Grímulaus fasismi.

 

Þau koma víða að ummerkin um hinn grímulausa fasisma sem er stundaður í skjóli stjórnvalda um víða veröld.  "Við vitum að bólusetningar eru lykilatriði í heilsu barna fyrir lífstíð og þess vegna viljum við tryggja að þau séu bólusett á réttum tíma,"segir Nicola Roxon, heilbrigðisráðherra Ástralíu.   Og hver ætli hafi sagt henni Nicolu það? 

Það er skemmst að minnast þess þegar lyfjafyrirtækjunum tókst að ljúga bóluefni upp á hálfa heimsbyggðina vegna uppdiktaðrar svínaflensu.  Íslensk stjórnöld keyptu skammt á hvert mannsbarn í landinu fyrir 300.000.000 á mestu niðurskurðar og kreppu tímum í sögu lýðveldisins. Svínaflensan reyndist síðan umgangspest af saklausara taginu og eru meira en vísbendingar uppi um að þeir einu sem  urðu fyrir varanlegu heilsutjóni hafi verið þeir sem létu bólusetja sig, sitja uppi með drómasíki.

Almenningur ætti að vera farin að átta sig á að stjórnvöld stunda grímulausa fjárplógsstarfsemi í þágu stórfyrirtækjanna þ.á.m. lyfjafyrirtækjanna.  Vörn almennings ætti einfaldlega að vera sú að viðurkenna ekki lögsögu þeirra stjórnvalda sem sífellt seilast lengra með ólögum.  

Til að setja þetta í íslenskt samhengi þá hefðu stjórnvöld getað sleppt því að skera niður mikið eðlilegri heilbrigðisþjónustu með því að láta svínaflensuna lönd og leið.  Eins ætti Nicola Roxon að setjast niður og reikna út hvað Áströlsk stjórnvöld láta almenning greiða til lyfjafyrirtækjanna í formi óþarfra bólusetninga.  En það gera fyrirhyggju fasistar sjaldnast það er svo mikið þægilegra að þiggja kúlulánin.

 

Engin bólusetning, engar bætur

Athugasemdir

[Ólafur Björn Ólafsson, 25.11.2011 kl. 15:44]

Svo má líka bæta við að lyfjafyrirtækin eru að búa til dópista sem komast ekki af nema fá lyfjaskamtana sína. Það að dæla bóluefnum í fólk er bara til að drepa niður ónæmiskerfiðog gera fólk móttækilegra fyrir hverskyns pestum sem herja á fólkið. Ég fyrir mitt leiti hef aðeins einusinni síðustu 10-15 ár látið plata mig til að fá bólusetningu, en það var gegn þessarri fuglaflensu en ég var í einum af forgangshópunum fyrir bóluefnið.

Að öðru leiti hef ég ekki látið bólusetja mig gegn flensum og öðrum pestum þar sem ég tel mig ekki þurfa þess. Pillur er ég heldur ekkert áfjáður í að taka af sömu ástæðum.

[Magnús Sigurðsson, 25.11.2011 kl. 16:51]

Sammála þér Ólafur.  Nú er "forsjárhyggjan" að ná nýjum hæðum þegar ríkið, í þessu tilfelli það Ástralska, ætlar að svipta foreldra barnabótum nema að þau mæti með börnin í "gúlakið". 

Er ekki kominn tími til fyrir almenning að hætta meðvirkni með þessari útópíu?

[Sólrún (IP-tala skráð) 25.11.2011 kl. 18:26]

Eg vann í mörg ár á fjölmennum vinnustað sem var í eigu ríkisins þá og þar mætti læknir á hverju ár með sprautu til að bólusetja alla frítt.Eg hef antipat á allskyns meðala sulli og lét ekki sprauta mig. en oftast slapp eg við flensuna sem var ógnvaldurinn í þessum tilfellum en eg held að allir nema eg og tveir aðrir hafi fengið sprautu.Fólkið sem fékk sprautuna ýmist veiktist eða ekki svona eins og gengur og var ekki að sjá að sprautan væri nein allsherjar trygging

Eg er með grænar bólur fyrir öllu kemisku lyfjadóti og tek ekki slíkt nema í ýtrustu neyð.En er stundum að gutla með ymsar lækningajurtir og ilmkjarna olíur í staðinn. Og hefur oft gefist ágætlega.

Alþingis færibandið renndi í gegn núna í vor tilskipun eða reglugerð _og getið þið nú þrisvar hvaðan_sem heimilar bann á öllu sem gætu hugsanlega talist ti lækningajurta eða fæðubótarefna hvenær sem hentar.Eg hef rekið mig á það að

nú í haust og vetur er ekki lengur hægt að fá jurtir og olíur sem verið hafa til áður.Og svarið er ":það er búið að banna það" það má bara selja það í apótekunum.

Glucosamine sulfat sem dæmi sem er náttúruefni og hefur reybs miklu betur við gigt einkum slitgigt en nokkur kemisk lyf frá lyfja fyrirtækjunum má nú ekki lengur selja nema í apótekum.Aldrei hefur verið sýnt fram á neina hættu eða aukaverkanir með lyfinu og það hefur reyns best að taka það upp gegnum húð sem áburð tildæmis á hné .

Lyfið fæst nú AÐEINS Í FORMI INNTÖKU í apótekum.Og ekki er nú bitinn gefinn 90 töflur á um það bil 3000 kr

[Magnús Sigurðsson, 25.11.2011 kl. 19:04]

Sólrún, þana ertu að lýsa því hvar hundurinn liggur grafinn.  Þetta bólusettningarfár er komið út yfir allan þjófabálk.  Landsliðin í kúlu þikjast þess umkominn að hafa vit fyrir fólki án þess að þar liggi neitt að baki nema græðgin ein.  Sjálfur hef ég einu sinni látið bólusetja mig við flensu vegna þrýstings annars hef ég látið lýsi og holl ráð nægja.  Ég hef aðeins einu sinni á æfini fengið það sem kallað er inflúensa sem hefur lagt mig í rúmið um stund.  Ég hef oftar fengið það sem maður kallar kvef sem ágætt er að mæta með hollum ráðum, hunangste og rólegheitum um helgar.

Þú ert að upplýsa mikil tíðindi fyrir mér með afgreiðslu færibandsins á  alþingi um reglugerðir og ólög sem stefnt er gegn heilsu fólksins í landinu ekki skárri en hjá Nicolu í Ástralíu.  Það kann að vera að eitthvað af kúluliðinu á alþingi geti svarið af sér óþverraháttinn með því að skíla sér á bak við fjábjánahátt, þegar þessi reglugerðardrög voru sett upp í hendurnar á þeim til samþykktar af kostendum kúlulánanna.

