Hvernig á annað að vera?

Lúðvík Ólafsson, lækningaforstjóri Heilsugæslu höfuðborgarsvæðisins segir fólk verða að átta sig á því að íslenska heilbrigðiskerfið sé að hruni komið og þolmörkum varðandi niðurskurð sé náð.  Hann fer örugglega nokkuð nærri sannleikanum þegar hann bendir á að; „Hluti af stóra vandamálinu er að við erum með fólk sem fær að taka ákvarðanir án þess að hafa til þess þekkingu og reynslu."

Hin hliðin á vandanum er sérfræðingarnir sem vita orðið svo mikið um lítið að engin er marktækur nema vera með helst fimm háskólagráður. Nægir þar að líta til alþingis með þétt skipaðan bekkinn af hagfræðingum og lögfræðingum, en meira en galtóman ríkiskassann.  Og allra þeirra vel menntuðu sérfræðinga sem voru á fínum launum við að setja Ísland á hausinn með reynsluleysi sínu og rörsýni.

Heilsugæsla nálgast hrun

Athugasemdir

[Níels A. Ársælsson., 16.7.2011 kl. 07:59]

Hvað ætli Sjálfstæðisflokkurinn hafi borgað lækningaforstjóranum Lúðvík Ólafsson fyrir að segja þetta kjaftæði í moggann ?

[Magnús Sigurðsson, 16.7.2011 kl. 08:24]

Níels, ætli þetta geti ekki verið eitt af því sem lækningaforstjórinn sjái ástæðu til að gera frítt.  Hann hefur þó nokkuð til síns máls þegar hann talar um illa ígrundaðar ákvarðanir.  Þó svo að hann mætti að sjálfsögðu líta sér nær. 

Síðast þegar ég þurfti að leita til heilsugæslu, sem var á mánudegi, var mér sagt að það væri eingin tíma að hafa þá vikuna.  Eftir að hafa vælt út neyðartíma hjá lækni, sem mátti þá aðeins vera 10 mínútur og daginn eftir, þar mætti ég á tóma biðstofuna þær voru sat þrjár í móttökurituninni og læknirinn sat einn og eins og hann hefði beðið aðgerðalaus frá birtingu, sama sýndist mér vera á hinum stofunum.  Þá grunaði að þarna hefðu sérfræðingarnir komist að því að mesti sparnaðurinn ælist í að skera niður komur sjúklinga.

[Ásthildur Einarsdóttir (IP-tala skráð) 16.7.2011 kl. 10:08]

Magnús nákvæmlega það er markmiðið að  fækka komum til  t.d. heimilislækna á daginn i stóru samfélagi á höfuðborgarsvæðinu  var einn læknir  við störf engan tíma hægt að fá  og neyðartímar farnir ca 5 mínutur  eftir opnum að morgni maður spyr hversu fljótt fer  dánartíðni að hækka við þessar aðstæður, eða á fólk að fara á Bráðamótöku til að fá eðlilega þjónustu sem heilsugæslulæknir ætti að veita, já og fyrst maður er byrjaður að opna sig það eru ekki allir jafnir það beið kona eftir að vera kölluð inn þá kemur inn kona ca 75 ára og haltrar spyr hvort hún geti fengið  viðtal við lækni sé svo slæm í fæti að hún þyrfti sprautu  ´se að fara erlendis í fyrramálið og sé með mikla verki ung falleg stúlka sagði nei það er engin tími laus gamlakonan haltraði út  ,á leiðnni mætir hún  ungum manni sem   spyr hvort hann geti fengið að tala við lækni  já  það er laus tími  gerðu svo vel , mér bra   hljóp  út til að bjóða konunni minn tíma  en þá var hún að renna  í burtu  mér leið frekar illa  lengi vel á þessu óréttlæti og stúlka má skammast  sín   tek það fram að hún er en að starfa á þessari Heilsugæslu sem við afleysingar eldra fólki er sýnd lítilsvirðing víða því miður ..

[Magnús Sigurðsson, 16.7.2011 kl. 11:42]

Ásthildur, ég hef grun um það að kunningjasamfélagið virki vel innan heilbrigðiskerfisins á Íslandi í dag og það styttist í að annaðhvort verði fólk að eiga vini eða aur til að þurfa ekki ð bíða veikt tímunum saman.

