að notkun þess í matvæli yrði leyfð er maður að nafni Donald Rumsfeld.

[Helgi Armannsson (IP-tala skráð) 30.6.2011 kl. 03:02]

tad er rett hja ter Gudmundur aspartam er eitur og rett ad fordast tad eins og heitan eld . eg leifi reindar ekkert gos a minu heimili

[Magnús Sigurðsson, 30.6.2011 kl. 03:52]

Líttu bara þannig á það The Crtic, það verður sennilega það næsta að gera rannsóknir á þessu með vatnið og drekkja músum.

Guðmundur og Helgi, ég sé að fyrirsögnin hjá mér er röng.  Hún hefði átt að vera "Blessaðir bjálfarnir".

[DoctorE (IP-tala skráð) 30.6.2011 kl. 10:43]

Ég sé ekki samhengið, eru vísindamenn bjálfar vegna þessa???...

Þú værir líklega dauður, hefðir líklega aldrei fæðst nema fyrir afrek vísinda góurinn.

Persónulega drekk ég bara sykrað, finnst það betra, svo borða ég helling af nammi á degi hverjum, fitna bara alls ekki; Við erum jú svo misjöfn :)

[Magnús Sigurðsson, 30.6.2011 kl. 14:09]

Doctore, þú ert greinilega "vísindamaður" af Guðs náð.

[Geir Jónsson (IP-tala skráð) 30.6.2011 kl. 22:13]

Sykur er alveg örugglega að drepa fleiri en aspartam. Það er kannski ekki hollt en ég held að áróðurinn gegn því sé ýktur. Að mínu mati er hvítur sykur að valda mesta álaginu af öllum óhollum matvörum, ef við neyðumst til þess að velja eitthvað eitt sem yrði best að losna við.

Diet drykkirnar virka svo lengi sem fólk er meðvitað um hættuna og er ekki að bæta einhverju í staðinn fyrir sykurinn sem það tekur út.

Eina sem þessi rannsókn sýnir er að ákveðnar týpur drekka diet drykki frekar en aðrar. En það breytir ekki því að manneskja mun grennast við það að skipa yfir í diet ef hún nær að koma í veg fyrir að sykurlöngunin fari í eitthvað annað. Ég hef séð marga léttast við það eitt að skipta yfir í diet gos án þess að breyta neinu öðru. Margir gosfíklar eru að drekka tvo lítra á dag, það eru um 900 kaloríur á dag bara í vökvainntöku. Diet drykkirnar geta verið gagnlegir að því leiti að margir eiga auðveldara með að skipta yfir í þá en að fara beint í vatnið, en aftur aðilinn þarf bara að vera meðvitaður um hvað hann er að gera og passa upp á að annarskonar neysla aukist ekki eftir skiptin.

Sykur er náttúrulegur... svona náttúrulegur eins og kókaín. Hann er samt stórhættulegt fíkniefni þrátt fyrir það og mér finnst það rangt af fólki að vera að fullyrða að aspartam sé verra. Meint skaðsemi aspartams er meira svona orðið á götunni, vinsæl lína, sem þarf að minnsta kosti að rannsaka betur. Skaðsemi sykurs er hinsvegar augljós og mjög sýnileg í okkar samfélagi.

[Magnús Sigurðsson, 1.7.2011 kl. 03:50]

Geir, ekki einu sinni "álfarnir" hefðu komist betur að orði, "mér finnst það rangt af fólki að vera að fullyrða að aspartam sé verra. Meint skaðsemi aspartams er meira svona orðið á götunni, vinsæl lína, sem þarf að minnsta kosti að rannsaka betur".

Það er sem ég segi "menntun er máttur" og atvinnuskapandi þegar fólki hefur verið talin trú um að það geti ekki drukkið vatn.

[Geir Jónsson (IP-tala skráð) 1.7.2011 kl. 04:28]

Það er oft verið að banna allskonar aukaefni, t.d. litarefni. Season All og bláar M&M kúlur ekki lengur fáanleg.

Aspartam er líklega meðal þeirra efna sem hafa verið mest rannsökuð en samt hefur ekkert ríki bannað það. Bæði FDA og WHO hafa margoft rannsakað það og niðurstaðan alltaf sú sama eða að það sé skaðlaust.