Með áhugaverðari bókum sem ég hef lesið um lækningar er "Bókin um  náttúrulækningar" sem var gefin út á íslensku að mig minnir 1983.  Í þeirri bók má sjá hvernig markvisst hefur verið unnið að því að eyða þekkingu aldanna kemískri ólyfjan til framdráttar.  Því þekking aldanna var orðin meira og minna ókeypis.

[Sólrún (IP-tala skráð) 25.11.2011 kl. 20:28]

Já eg yrði ekki hissa þó að yrði bannað að sjóða kartöflur hér eftir áramótin.

Það er A vitamin í kartöflu flusi nefnilega sko.

Stórhættulegt efni.Enda grunar mig að Sauðlauksdalur sé kominn í eyði er þó ekki viss.En Björn prestur er að minstakosti fallinn frá.Ekki ótrúlegt að kartöflur hafi orðið hans bani.

Hann var líka að fikta við allskonar grös og tinktúrugerð.

Ekki að furða að maðurinn sé ekki á lífi.Þarna geta menn nú séð hvernig fer fyrir þeim sem ekki er haft neitt vit fyrir.

það var ekkert EU sem bjargaði í þá daga

[Magnús Sigurðsson, 25.11.2011 kl. 21:20]

Já Sólrún, það verður áhugavert að fylgjast með örlögum kartöflunnar.  Það má nefnilega nálgast bann á kartöflusuðu á tvo vegu. 

Ef ég man rétt þá birtist um það frétt hérna á mbl tækni og vísindi, þar sem helstu tækniundrum veraldar eru gerð skil á vísindalegan hátt, þ.m.t hvernig á að þvinga fólk til að láta bólsetja börnin með því að svipta það borgaralegum réttindum.  

En fréttin sem ég ætlaði að minnast á var um sjónvarpskokk sem hafði sett krabba í sjóðandi vatn í beinni.  Það var eins og við manninn mælt sett voru lög um að bannað væri að sjóða krabba lifandi.  En eins og allir vita sem hafa haft kynni af kröbbum þá er því sem næst útilokað að drepa þá nema með því að láta þá veslast upp fyrir utan náttúrulega að sjóða þá eða berja þá í mauk með hamri.

Einhvern veginn hafði ég það á tilfinningunni að kartaflan yrði friðuð næst en það má líka banna hana í forvarnarskini vegna bætiefnanna sem fólk gæti farið sér að voða með of stórum skömmtum. En sjáum til landsliðið í kúlu mun finna eitthvað út úr þessu komi reglugerð um kartöflusuðu inn á þeirra borð.

[Sólrún (IP-tala skráð) 25.11.2011 kl. 22:22]

Það verður líklega næasta skref að stofna Víkingasveit kartöflueftirlitsmanna með þjálfaða sporhunda til að þefa uppi kartöflugarða og eigendur þeirra.

Og færa glæpakindurnar í bólusetningar meðferð margfaldan skammt

við ógengdinni

[Magnús Sigurðsson, 25.11.2011 kl. 22:53]

Það minnir mig á það að Matthildur mín tók upp kartöflurnar sem ég setti niður snemma í maí núna 20. nóvember.  Ég ætlaði að taka þær upp í byrjun september en þá var bara nánast ekkert undir grösunm.  Svo hafa örlögin hagað því þannig að ekki hefur gefist tími fyrr en núna seint í nóvember og þessi fína uppskera. 

Það verður sennilega úti um áhugamálið mitt rauðar íslenskar ef sporhundar kartöflueftirlitsmanna finna kartöflugarðinn minn út við ysta haf og ég má þá eiga von á bólusetningu um leið og alþingismenn fá kúlulánin greidd inn á reikningana sína.

[Helgi Armannsson (IP-tala skráð) 25.11.2011 kl. 23:30]

tad er vida ordid tanig ad ef tu laetur ekki bolusetja barnid tit ta faer barnid ekki ad fara i skola . og ef tu sendir ekki barnid i skola ta er barnid tekid af ter .

[Sólrún (IP-tala skráð) 25.11.2011 kl. 23:33]

Eg óska ykkur til hamingju með uppskeruna.Það er alltaf dálírið öðru vísi en að fara í Bónus að fara í garðinn sinn.

En hamingjan sanna hjálpi þér maður að nefna á prenti annað eins skaðræði og RAUÐAR ÍSLENSKAR.

þAÐ MUNDI FLOKKAST UNDIT ARGASTA GUÐLAST OG RASISMA AÐ RÆKTA KARTÖFLUR EFTIR ÞJÓÐERNI !!!

[Helgi Armannsson (IP-tala skráð) 25.11.2011 kl. 23:34]

eg vidurkenni ad eg gerdi hrikaleg mistok tegar eg let bolusetja bornin min,tvi midur vissi eg ekki kvad eg var ad gera

[Eva Dögg (IP-tala skráð) 25.11.2011 kl. 23:43]

Svona fréttir sannfæra mig bara meira og meira um að ég sé að gera rétt með því að leyfa ekki læknum að bólusetja barnið mitt. Ég myndi sko aldrei í lífinu láta sprauta veikluðum/lifandi/dauðum VÍRUSUM og allskonar samansulli úr dýrafrumum, músaheilum og allskonar ÓLYFJAN í barnið mitt. Fyrir mér er þetta borðleggjandi og áróðurinn frá stjórnvöldum, fyrirtækjum og heilbrigðisstarfsfólki sannfærði mig endanlega um að ég væri að velja rétt (flott að það sé ennþá val um þetta hér á Íslandi, ég hefði samt aldrei gert þetta þó að þetta væri í lögum - og reyndar er þetta kynnt fyrir nýforeldrum og óléttum sem sjálfsagt og ekki val).

Það er samt mjög krípí að heyra hvernig venjulegir móðursjúkir foreldrar tala um fólk einsog mig. Ég er bókstaflega að drepa bólusettu börnin þeirra "eyðileggjandi hjarðónæmið" osfrv osfrv. Það á helst að útiloka barnið mitt frá leikskóla og almennum skóla, og bara neyða mig til að leyfa þessar vírussprautur. Ó já, engin miskunn skal sýnd.  Ég held þessu að mestu leyndu, ekki einu sinni mínir bestu vinir vita að barnið mitt er og verður óbólusett, því ég nenni hreinlega ekki að sjá svipbrigðin og heyra hneykslaðan spurnartóninn og fá hugsanlega yfir mig forheimskaðan áróðurinn (ég myndi samt aldrei segja ósatt um þetta, það halda bara allir að ég bólusetji einsog allir aðrir). Það er nóg að díla við þetta hjá heilbriðisstarfsfólkinu, sem ég hef að vísu hingað til bara haft góð kynni af, þ.e. þegar þau heyra mína afstöðu þá virða þau hana og ég er ekkert smá fegin að Ísland er ekki komið á sama þrep og mörg önnur í bólusetningageðveikinni - að vísu má deila um það eftir að cervarix kom til sögunnar...