[Gunnr (IP-tala skráð) 16.7.2011 kl. 12:03]

Þetta er sorglegt og þessi þróun í heilsugæslunni er í raun áframhald meira en áratuga þróunnar og þetta ferli hefur náttúrlega margfaldast þremur síðustu árum frá hruni. Það var haft eftir forstöðulækni Heilsugæslustöðvarinnar í Árbæ í síðustu viku að það vantaði 50 lækna núna þegar í dag á Heilsugæslu höfuðborgarsvæðisins og það séu um 7 heimilislæknar sem fari á eftirlaun á hverju ári og meðalaldur í stéttinni er sagður talsvert yfir 50 ár. Sérmenntun í heimilislækningum er um 5 - 6 ára nám.

Ungir og duglegir nýmenntaðir heimilslæknar geta valið að verða "starfsmenn á plani" á íslenskri heilsugæslustöð, þeas launþegar eða fengið ráðningarsamning við norska ríkið sem "faslege"/heimilislæknir og ráða sér starfsfólk og reka sjálfir heilsugæslustöðina og launamismunirinn er sagður meira en 5 faldur jafnvel 10 faldur. Hvað þarf yfirhjúkrunarfræðinga? Forstöðumenn og aðra stjórnendur? Er ekki hægt að reka þetta fólk og borga læknunum þá hærri laun? Það er í raun heilt lið á heilsugæslustöðinni og í raun er heilsugæsla án læknis nær einskis virði. Það er skiljanlegt að læknir þess að ráða sér að nokkru sjálfir miðað við að verða "starfsmaður á plani" á íslenskri heilsugæslustöð sem er ofhlaðin öðru starfsfólki. Það er ekki greitt fyrir yfirvinnu. Raunar eru þeir víst hættir að auglýsa eftir fólki.

Það má vel vera að þeim tekst að koma þessum stöðum út en þetta verður þá hrakval enda ekki samkeppnishæft við neitt í vestur eða austur Evrópu, við fáum væntanlega þá sem enginn vill hafa á "útsölumarkaði". Getum við ekki fengið bankamenn og stjórnmálamenn frá Indlandi og haldið íslenskum læknum.

Það er augljóst að það mun opnast fyrir einkaheilbrigðiskerfi þar sem fólk (þeir sem hafa efni á) greiða fyrir þjónustuna úr eigin vasa án hlutdeildar ríkisins. Þarna virkar klíku og kunningjasamfélagið. Læknisstarfið er til án opinberra styrkja víðast hvar í heiminum og starfið er til frá steinöld.

[Magnús Sigurðsson, 16.7.2011 kl. 12:16]

Gunnr, veit ekki alveg hvað ég á að halda.  Það er nöturleg staðreynd að fólk er hraustara þar sem ekki eru læknar og flestir deyja nú orðið undir læknishendi.  Ef þetta er alfarið spurning um laun í alþjóðlegum samanburði þá er rétt að spyrja að leikslokum.

Kannski er gamla Kínverska kerfið best þú borgar lækninum þínum svo lengi sem ekkert er að þér en þegar þú verður veikur þá er komið að honum að vinna vinnunna sína ellegar að endurgreiða.  Við skulum ekki gleyma ábyrgðinni.

[Gunnr (IP-tala skráð) 16.7.2011 kl. 12:33]

Þetta er náttúrlega kjaftæði í þér Magnús minn.

Ef litið er á lönd án lækna Þá deyja flestir deyja úr sýkingum, sem þá eru um 50% af öllum dauðsföllum og konur deyja í fæðingu og beinbrot og slys og skaðar leiða fólk til örorku. Gláka leiðir til blindu ofl. ofl. Áður fyrr voru vansköpuð börn borin út.

Þeir sem lifa þetta af eru væntanlega frískari og ekki samanburðarhæfir.

Raunar held ég að það sé mikið af læknisvitjunum sem eru óþarfar og væl. Bakverkir sem yfirleitt lækna sig sjálfir og annað. Dæmið um "svokallað læknadóp" er það að ákveðnir sjúklingar leita á milli lækna til að svíkja út lyf og selja þetta síðan. Þessi vesalings læknir sem skrifar þetta út í góðri trú án þess að geta yfir höfuð rannsakað (enda vart tími til þess ef undirmönnunin er svona.) Ætti þetta í raun að vera kallað "sjúklingadóp".

