Sérkennilegasta aðgerð Íslandssögunnar.

Skuldlækkunar áform ríkisstjórnarinnar verða með þeim hætti að hver og einn lántaki þarf að sækja um skuldaniðurfellingu. Það sem fyrir kosningar var boðað sem almennar aðgerðir eru þar með orðnar sértækar.

Nú á eftir að koma í ljós hvort niðurfellingin verður skilyrt þannig að lántakendur afsali sér rétti ef og þegar kemur til þess að verðtryggingin neytendalána verður dæmd ólögleg. Því ljóst er að þessi leiðrétting nær aðeins til hluta þeirra skulda sem keyrðar hafa verið upp með verðtryggingu.

Eins er það nokkuð ljóst að á meðan verðtrygging er ekki afnumin mun hún éta upp þessa leiðréttingu á skömmum tíma. Þetta er því af sama meiði og 110% hundakúnstirnar nem að þetta nær til fleiri lántakenda.

Það er sérkennilegt að ríkisstjórnin beiti sér ekki fyrir því að fá efnislega niðurstöðu fyrir dómstólum hvort verðtryggingin sé lögleg.

Dæmigert lán lækkar um 20%

Athugasemdir

[Örn Johnson, 26.3.2014 kl. 22:57]

Magnús, það skilja allir að þú og þínir séu brjálaðir vegna efnda þessa kosningalogorðs þessarar ríkisstjórnar. Svo segir þú: verðtryggingin mun éta upp þessa leiðréttingu á skömmum tíma. Einfaldlega rangt hjá þér, kynntu þér málið betur.

[Magnús Sigurðsson, 27.3.2014 kl. 06:15]

Örm, getur verið að það örli á fordómum?

Ef þú kynntir þér, þó væri ekki nema örlítið, það sem sett hefur verið á þessa síðu í gegnum tíðina þá kæmist þú að hverju "þú og þínir" standa fyrir.

En ekki ætli ég að ráðleggja þér að fara út í það grúsk, heldur ráðlegg ég þér að kynna þér skuldalækkunaráform ríkisstjórnarinnar á þess gefa þér fyrirfram með hvaða liði þú heldur.

[stebbi (IP-tala skráð) 27.3.2014 kl. 09:55]

Hvernig færðu eiginlega út að almenn aðgerð breytist í sértæka við það eitt að menn þurfi að sækja um aðgerðina?

[Magnús Sigurðsson, 27.3.2014 kl. 18:20]

Stebbi þetta er kannski spurning um mismunandi málskilning. Minn skilningur er sá að almenn leiðrétting vertryggingðra húsnæðislána kæmi flöt á öll verðtryggð lán, punktur.

Í þeim tilgangi var samþykkt frávik frá persónuvernd með lögum á alþingi sem veittu Hagstofunni umboð til að skoða alla verðtryggða lánasamninga.

Síðan kemur í ljós að þetta er alls ekki framkvæmt með almennum hætti, heldur verður hver og einn lántaki að sækja um niðurfellingu þar sem farið verður ofan í hans mál. Þetta er í raun sama aðferðafræði og 110% hörmungin nema nú geta allir sótt um og fengið nema þeir sem fengu 110%, viðbótar vaxtabætur osfv.

Einnig eru einungis um 13% leiðréttingu að ræða, 7% geta þeir sem eiga séreignasparnað notað til að borga niður lánin í skiptum fyrir skattaafslátt. Þeir sem þegar hafa nýtt séreigna sparnað til að greiða niður skuldir, sem vafalaust eru margir frá hruni, fá ekki skattaafslátt.

Þetta eru í mínum huga sértækar aðgerðir, almenn aðgerð hefði einfaldlega komið flöt á öll verðtryggð húsnæðislán burt séð frá þeim sértækum aðgerðum sem áður hafa komið til framkvæmda.

[Sjáandinn (IP-tala skráð) 27.3.2014 kl. 21:13]

Sértækar, nákvæmlega á sama hátt og Steingrímur Joð og frau Johanna.

Bjarni Ben. og Sigmundur eru á fullu gasi á leið til Frankfurtar,

að skipan Deutsche Bank og þaðan beinustu leið til Bruxelles,

enda flýtir Gunnar Bragi sér nú við að innleiða reglugerðafargan EES/ESB.

Kominn tími til að menn vakni og horfist í augu við viðurstyggð plútókratanna,

Bjarna Ben. og Sigmundar.

[Pétur Örn Björnsson (IP-tala skráð) 27.3.2014 kl. 21:17]

Ég segi það eitt, að það er gott til þess að vita að Lion King af Skaganum, Vilhjálmur Birgisson er nú orðinn mjög efins um allar gerðir þessarar ríkisstjórnar.

[Magnús Sigurðsson, 27.3.2014 kl. 22:10]

Þegar aðgerðir eru sértækar er full ástæða til að efast að hætti Lion King. Það kemur engin til með að vita hvað þessar tillögur koma til með að skila mikilli skuldaleiðréttingu fyrr en í firsta lagi eftir hálft ár og þá eiga lánþegar eftir að bera sig saman til að vita hvort þeir voru svo óheppnir að bera ekki það úr bítum sem þeir reiknuðu með af sértæku ástæðum. Tilgangurinn helgar meðalið rétt eins EES/ESB reglugerðarfargan plútókratanna.