Annars segi ég bara takk fyrir þessar upplýstu umræður Magnús og Sólrún ;)

[Eva Dögg (IP-tala skráð) 25.11.2011 kl. 23:52]

Helgi Ármannsson, ég er líka bólusett og það er í góðu (svo langt síðan, mamma sýndi mér spjaldið með dagsetningunum og vírusunum þegar ég var að tilkynna henni fyrst um að ömmubarnið yrði ekki bólusett, henni fannst ég kreisí en er núna alveg sátt sko). Það er fullkomlega eðlilegt að fólk treysti læknum og ráðleggingum heilbrigðisstarfsmanna, það sjá allir eftir einhverju sem þeir hafa gert og ég vona að þetta hafi ekki skaðað börnin þín varanlega. Núna myndi ég í þínum sporum t.d fókusa á að uppfræða börnin þín um það að treysta ekki endilega áróðri sem er vafasamari en hann hljómar, t.d einsog kynfæravörtubólusetningarnar og flensusprautur. Það er aldrei of seint að byrja að fræða börn/fólk um þessa hluti. Þau eru ennþá með ónæmiskerfi og geta ræktað það sjálf með góðum hugsunum og heilsusamlegum lífstíl.

[Samúel (IP-tala skráð) 26.11.2011 kl. 00:14]

Bið ykkur endilega um að horfa á þetta vídjó sem lýsir á mjög einfaldan hátt núverandi ástandi (bólusetningar 90% þýðisins) vs áðurfyrr (ekki bólusetningar):

http://www.youtube.com/watch?v=RfdZTZQvuCo.

Þó Penn and Teller séu kannski ekki mestu sérfræðingarnir á þessu máli finnst mér þetta vídjó nokkuð lýsandi.

Barnabólusetningar, svokallað MMR lyf ásamt öðrum t.d. taugaveiki ver barnið fyrir banvænum sýkingum sem fyrir 100 árum drápu fólk í þúsunda og milljóna tali. Þessi bóluefni eru margreynd og hafa verið notuð með litlum aukaverkunum í tugi ára. (ekki á sama formi endilega). Það er hægt að segja að Penicillinn, sótthreinsanir og bólusetningar séu 3 mikilvægustu læknisfræðilegu uppgötvanir 20.aldarinnar. En saman hafa þau aukið líflengd um marga tugi ára, minnkað barnadauða margfalt ofl.

Svo vel hefur tekist upp að WHO hefur tilkynnt að t.d. Pólíó og small pox hefur verið algjörlega eytt, gerðir útdauðir.. en evrópumaðurinn kom með small pox með sér til ameríku og er hann talinn stærsti þáttur þess hversu auðveldlega hann keyrði yfir frumbyggja þess lands.

Árlegu bóluefnin gegn flensunni eru annað mál. Enda eru þau oftast framleitt eftir giski framleiðandans á því hvernig flensu-veiran hafi stökkbreyst og muni verða næstkomandi vetur.

Flensuveiran sem sýkir menn er Influenza A veiran en hún var einöngruð árið 1933, en

Manna veiran einangruð 1933. Hún stökkbreytist mjög hratt og oft erfitt að vita hvaða týpa af henni kemur næstu árstíð.

Einstaka sinnum verður það mikil stökkbreyting (og þá oft í gegnum annað dýr) að líkami okkar ræður algjörlega ekki við veiruna. Þetta gerðist t.d. árið 1918 og er það kallað spænska veikin en það sem gerðist þar var að öll 8 gen fugla Influenza A H1N1 færðu sig yfir í svokölluðum láréttum genaflutningi frá fugla Influenzu veirunni yfir á manna influenzu veiruna. Þetta gerði það að verkum að áunnið óþol mannfólksins var ekkert og 27% heimsins sýktist og 3-6% dóu, 50 - 100 milljónir.

Samsæriskenningar um undarleg viðbrögð WHO við svínaflensufaraldrinum fyrir örfáum árum eru allt annar handleggur og margt í því sem vekur upp spurningar.

Aftur á móti, hefur því verið haldið fram að svínaflensu veiran sem var ef ég man rétt einnig Influenza H1N1 (eins og spænska veikin) verið örfáum stökkbreytingum frá því að verða jafn banvæn og frændi hennar (spænska). Betra er að hafa vaðið fyrir neðan sig, betra er að 1/120 fái einhverfu heldur en að 3-6% heimabyggðarinnar deyji.(en 9/1000 barna fæðast með einhverfu og munurinn á milli 1/120 og 9/1000 er ekki mikill einnig er það algjörlega ósannað að bóluefni geti myndað einhverfu, og í raun hefur læknirinn sem haldið því fram verið sviptur læknaleyfi fyrir að falsa rannsókn sína um málið)

Slökun á bólusetningum víða í austur-evrópu hefur látið sjúkdóma sem hafa varla sést árum saman blossa upp aftur, vegna þess að hann getur dreifst um betur núna þegar færri eru ónæmir fyrir honum. En þar er fólk að slakka á bólusetningum að því það virðist vera búið að "gleyma" þeim hörmungum sem þessar sýkingar höfðu fyrir ekki nema nokkrum kynslóðum síðan.

Biðst afsökunar fyrirfram ef ég er með einhverjar staðhæfingarvillur í textanum hér fyrir ofan, en mest allt þetta er skrifað eftir minni.

Kær kveðja Samúel

[Sólrún (IP-tala skráð) 26.11.2011 kl. 00:44]

Smúel þú kemur með athyglisverða punkta hér inn.Svo sem muninn á því að bólusetja annarsvegar vi veirum sem þekktar eru og hinsvegar "tækifæris"bólusetningar sem tröllríða heimsbyggðinni ár eftir ár.

Eva Dögg eg myndi spyrja þessa "móðursjúki " foreldra hvað þaeu hefðu eiginlega að óttast með öll sí börn bólusett og sef í bak og fyrir.