Það sem er að gerast núna er að þjóðin er orðin eldri og það mun óumræðinlega þýða mikla aukningu á heilbrigðisútgjöldum. Það að læknar beri ábyrð á fólki er náttúrulega bara grín.

En læknisfræði hefur verið frá fyrir tíma "gömlu grikkjanna", í Egyptalandi og frá tímum Súmera í gömlu Babylon, enda eru velmenntaðir og duglegir læknar alls staðar eftirsóttir og velborgaðir.

[doctore (IP-tala skráð) 16.7.2011 kl. 13:13]

Magnús, þú ert farin að hljóma eins og þeir í Kambódíu forðum; Læknar og menntaðir eru orðnir svona hræðilega hræðilegir.

Fólk hraustara þar sem engir læknar eru... djís mar, hajhaha

[Gunnr (IP-tala skráð) 16.7.2011 kl. 13:17]

Ef það er eitthvað sem við getum lært af sögunni er það læknisfræði er nánast jafn gömul mannkyni alveg frá fyrstu heimildum um mannkynið. Varð til löngu fyrir tilvist "ríkja" og "þjóðríkja", löngu fyrir tilvist tryggingarfélaga og ríkisrekins heilbrigðiskerfis."

"Kínverska kerfið" eins og þú kallar það var raunar nær einugis bundið við einn mann það var keisarann en hinir máttu éta það sem úti fraus. Raunar gjöreyðilögðu þeir heilbrigðiskerfi Kína í menningarbyltingunni og raunar einning í Kambúdeu undir ógnarstjórn Rauðu Khmeranna. Núna er öskrandi eftirspurn eftir vestrænni læknisþekkingu í Kína enda er þar hraðstækkandi ein stærsta millistétt Asíu. Fólk vill að börnin þeirra fái bestu fáanlegu meðferð, td. við hvítblæði þar sem það var áður fyrr látið deyja ómeðhöndlað, sykursýki og annað.

Örríkið Ísland fær hér litlu breytt það er hreint gríðarleg eftirspurn eftir læknum en raunar er offramboð á flugmönnum enda er það langt í frá hátekjustétt í USA eða í löndum Asíu en á Íslandi er það hátekjustétt.

Þeir fá ekki heimilsilækni út á land á hásetahlut eða varla það. Þeir verða í raun að miða við skipstjórahlut á aflaskipi. Þetta er gríðarleg vaktaálag og nánast lífstíll raunar geta þeir náttúrlega gert það sem þeir vilja á Íslandi. Kanski rekið heilbrigðiskerfi af hjúkrunarfólki fyrir þá fátæku en síðan annað fyrir þá ríku og valdamiklu.

[Gunnr (IP-tala skráð) 16.7.2011 kl. 13:58]

Því miður óttast ég að Lúðvík Ólafsson hafi rétt fyrir sér. Það eru minna en 2 ár síðan heilbrigðisyfirvöld neituðu að hér væri um nokkurn vanda að ræða og núna er það augljóst hverjum manni í hvað stefnir. Þetta er bæði grunþjónusta heilsugæslunar sem er í raun að hruni og síðan er það sérfræðiþjónustan þar er umvörpum verið að leggja niður stofurekstur og stórlega er dregið úr aðgengi.

Unglæknar fara fyrr frá landinu eins fljótt og auðið er. Sérfræðingar skila sér ekki ekki til baka enda að litlu að hverfa og það hefur nánast enginn kominn tilbaka frá 2008 það sem er að gerast núna er það að ungir og miðaldra sérfræðingar eru að vinna erlendis að hluta eða algjörlega og þar er hluti meira að segja fluttur tilbaka. Raunar er meðalaldur orðinn hár og þunnskipað í margar grunngreinar læknisfræðinnar og því verður fljótt neyðarástand þegar þynnist enn í röðum.

Öll framhaldmenntun í læknisfræði er erlendis frá og dvelur þetta fólk 5-15 ár og sumir lengur erlendis við nám og störf og er því í vinnu þar.

