Söguleg svik?

Samkvæmt þessu verður ekki annað skilið en að heimilin eigi að fjármagna skuldalækkun sína sjálf í gegnum skattkerfið af öðrum kosti verður engin höfuðstólsleiðrétting. Vandséð verður hvernig t.d. höfuðstóll lána þeirra lækkar sem hafa farið erlendis til tekjuöflunar til að standa skil á skuldum sínum á Íslandi en greiða skatta í því landi sem þeir starfa. Eins er það vandséð hvernig ríkið getur orðið af skatttekjum skuldugra heimila án þess að hækka almenna skatta á móti.

Í stað þess að ganga í það verk að skila því þýfi sem bankar og sjóðir hafa haft af heimilum í gegnum verðtrygginguna, á sambærilegan hátt og dómstólar kváðu á um varðandi gengisbundin lán, viðist eiga að láta verðtryggingar ránsfenginn vera óskertan hjá fjármálastofnunum. En láta íslenska skattgreiðendur fjármagna það sem upp á vantar að íslensk heimili geti greitt til fjármálastofnana.

Ef þetta verður raunin þá eru þetta ekki einungis svik við kjósendur Framsóknarflokksins, þetta eru svik við þjóðina í þágu fjármagnseigenda.

Skuldalækkun með skattabreytingum

Athugasemdir

[corvus corax, 23.11.2013 kl. 21:45]

Það stóð aldrei til að leiðrétta neitt. Þetta eru sömu lygarnar og skjaldborgarblekking Jóhönnu Sig og Steingríms Joð, bara önnur útgáfa. Og þjóðin mun láta bjóða sér þetta eins og allan annan óþverra sem ríkisstjórnir geta látið sér detta í hug að láta ganga yfir fólk.

[Magnús Sigurðsson, 23.11.2013 kl. 21:51]

corvus corax; Þetta lítur að því leitinu ver út en 110% ruglið að þarna virðist eiga að láta skattgreiðendur um að fjármagna forsemdubrestinn.

[E (IP-tala skráð) 23.11.2013 kl. 23:08]

Það er misskilningur að Steingrímur og Jóhanna hafi ekki reynt. Hinsvegar gerðu ræningjarnar með tilstyrk íhaldsflokkanna þeim það ómögulegt með lagaflækjum og hreinum ofsóknum. Mestu mistök sem íslenskir kjósendur hafa nokkurntíma gert voru að veita þessu tveimur afbrigðum af sama flokknum brautargengi til að ná meirihluta á þingi. Við verðum lengi að vinna okkur til baka úr því feni, ef það tekst nokkurn tíma, því ef þeir fá að halda áfram eins og þeir stefna að í dag, þá verður búið að koma þeim litlu verðmætum og auðlindum sem ekki er þegar búið að stela af þjóðinni, fyrir kattarnef og þá eigum við einskis úrkosta annars en forða okkur til Noregs og skilja allt eftir hér.

[Magnús Sigurðsson, 24.11.2013 kl. 00:17]

E;ekki dettur mér í hug að mæra helferðarhyskið og lái það engum að hafa kosið framsókn eftir þá óskapa stjórn. En fram hjá því verður ekki litið sð millifærslur í skattkerfinu eru ekki almennar leiðréttingar á forsemdubrest. Hvað þá að þær séu viðleitni í að láta þjófa skila þýfi.

Auk þess sem ég gat um í færslunni hér að ofan er vandséð hvernig afsláttur á sköttum á að leiðrétta höfuðstól lána hjá þeim sem greiða ekki skatta sem geta verið ímsar ástæður fyrir s.s. lág laun, ellilífeirisþegar, atvinnuleysi, námsfólk ofl. ofl..

Það hefur alltaf verið til fólk á Íslandi sem hefur staðið skil á lánum sínum þó svo að það sé ekki skattgreiðendur, af ímsum ástæðum. Framsóknarflokkurinn átti þá bara að segja það í sinni kosningabaráttu að hann ætlaði að lækka höfuðstól lána hjá þeim sem væru virkir á vinnumarkaði og með tekjur í meðallagi og þar yfir en það flokkast tæplega undir almennar aðgerðir.

[Minni (IP-tala skráð) 24.11.2013 kl. 09:34]

Andúð ykkar er mikil. Andið með nefinu og passið blóðþrýstinginn og hinkrið þar til þið sjáið alla útfærsluna