[Birkir Helgi Stefánsson, 26.11.2011 kl. 01:55]

Ég græt. Eruð þið alvöru einstaklingar? Er svona heimska í alvöru til í þjóðfélaginu, kunnið þið virkilega ekki að leita að réttum upplýsingum og takið þið bara upp fyrsta skítinn sem þið sjáið á veraldarvefnum? Hvað fór úrskeiðis hjá ykkur? Hver var röð atburðanna sem varð til þess að þið skylduð éta þennan ógeðisáróður heimskra óviðurkenndra einstaklinga eins og hann væri súkkulaðistykki eða loforð um eilíft líf?

Af hverju vantreystið þið öllum læknum eins og þeir séu stjórnmálamenn með eitthvað í húfi fyrir lygar sínar? Læknar eru algjörlega ótengdir lyfjafyrirtækjum og þeirra auglýsingum. Mér er svo sem alveg sama hvað þið gerið ykkur sjálfum en ekki gera börnum ykkar þetta. Sérstaklega ef þau enda á því að vera upplýstari en þið. Þá verður sú ákvörðun ykkar ófyrirgefanleg þeim.

[Haraldur Einar Hannesson, 26.11.2011 kl. 02:47]

Samúel.. Ótrúlegt að þú skulir nefna þennann þátt til að koma þínu fram. Skil þína skoðun og virði hana. Hins vegar eru þetta mikið af röngum upplýsingum, því miður. Þegar er skoðað málefnalega og rýnt í raunveruleg gögn, lesið rannsóknir sem hafa komið út frá læknum og "sönnum vísindum", þá er sagan aðeins öðruvísi. Ég skil bara ekki hvernig okkur dettur það í hug að rannóknastofuframleidd efni sem unnin eru úr efnum sem eru mjög skaðleg, mörg ónáttúruleg séu holl fyrir okkur! Við erum samkv. Nýjustu uppgvötunum, ca 4.1 milljón ára gömul. Það þarf enginn að segja mér það að lyf, bólusetningar og fleira því tengdu, séu eitthvað holl fyrir okkur til langstíma.

Sjáðu hvað er að gerast, gríðaleg aukning er í krabbameinum, astmi rýkur upp, 60% aukning í ofnæmi, einhverfa orðin faraldur, taugasjúkdómar eru að aukast, ungabörn með gigt, alzheimer eykst, parkinson eykst, pensillín hætt að virka á einföldustu bakteríur vegna ofnotkunar, dauðsföll vegna svokkallaðara "superbugs" er farinn að gera vart við sig út um allt, kostnaður ríkis á niðurgreiðslum lyfja eykst vegna mikillar notkunar almennings frá skipun lækna, lyfjafyritækin eru orðin voldugustu fyritæki heims (hagnaður hluthafa skilyrði)! Í raun mætti lengi telja!

Hvað erum við að gera vitlaust? Hvað kom sem var valdur af þessu?? Síðan 1990 hefur framleiðsla lyfja tífaldast og aukning sjúkdóma helst mjög tilviljunarkennt í hendur. Mislingafaraldur gengur um allar trissur núna, einn í us um daginn, samt voru 2/3 af þeim sem fengu þá full bólusettir!! Vissiru að 5 milljónir manna deyja árlega vegna berkla, menn vilja meina það að næstu 10-15 árin á sú tala eftir að fara í 15 milljonir á ári!

Erum við orðin það blind á því sem skiptir máli? Er náttúran hætt að skipta máli? Þú veist að við getum ekki lifað án hennar?

Er ekku kominn tími til að setja spurningamerki yfir þetta allt og fara spá í hvað fór úrskeiðis og fara finna lausnir en ekki bæta ofaná vandamálið? Er ekki kominn tími til að fara hlusta á neyðarkallið frá náttúrunni og okkur sem notum hana til að lifa?

Hér er mynd sem ég fer fram á að þú horfir á, dálítið löng en mun málefnalegri heldur en Pen & Teller, þótt fyndnir þeir geta verið.

http://youtube.com/index?desktop_uri=%2F&gl=US#/watch?v=7hITYIT02rA

Ekki gleyma það sem skiptir máli, barnið mitt er það dýrmætasta sem ég á og ég vernda það fyrir öllu því sem ég get, bólusetningar eru eitt af því!

Hugsaðu bara um það sem er að gerast í kreppunni núna, hvað menn geta verið siðlausir þegar kemur að peningum, rifjaðu upp hvernig tóbaksfyritækin störfuðu á sínum tíma!" Ekkert skaðlegt sko.. En æ jú það var það víst, við vorum bara að ljúga og borguðum vísindamönnum til að fá þær niðustöður sem við vildum, þetta getur víst drepið okkur... En jæja við græddum þó smá"! VAKNA.. Gerið það!!

P.s í þessu ofverndaða umhverfi sem við lifum í, hvað ætlum við að gera þegar svipaður faraldur kemur og spænska veikin eða eitthvað álíka? Engar varnir búnir að vera byggðar upp af okkar eigin líkama..

Á þá kannski að kenna þeim um sem bólusettu ekki börnin sín um það?

Mér þykir annt um lífið og náttúruna, ég vill geta boðið barninu mínu betri framtíð en nútíðin er í dag, frekar sviðin. Þeir sem eru að græða gera það ekki, við verðum að berjast fyrir því, það erum við sem setjum fótinn niður, ekki iðnaðurinn!

Love & freedom á alla:)

[Samúel (IP-tala skráð) 26.11.2011 kl. 10:57]

Heyrðu, linkurinn sem þú sendir virkaði ekki fyrir mig, mættir endilega senda hann aftur svo ég geti horft á myndina.

Vissulega það sem þú ert að segja um aukna tíðni krabbameina, alzheimer, parkison osfrv. er satt, ástæðan fyrir því er aukinn aldur og betri greiningartækni nútímans (að mestu) Ekki er hægt frá núverandi gögnum að segja með neinni vissu að tíðni þessara sjúkdóma hafi aukist neitt. Enda er verið að miða við gögn sem voru tekin fyrir lengri tíma þar sem ekki var jafn auðvelt að greina þessa sjúkdóma.

Krabbamein þróast hægt og rólega og yfir lengri tíma. Frumur líkamans "safna" í sig stökkbreytingum þar til þær verða orðnar af "krabbameinsfrumum". Þá geta þær fjölgað sér án nokkura banda (tíma né rúms) og myndað ill kynja æxli og að lokum náð að dreifa sér um blóð- eða sogæðakerfi líkamans.