Þjóðin eldist, kröfurnar aukast, kostnaðurinn lækkar og færri og verr mennatiðir læknar eiga að sinna þessu.

Þetta lítur ekkert sérstaklega gæfulega út verð ég að segja.

[Magnús Sigurðsson, 16.7.2011 kl. 14:54]

Ja hérna bara snarbrött mannvitsbrekkan fyrir framan mann,ég held að það sé þá rétt að renna sér niður hana.

Gunnr;  þú ert akkúrat að hitta naglann á höfuðið þegar þú talar um að "Þeir sem lifa þetta af eru væntanlega frískari...." og þeir sem lifa af "læknadópið"eru þá væntanlega "....ekki samanburðarhæfir."  Læknar njóta allstaðar virðingar, hvernig ætti annað að vera, það felst í starfsheitinu.  Auðvitað hefur Lúðvík rétt fyrir sér, enda hef ég hvergi haldið öðru fram, það sem hann er að benda á hefur fólk á víða um land upplifað fyrri löngu, hrunið víða á landsbyggðinni byrjaði ekki haustið 2008.

doctore; gunnr kom ágætlega inn á þetta með hraustleikann.  Það er óþarfi að bendla mér við fjöldamorð Rauðu Kmerana  þó svo að ég hafi bent á þá augljósu staðreynd að flestir á vesturlöndum deyi í umsjá þess heilbrigðiskerfis þar sem læknar starfa.  Þeir sem fóru fremstir hjá Rauðu Kmerunum voru flestir hverjir með sínar háskólagráður fengnar á vesturlöndum, ef ég man rétt.  Í minn umsjá hefur engin dáið, nema þá kötturinn minn úr elli, blessuð sé minning hans.

[Sólrún (IP-tala skráð) 16.7.2011 kl. 16:43]

Sæll Magnús  eg reyni alltaf að missa ekki af honu Guðna Ölverssyni frettaritaranum okkar í Noregi mer finnst hann svo frábær.  En var  mjög hissa þegar hann fór að segja frá því  hversu  fjársvelt og  undirmannað norsa heilbrigðis kerfið   væri.   Ekki getue það verið af fjárskorti í þessu ofurríka landi   Fróðlegt væri að ftá   skýringu á þessu.  Hefurðu nokkuð heyrt um þetta?

Og það er ekki einu sinni hægt að kenna A.G.S. eða E.U. um þetta

Kannski er fjandinn nú ekki eins slæmur og hann er sagður vera sagði kellíngin hérna um árið...

[Magnús Sigurðsson, 16.7.2011 kl. 17:46]

Sæl og blessuð Sólrún, ég held að kerllíngin hafi flaskað á þessu með fjandann, hann er örugglega miklu verri en hann er sagður vera ef hann skrýðist AGS hempunni.

Ég veit ekkert um Norska heilbrigðiskerfið en mér sýnist það vera farið vel með gamla fólkið hérna og það fær mann til að trúa á því að í grunnin sé það gott. 

Kannski er Guðni Ölvers bara orðin ofdekraður í góðærinu hérna í Norge.  Í mínum gamla heimabæ á Ísandi var dvalarheimila fyrir aldraðra einfaldlega lokað, fólkinu sagt að það taka sig til og fara í sumarfrí til ættingja vegna sumarlokunar í sparnaðarskini.  Á leiðinni út um dyrnar í sumarfríið með ættingjum var þeim tilkynnt að þau þyrftu ekki að koma aftur, heimilinu yrði lokað fyrir fulltog allt.  Sumum var fundinn staður í 200 km fjarlægð öðrum í 100 km fjarlægð, engin átti afturkvæmt á heimaslóðirnar þar sem ævinni hafði verð varið.

Eins þekki ég til þess að vegna sparnaðar þá voru tvær manneskjur í að sinna morgunverkum á sjúkradeild með 18 aldraðra, sumum alveg rúmföstum, það mátti ekki kalla inn manneskjur í forföll vegna kostnaðar.  Einn hæfasti og reynslumesti starfsmaðurinn hætti á deildinni því hún fékk vinnu á bensínstöð.  Hjá henni snérist þetta ekki um laun, heldur slæma meðferð á gömlu fólki sem hún gat ekki lengur horft upp á.