[Lárus Orri Lárusson (IP-tala skráð) 1.7.2011 kl. 06:09]

Jafnvel þótt ég efist um að höfundur og flestir viðskrifendur skilji þetta, ætla ég samt að skilja eftir tengil um aspratame og hinar stórkostlegu ýktu hættur þess.

http://www.ncbi.nlm.nih.gov/pubmed/12180494

[Helgi Armannsson (IP-tala skráð) 1.7.2011 kl. 09:20]

Lárus Orri Lárusson        that's not hard to understand, aspartame is good for you Larus  I recommend consume alot of it. One thing is clear, I will avoid it like the devil himself. Lucky that I have a choice. Or do I? Is it hidden in products that I don't know about?

[Helgi Armannsson (IP-tala skráð) 1.7.2011 kl. 09:35]

By the way did you notice this website information came from the government. And do you trust the government? If you do then you are an elf

[Magnús Sigurðsson, 1.7.2011 kl. 11:33]

Það er oft þannig með aukaefnin að þess verður ekki vart að þau valdi nokkrum óþægindum fyrr en eftir langavarandi neyslu en þá allt í einu fær líkaminn óþol.

Þarna tala ég tala af reynslu því eftir gigt og bólgur þ.m.t. við hjarta sem kostaði sjúkrahúslegu og miklar rannsóknir sem fundu enga orsök, gat ég sjálfur á endanum rakið þetta til aukaefna í matvælum og þarf ekki á neinum lyfjum að halda aðeins að borða "óunnin matvæli" og drekka vatn. 

En að telja fólki trú um að það þurfi að trappa sig niður af sykruðum drykkjum með diet drykkjum er það sem álfarnir hafa stundað.  Þeim finnst ekki saka  að stórfyrirtækin græði á aspartami og lyfjum sem aldrei fyrr, því þau borga álfunum launin.  Vatn og hollusta er ekki ábótasöm í hagkerfi mennta og máttar, hreinlega hagvaxtarlaus.

[Hannes (IP-tala skráð) 1.7.2011 kl. 18:34]

Critic... Það er ekki hægt að líkja þessu við að fitna af því að drekka vatn! Sætt bragð veldur græðgi og hugsanlega áhrif á skilning líkamans á því hvað hann innbyrgðir af orku etc.

- vísindaaular hvað? hefði mátt sleppa músarannsókninni?? Nei! einmitt ekki.. fyrir þá sem ekki tóku eftir fengu mýsnar alverlega blóðsykursröskun og verið var að vísa í og tala um þessi mál á ráðstefnu um sykursýki. Og sætt bragð án orku á við um fleiri gervisætuefni, ekki bara aspartam.

Hvort sem aspartam er eitur að öðru leiti eða ekki er algjör óþarfi að troða því í sig og lang eðlilegast að sæta matvæli með náttúrulegri sætu svo sem sykri, ávöxtum eða öðru með kolvötnum í... og nota svo orkuna í að hlaupa eða sprikla smá;P

[Geir Jónsson (IP-tala skráð) 1.7.2011 kl. 21:00]

Hannes margir eru einfaldlega að borða svo mikið af sykri í dag að það breytir litlu þó þeir fari út að skokka á hverjum degi, þeir eru samt að fá of mikið af orku.

Ég held að fátt sé að drepa jafn marga í dag og viðbættur sykur. Ef eitthvað eitt ber mestu ábyrgðina þegar kemur að offitufaraldrinum þá er það pottþétt sykurinn.

http://www.youtube.com/watch?v=dBnniua6-oM

[Magnús Sigurðsson, 2.7.2011 kl. 05:50]

Hannes það er ekki fallega gert að kvelja mýsnar að óþörfu.  Mannfólkið er orðið eins og útblásnir helíum auglýsingaloftbelgir um skaðsemi vísindafæðisins.  Þetta hefur gerst á 20 -30 árum, það þarf ekki mýs til að vitna um það. Jafnvel þetta gerist þó svo að fólk noti hálfan daginn til að hlaupa á færibandi með hipp hopp í eyrunum fyrir stór fé, ef það drekkur ekki vatn og borða hollan mat. Sammála þér með að njóta ávaxta lífsins og gera sé grein fyrir að kolvetni t.d. hrísgrjón og hveiti umbreytir líkaminn í sykur.  Þess vegna er betra að fara varlega þegar viðbættur sykur er annarsvegar.

Sammála þér Geir það er búið að lauma viðbættum sykri og sætuefnum í flestar unnar matvörur í þvílíku magni að það ætti að veita álfunum Nóbelsverðlaun í efnafræði fyrir afrekin, t.d. er sagt að það svari til 13 sykurmola það magn sem er í einni lítilli jógúrtdós.  Og ég get sag þér að þegar þú ert á annað borð búin að venja þig af sykri (þó ekki með því að nota álfa sykur og aspartame) þá finnst þér 13 sykurmola jógúrtdós vera hreinn viðbjóður.