Sést greinilega ef maður skoðar tíðni krabbameins á móti aldri fólks að krabbamein koma í eldra fólki (frekar) og á endanum eru nær 100% líkur að manneskja fái krabbamein, lifi hún nógu lengi. T.d. ef þú skoðar endaþarm 90 ára karlmanna eru talsvert meiri líkur heldur en ekki að sá maður hafi krabbamein þar eða í blöðruhálskirtli.

Aftur á móti getur verið að ýmis efni í samfélaginu okkar auki tíðni stökkbreytinga og allt það, en maður verður að skoða heildarmyndina, þ.e. aukinn aldur = aukin tíðni krabbameins, betri tæki = aukin greining.

Áður fyrr dó fólk ungt og enginn vissi af hverju, nú vitum við afhverju.

Eitt varðandi bólusetningar. Ef þú ert bólusettur þýðir ekki að þú "getir ekki" smitast af sjúkdómnum, það þýðir bara að líkaminn þinn er þjálfaður til að losa sig við sjúkdóminn. S.s. hann nær ekki fótfestu í líkamanum því ónæmisfrumur líkamans koma sýkingunni fyrir kattarnef áður en hún nær að valda usla.

Ástæðan fyrir að fólk er hrætt við óbólusett fólk er einmitt vegna skerðingu á hjarðarónæmi. En hjarðarónæmi kemur í veg fyrir að sýking geti dreift sér, því að þá eru flestir það vel búnir undir sýkinguna að þeir verða aldrei berar. Þó maður sé bólusettur þýðir ekki að maður sé 100% ónæmur gegn sýkinhunni, ýmislegt annað kemur til og maður getur orðið veikur að sýkingunni fái maður hana inn í líkamann á annað borð, sérstaklega hjá þeim einstaklingum sem eru immuno-compromised, t.d. eldra fólk og börn.

Ástæðan fyrir því að mislingafaraldrar eru að blossa upp er einmitt að aðeins 2/3 þýðisins voru bólusettir og það gefur sýkingunni fóstfestu til ða fjölga sér. Talið er að 90% bólusetningar séu nokkuð gott hjarðónæmi.

Allavega: Í guðanna bænum bólusetjið börnin ykkar með MMR, taugaveiki, stífkrampa, heilahimnubólgu og því. Ég myndi mæla með cervarix því það er bólusetning gegn þeim týpum HPV veirunnar sem eru hvað hættulegastar stúlkum, en hann veldur auknum stökkbreytingum í leghálsi sem eykur líkurnar á leghálskrabbameini talsvert.

Árlegu flensusprauturnar eru allt annað mál og fyrir hvern að velja hvort þeir treysti því. Ég sjálfur fæ þessar sprautur og mun halda því áfram. Aftur á móti; ef einhver árleg flensa verður það skæð í útlöndum og byrjar að valda dauða á stórum skala mæli ég með að allir fái sér bóluefnið gegn henni asap eftir að það verður tilbúið. Ný Hollywood bíómynd Contagion fannst mér góð og gaf að mörgu leyti upp nokkuð raunsæja mynd á ástandið ef ný veira myndi blossa upp sem líkami okkar væri ekki tilbúinn að takast við.

Kveðja Samúel

[Sólrún (IP-tala skráð) 26.11.2011 kl. 12:25]

Birkir hvernig veistu að læknar séu alls ekkert tengdir lyfjafyrirtækjum og pólitík ?Hefurðu verið á "trúnó"með þeim ? eða ertu kannski læknir ? :)

Kartöflu umræðan hér á undan virðist kannski út í hött.En er það þó ekki alveg.Reglugerð svipuð þeirri sem EU hefur sett er búin að vera í gildi í USA nokkur ár og er lengra gengin þar og hefur fólk þar verið sektað fyrir að rækta kryddjurtir á borð við timian og rosemary.Að sjálfsögðu eru þar eftirlitsmenn að störfum.Mér finnst þetta samskonar þvinganir og bólusetninga dæmið

[Magnús Sigurðsson, 26.11.2011 kl. 12:30]

Hér hafa átt sér stað áhugaverðar umræður og þakka ég öllum fyrir þeirra skerf.  Þetta er það skemmtilega við bloggið, hellingur af óhefðbundnum upplýsingu sem ekki fást úr "main stream media".

Sólrún;  rasisminn finnst víða, meir að segja í kartöflugarði út við ysta haf.  Núna er rasisminn meir að búin að smygla sér inn í stjórnarráðið þar sem Kínverja hefur verið meinað um að kaupa 300 ferkílómetra af Íslandi vegna þess að íslensk lög heimila það ekki.  Það er einlæg ósk fasistana að allir séu jafnir og rasistunum verði hegnt grimmilega, þó það kosti að það þurfi að skipta um þjóð í landinu.

Helgi;  þú sem Ástrali er hefur betur að staðfesta fasismann sem fól lætur yfir sig ganga í góðri trú þegar þú upplýsir þetta með bólusetningu og skóla.  Ég er líka sekur um að mín börn eru bólusett án þess að ég verði rétt þeirra til að láta það ógert.  Það má segja mér það til afsökunar að, eins og sumum stjórnmálamanninum, að ég lét þetta óáreitt fyrir eintóman fábjánahátt.  Enda menntaður sem slíkur frá 7 - 16 ára aldurs og það tekur tíma að losna við dáleiðsluna á hvað kerfið er mannvænt.

Eva Dögg;  ég hreinlega dáist af þér.  Veit ekki hvort það er fyrir það að þú ert vel upplýst eða hvort það er vegna þess að þú lætur hjartað ráða.  Allavega ert þú manneskja sem stendur með börnunum þínum, á þann hátt að þau geta þá ráðið því sjálf í farmtíðinni þegar þau hafa þroska til, hverju þau láta sprauta í sig í forvarnarskyni.

Birkir;  ég ráðlegg þér að hlæja frekar en að gráta, það fer betur með heilsuna.  Ég veit ekki hvort ég hef rétt fyrir mér en mig grunar að þú glímir um þessar mundir við það sem svo mörg okkar hafa glímt við, það er menntakerfið sem hefur því miður hvítskrúbbað okkur mörg þannig á milli eyrnanna að við treystum ekki lengur eigin hjarta.  En eitt ætla ég að segja þér, það veit enginn betur en þú hvað þér er fyrir bestu, treystu því sjálfum þér.

Haraldur;  þú ert greinilega maður sem rannsakar málin upp á eigin spýtur og lætur ekki mata þig á upplýsingum.  Það eru nefnilega til fleiri upplýsingar en þær hefðbundnu sem okkur r tjáð að haldi uppi hagkerfinu í velferðarskyni.