Ég veit ekki hversu fjársvelt norska heilbrigðiskerfið er samkvæmt frásögn Guðna, en ég á erfitt með að trúa því að það sé að ganga í gegnum eitthvað svipað og það íslenska.

[Sólrún (IP-tala skráð) 16.7.2011 kl. 20:31]

Já fjandinn hefur alltaf verið blekkilegur svo mikið er víst. Það er gott að þú skulir ekki hafa þurft að spá neitt í heilbrigðiskefrið þarna úti. Ætli það geti nú ekki verið að samviskusamleg neyzla á njóla samkvæmt heimulegum uppskriftu   Æskunnar séu  að skila sér ? Er ekki málið að sækja um einkaleyfi á njóla og njóla afurðum í Noregi ?

[Magnús Sigurðsson, 16.7.2011 kl. 20:47]

Til allrar Guðslukku fann ég njóla hérna í nágrenninu þegar ég fór að leita að koddaveri sem sennilegast hefur verið stolið frá mér þegar það lá ásamt öðru til þerris hérna í norðurhjarasólinni, allavega er þetta hvarf dularfullt í logni og allur annar þvottur á sínum stað.  En ekki er svo með öllu illt að ei boði gott, að er bara þessi myndarlegi njóli hérna í næstu götu.  Koddaverið hef ég ekki séð í viku en ég geng reglulega að njólanum vísum og líður strax betur.

Sólrún heldurðu að það geti verið að njóli flokkist sem læknadóp?

[Sólrún (IP-tala skráð) 17.7.2011 kl. 01:05]

Magnús eg er því miður hrædd um að innan E.U flokkist njóli sem hættuleg samkeppni við læknadóp og mini því eiga undir högg að sækja um tilvist sína.Kannski sleppur þetta í Noregi

Það er ekki spurning að þarna hefur verið hulin hönd að verki með koddaverið beinlínis til að  vísa  þér á  hjálpræðið. Það er vakað yfir ykkur þarna úti  greinilega  ...   En það var nú náttúrlega  óþarfi að skila ekki koddaverinu....

[Magnús Sigurðsson, 17.7.2011 kl. 07:08]

Sólrún, það er nú einmitt þetta með að njólinn geti verið hættulegur samkeppninni í EU sem heldur aftur að mér að taka hann af rannsóknastiginu.  Það er betra að athuga það gaumgæfilega hvort að maður gæti flokkast með hættulegum hryðjuverkamönnum ef maður færi að gefa út njólauppskriftir. 

Ég var meir að segja svolítið hugsi um það hvort ég ætti að þora að minnast á það hvernig Grænlendingar nota hvönnina það er aldrei að vita nema Grænland hljóti sömu örlög og Afganistan þar sem þeir hafa eltast við huldumenn innan um valmúann í aldarfjórðung.  Þeir eru jú í þann veginn að finna olíu við Grænland.

Eins er ég nokkuð hugsandi með það að vera mikið að þvæla um njólann á norsku, þeir eru jú í EES eins og þú veist.  Ég hélt samt að Noregur væri með smá rebel þegar ég tók eftir að miðlínan á þjóðvegunum er ennþá gul.  En eins og þú kannski manst var hún máluð hvít á Íslandi samkvæmt EU og ESS bírókratinu frá Brussell og síðan hefur verið helmingi erfiðara að halda sig á veginum í skafrenningi.  En ég er semsagt orðin verulega hugsandi yfir Norsurunum eftir að þeir ákváðu að bombera Líbýu og sú ákvörðun mun hafa verið tekin upp á íslenska mátann eitthvað svipaðan og þegar Ísland fór í Írakstríðið.  Þá sem ástin á lýðræðinu er notuð sem ástæða til að hlusta ekki á lýðinn og drepa lýðinn i fjarlægum löndum þar sem olíu er von.

En ég sakna svolítið mannvitsbrekknanna sem smelltu hérna inn þessum fínu commentum.  Þá á ég við doctore og hulduhagfræðinginn gunnr, þeir voru á góðri leið með að gera mig að fjöldamorðingja.  Það hefði verið gott að fá þeirra álit á þessu með njólann, eins ef þeir hafa einhverjar upplýsingar um koddaverið.