Samúel;  þú ert eins talandi viskubrunnur úr háskóla með hjarðónæmið á hreinu og það hvernig krabbamein haga sér.  Ég veit ekki hvort það þýður að bjóða þér að skoða málin út frá fleiri hliðum en ef svo er þá er hérna síða sem gæti verið áhugaverð fyrir grúskara.

http://vactruth.com/2009/07/21/dr-andrew-moulden-interview-what-you-were-never-told-about-vaccines/

[jonasgeir (IP-tala skráð) 26.11.2011 kl. 14:11]

Tad er med oskøpum ad alls stadar tar sem Kratar komast til valda verdur til sjalfsbirgingsleg fyrirhyggjupolitik med fasistakeim.

Aumingja Astralar ad hafa kosid tetta yfir sig.

Tad ma margt gott um bolusetningar segja.  Tad veit eg vel.

En tad er ekki fyrir ekki neitt sem margt hugsandi folk setur spurningamerki aftan vid um notkun teirra.  Tar a medal eg. 

[Haraldur Einar Hannesson, 26.11.2011 kl. 18:59]

Ekkert mál, gjörðu svo vel. Sendi úr símanum í gær, hefur eitthvað klikkað.

 http://www.youtube.com/watch?v=7hITYIT02rA

[Samúel (IP-tala skráð) 27.11.2011 kl. 00:42]

Haraldur, horfði í gegnum eitthvað af þessu, fyrstu 17 mín og spólaði síðan yfir eitthvað af þessu vídjói. Eina sem mér varð vísara við áhorf mitt var að höfundur þessarar myndar hefur ENGA hugmynd um hvernig ónæmiskerfi líkamans virkar, því miður. Síðan talar hann um í margar margar mínútur um lyf sem gera fólk ófrjótt, sem hann tengir við samsæriskenningar um að "ráðandi öfl" séu að reyna koma í veg fyrir að við fjölgum okkur. Þessi ófrjósemislyf eru lyf sem fólk getur tekið til að verða ófrjótt algjörlega ótengt bólusetningum. Hann veit einnig greinilega ekki hvað Antibody (mótefni á ísl.) er það sem B-plasma ónæmisfrumur framleiða í sérhæfðu ónæmissvari, þau hverfa svo fljótlega eftir að Antigen (ónæmisvaldur) er horfinn úr kerfinu, það sem eftir verður eru B-minnisfrumur, sem eru tilbúnar að fjölga sér mjög hratt og breytast í B-plasma frumur ef Antigenið birtist einhverntíman aftur.

Þannig að setja samansem merki við Antigen og Antilife er hann einungis að undirstrika fávisku sína.

[Helgi Armannsson (IP-tala skráð) 27.11.2011 kl. 05:53]

jaejja Samúel finst ter ta ekki bara alt i lagi ad skilda folk til ad fara i bolusetningu

[Magnús Sigurðsson, 27.11.2011 kl. 06:54]

Samúel;  það er hægt að taka undir með þér að þessi mynd er löng og ströng.  Ég hef þó þegar náð að horfa á fyrstu 30 min og þar sem farið er yfir hvernig US pat. eru skráð og skilgreind og eins og gefur að skilja með tilliti til efnis myndarinnar er þar átt við bóluefni og viti menn hún kemur nokkuð heim og saman við það sem áður var vitað.  

En að hafa komist til botns í tveggja og hálf tíma mynd með því að horfa á fyrstu 17 min og hraðspól til þess þarf sérstaka snilligáfu.  En því skal til haga haldið að það ert þú sem veist betur.  Ég er reyndar svolítið farin að efast um að sú vitneskja nái mikið út fyrir meint hjarðónæmi.

Ef þú hefur áhuga á vísbendingum í aðra átt en þegar hefur verið settar við akkeri á milli eyrnanna á þér þá eru hér örstuttir skettsar sem gætu hentað þér og þeim sem ná ekki að halda athygli nema í tæpar 5 mínútur eða svo.

http://www.youtube.com/watch?v=Wm2HLSXxYXQ&feature=related

http://www.youtube.com/watch?v=GgMuNCdPwtQ&feature=relmfu

[Kiddi (IP-tala skráð) 27.11.2011 kl. 18:38]

Heimskan sem er ríkjandi í þessari bloggfærslu er yfirgnæfandi.

Bólusetningar bjarga lífum.

Kalda staðreindin er sú að það er meira ásættanlegt að eitt barn deyji vegna aukaverkana útfrá bólusetningum heldur en að 1000 börn látist vegna fyrirbyggjanlegra sjúkdóma.

[Magnús Sigurðsson, 27.11.2011 kl. 20:18]

Hér leggja allir það til málan sem þeir hafa greind til og ég efast ekki eitt augnablik um að það á ekki síður við um þig Kiddi minn.

[Arnór Baldvinsson, 27.11.2011 kl. 23:21]

Sæll Magnús, 

Hefur þú velt fyrir þér hversu mörgum milljónum mannslífa hefur verið bjargað undanfarin hundrað ár með bólusetningu?  Eftir þinni röksemdafærslu þá skiptir það ekki máli heldur það örlitla brota brot úr prósenti sem hefur þjáðst vegna aukaverkana lyfja.  Jú það eru áhættuþættir vegna aukaverkana, því miður eins og við flest allar lyfjagjafir, en eigum við þá að taka upp þá lifnaðarhætti þegar milljónir dóu árlega úr sullaveiki, mislingum, hlaupabólu, taugaveiki, kúabólu, lömunarveiki, inflúensu, og svo mætti lengi telja? 

Af því að þú nefnir svínaflensu, þá var það langt frá því að vera einhver "umgangspest" þegar hún kom upp.  Í upphafi létust milli 50 og 60% af þeim sem fengu hana, man þetta ekki nákvæmlega, en sem betur fer þá breyttist veiran mjög hratt eftir að hún fór af staði í Mexíkó og varð að tiltölulega vægum flensufaraldri.  Ég vil benda á að árlega látast um 50 þúsund manns hér í Bandaríkjunum úr inflúensu, aðallega börn og gamalt fólk, sem er veilt í lungum.  Ef veiran hefði ekki breyst svona fljótt þá hefðu milljónir látist áður en hægt var að byrja bólusetningar.  Er betra að milljón láti lífið eða lifi við örkuml alla æfi heldur en að 20 manns hljóti sömu örlög?  Fyrir mér þá eiga röksemdir gegn bólusetningum einfaldlega enga tölfræðilega stoð í raunveruleikanum.  En raunveruleikinn er ekki það sem sumt fólk vill sjá, og svo sem ekkert við því að gera.  En 2+2 verða samt alltaf 4.

Kveðja,

[Helgi Armannsson (IP-tala skráð) 28.11.2011 kl. 01:26]

Arnór Baldvinsson  finst ter vera i laegi ad tvinga folk i bolusetningu

[Kristján (IP-tala skráð) 28.11.2011 kl. 04:13]

Gúggliði "how many lives has vaccinations saved" og haldiði svo kjafti. Þeir taka þetta til sín sem eiga það.

[Helgi Armannsson (IP-tala skráð) 28.11.2011 kl. 04:39]

Kristján im going to die nothing is ever going to stop that. The question is am I going to be allowed to live free? Then I would sugest that you take your head and stick it up your ass where it belongs.

Kind Regards

[Magnús Sigurðsson, 28.11.2011 kl. 05:22]

Þú ert eitthvað að misskilja þetta Arnór, ég er að benda á annað en fasisma stjórnvalda til handa lyfjaiðnaðinum í þessu bloggi en ekki góðgerðastarfsemi.  Svo geta allir rifjað það upp sem sem ná að hugsa heila hugsun hvað svinaflensu bólusetningin 2009 gerði fyrir mannkynið.  Annað lagði ég ekki upp með í þessar færslu.  En þakka þér fyrir það er alltaf gott að fá ritgerð um málið.

[Ólafur Björn Ólafsson, 28.11.2011 kl. 12:57]

Um þá bábylju að það sé gott að skikka fólk til að bólusetja dæmir sig sjálft. Þetta er hreynt mannréttindabrot gagnvart foreldrum barnanna. Þetta er dæmi um kratíska-stjórnsemi, hoppaðu segja þeir og þú gerir það.

Hver getur verið 100% viss um hvað bólusetningar hafa bjargað mörgum mannslífum Kristján??? Náttúran sér um sína, með bólusetningum getur þú verið viss um að einhver 10% hafi í raun verið bjargað. 89% af bólusettum hefði kanski fengið væg einkenni eða engin einkenni og 1% dáið af völdum bólusetningar.

það er ykkar að velja hvort þið viljið bólusetningar en ég er búinn að ákveða fyrir mitt leiti. Fólki sem finst að ALLIR egi að vera bólusettir án undantekninga er oft á tíðum fólkið sem vill ekki mannréttindi. Ég vil að við höfum val, ef Jón Jónsson vill láta sprauta sig með skrýtnu lyfi sem framleitt er í skyndi þá hann um það, ég þarf ekkert að fylgja hans fordæmi, sem betur fer mín mannréttindi að fá val.

Ástralir hafa verið að koma með skrýtin lög og reglur varðandi hitt og þetta sem enginn hefur látið sér detta í hug að reyna. Oft hefur Ameríkaninn byrjað og Ástralinn fylgt í kjölfarið. Nú byrjaði Ástralinn og ætli Kaninn komi ekki í kjölfarið? Ef við færum að taka þetta upp líka þá er komið að endalokum lífs á jörðinni sem náttúrulegrar mannveru. Við munum enda sem pilluætur og sprautufíklar í ánauð lyfjarisanna. Fáum sprautur og pillur þegar við fæðumst og pillur og sprautur þegar við erum að deyja og allann tímann þar á milli.

Forræðishyggjan ætlar að tröllríða samfélagi þjóðanna til þess eins að reyna að steypa alla í eitt mót. Við eigum öll að vera eins, hoppa eins, ganga eins, hlæja eins, og deyja eins. Hvar endar þessi vitleysa? Við erum einstök, sem einstaklingar og ef allir væru eins þá væri einfallt að enda líf allra á jörðinni. Það væri nóg að einn hengdi sig, og af því allir væru eins þá færu allir eins að. Það er hið fullkomna þjóðfélag sem stjórnvöld leitast eftir að fá.

Kveðja

[Þröstur (IP-tala skráð) 28.11.2011 kl. 13:05]

Að vitna í Penn and Teller þykir mér móðgun við hinn hugsandi mann - Ég hvet þig til að leita upplýsinga um hvaða fyrirtæki auglýsa þegar þessir þættir eru sýndir í Bandaríkjunum - Og þegar þú sérð það þá áttar þú þig á því fyrir hverja þeir vinna.

Að fólk skuli treysta læknum fram í rauðan dauðann getur verið nákvæmlega sem það fær. Það eru bein tengsl milli lækna og lyfjafyrirtækja. Þetta heldur allta saman í hendur.

Og reynið nú að koma þessari setningu í hausinn á ykkur: " Lyfjafyrirtæki gera ALLT til að græða peninga. " og ekki gleyma því.

Ég trúi því að það sé hægt að lækna krabbamein í dag! EN það er meiri gróði fyrir þessi fyrirtæki að selja fólki rándýr lyf sem í sumum tilfellum lengir líf fólks.

Lyfjafyrirtækin velta 150 billjónum dollara á ári bara af krabbameins tengdum lyfjum.. Og nei fólk... þessir aðilar er skítsama hvort þú deyrð eða ekki... Staðreynd. Sættu þig við það og taktu ákvaðanir í framhaldinu útfrá þessari staðhæfingu.

[Haraldur Einar Hannesson, 28.11.2011 kl. 14:34]

En Arnór, manstu ekki eftir yfilýsingunni sem mexíkoski þingmaðurinn sagði? sama dag og hann lét af störfum? Man ekki nafnið..

Hann sagði að mistök vorum á greiningu fólksins sem dó sem/og var talið að það hafi farið vegna svínaflensunar. Talan var í eitthvað um og yfir 700 manns. Flestir voru ekki með svínaflensuna, ekki nema 7 manns voru með hana af þessum 700 manns!! Þú veist, sem er staðreynd, að glax smith&cline lyfjafyritækið var tekuð í yfirheyrslu vegna hræðsluáróðurs sem það bjó til með svínaflensunni. Þú veist að gamla fuglaflensulyfið var notað, með smá breytingum, til að búa til svínafl. bólulyfið. Það átti ekki nema 1 ár eftir þar til það rann út, urðu að koma því út þvi hellingur af þjóðum sátu uppi með lyfið því fuglaflensan flaug í burtu. Svínafl. Var 2 milljarða$ buisness fyrir framleiðendur. þetta er búið að margræða í fjölmiðlum, er var margrætt réttara sagt.

Það dóu yfir átta þúsund manns af þessari flensu, þegar árlega deyja., t.d með þínum tölum, 50 þus. árlega í US. CDC gáfu út að þetta var ein vægasta flensa sem gengið hefur um jörðina.

Það hafa engar haldbærar sannanir komið út að bólusetningar virka, ekki nema frá hagsmunaaðilum. Haugur af óháðum aðilum innan heilbrigðisgeirans hafa gefið út persónulega rannsóknir sem sína annað. Yfirleitt þeir sem fara eru með eitthvað undiliggjandi sem orsakar þennan skaða. Því markaðurinn hefur ekki lausnir á því sem það skapar, heldur bætir á vandann með sömu úrlausnum.

Af hverju þarf alltaf að blóta og fara í vörn þegar er verið að ræða þetta, af hverju er alltað skoðuð önnur hlið málsins og afstaða tekin út frá því, það er ekki mjög málefnalegt. Þúsundir lækna um allan heim eru farnir að setja ? á þetta allt samann vegna þeirra aukningu sem hefur orðið í hvers kyns sjúkdómum. Sem er að sjálfsögðu okkur til góðs, þar er verið að leyta af orsökum vandamálsins. Þú getur ekki verið með einhver áróður gegn bólusetningum, hagnast enginn á því. Það er engöngu gert fyrir okkar öryggi. Iðnaðurinn selur á hræðslu okkar, er þá þeim treystandi sem eru að gæta hagsmuna hluthafa?. Skil ekki hvernig sumir sjá þetta ekki, þetta er ekkert öðruvísi en öll þessi vitleysa sem er að gerast á fjármálamörkuðum. "sönn vísindi" eru að verða sterkari og sterkari vegna slæms gengis hinna vísindanna.. því ekkert breytist, versnar bara! Fólkið er farið að sjá í gegnum þetta eins og margt annað, sem er náttúrulega partur af okkar vakningu.

Mæli með því að þú skoðir málið frá báðum hliðum á gagnrýnan hátt, þá líka gagnrýnin í þína trú, taktu svo ákvörðun frá hjartanu. Síðan er hægt að ræða þetta eitthvað málefnanlegra. Annars er alltaf strandað. Þú veist að Ameríska heilbrigðiskerfið skilar 25% hagnaði árlega, fleiri sem verða veikir því meiri hagnaður hluthafa er. Sama beinagrind og fangelsismálin, því fleiri fangar því meiri hagnaður!

En þetta er vandamálið sem við lifum í, peningamaskína er við völd og erfitt er að vita allan sannleikann frá þessu uppl. flæði á netinu.

Samúel

Þetta er lýsandi hvernig þú fórst að þessu videoi, hverni sumir skoðar hlutina. Greinilega lænanemi eða álíka nám. 17 min af myndbandinu segir lítið..! Þú talar um fáfræði hans, sem er skrýtið því hvað veit læknirinn um líkamann? 2% af okkar dna stjórnar okkar ferli í starsemi líkamann, ekki rétt? En vestrænar lækningar vita einungis 10% af því. Sem er þá 0.2%. Hægt að finna þessar tölur einhverstaðar ef þú ert ekki viss. Líkaminn er eins og vél og horft er á hann þannig, tvær mólekúlur skella samann og við getur hreyft okkur... Langar að hlæja adeins af því en ég vill ekki móðga þinn sannleika. Við gætum aldrei gert það sem við gerum ef það væri þannig! Hraðasta taugaboð sem mælst hefur er 200 mílna hraði og hægasta 2 mílna hraði, sem er talið að sé sársauki okkar. Hvernig getur balletdansmær dansað eins og hun gerir ef ferlið er svona?? Engin lógík þar, því miður! Skoðaðu Biophotons!

Við vitum allt um frumu sem hægt er að vita, enda eru liðin meir en 100 ár síðan það hefur verið skoðað, en af hverju.. vita fáir. Verðum að fara hugsa dýpra og hætta þessari vitleysu.

Finndu nýjustu rannsóknir sem skammtafræðingar og eðlisfræðingar hafa verið að gera og uppgvötanir þeirra. Rússar og þjóðverjar aðalega, þeir eru fremstir í þessum rannsóknum. Þá sérðu nýja sýn á líkamann og verður kannski með aðeins meira innsæi á því sem skiptir máli.

Meigum ekki gleyma okkur í einstefnunni, það er ekki bara eitthvað eitt rétt.. allt er eitthvað rétt, enda erum við misjöfn.

[Ragnar (IP-tala skráð) 28.11.2011 kl. 15:02]

það er nú bara orðið þannig í dag að ef þú hefur kynnt þér eithvað um stóru lyfjafyrirtækin og treistir þeim enþá, þá ertu ekki í lagi. punktur

[Haraldur Einar Hannesson, 29.11.2011 kl. 00:32]

Það er ein mynd til sem heitir The Living Matrix, held að það sé hægt að sjá hana á youtube. Þeir sem eru í vafa verða gefa myndinni meira en 17 mín :) Þetta er merkileg mynd með athyglisverðar uppgvötanir.

[Kári (IP-tala skráð) 2.12.2011 kl. 11:23]

"jaejja Samúel finst ter ta ekki bara alt i lagi ad skilda folk til ad fara i bolusetningu"

Veistu, miðað við hvernig umræðan er, og hvernig þetta fólk lætur og hugsar sem er á móti bólusetningum, er það að koma á það stig að það þarf að fara að skylda foreldra til að taka börnin sín í bólusetningu. Þetta er á mörkum þess að vera ofbeldi gagnvart börnunum, þetta er ekkert annað en skortur foreldranna á visku og þekkingu ásamt ótta við það sem þau þekkja ekki, ótti sem hefur verið blásin upp úr öllu valdi af hreyfingum og samfélögum sem hlusta ekki á nokkuð skapað orð gegn sér.

Hérna er það ekki spurning um það hvort að ríkið eða einhverjir hátt settir menn þykjast vita hvað er okkur fyrir bestu, hérna er það einfaldlega á svörtu og hvítu hvað er okkur öllum fyrir bestu, og andstæðingar þess hafa, þrátt fyrir að öll rök þeirra fyrir sinni hlið hafi verið gjörsamlega jörðuð síendurtekið, haldið sinni skoðunar til streytu í áraraðir, og finna bara eitthvað nýtt í hvert skipti til að veifa sem fána sínum. Þetta er komið langt út fyrir öll rök og umræðu. Og börn þeirra og samfélag okkar eru að gjalda fyrir tregðu þeirra.