Ekki er kálið sopið þó,,,

Þessi EFTA dómur tekur á því að formsatriði var ekki fullnægt. Dómurinn tekur ekki á þeirri skipulegu glæpastarfsemi sem ríki og bankar hafa viðhaft gegn íslenskum heimilum um áratuga skeið. Enda er því sem næst ómögulegt að skíra það út fyrir þeim sem ekki hafa reynt á eigin skinni hvernig verðtryggð húsnæðislán eru útfærð

Á kaffistofuspjalli um daginn kom fram hjá harðduglegum pólskum kunningj mínum að hann skildi ekki hvers vegna ég talaði um skipulega glæpastarfsemi ríkis og banka vegna verðtryggingar. Honum sýndist ekki betur en að það væri sanngjarnt að greiða viðráðanlegar afborganir af húsnæði þar sem væri óþrjótandi vinnu að hafa.

Hann tiltók sérstaklega að þegar hann kom allslaus til Íslands fyrir 8 árum síðan hefði hann fengið stjörnur í augun yfir ríkidæmi íslendinaga sem hann hefði ekki með nokkru móti getað skilið á þeim tíma. Hann hefði hringt í pappa sinn heima í Pólandi og sagt honum að jafnvel pípari gæti átt Lancrusier við húsið sitt á Íslandi.

Eftir hrunið 2008 skildi hann þetta allt saman betur, íslendigar höfðu tekið lán fyrir herlegheitunum því væri ógæfan þeim sjálfum að kenna. Þegar hér var komið við sögu spurði einn íslenskur vinnufélagi á kaffistofuni; hvað átt þú marga bíla í dag? Með bros út að eyrum var svarði hanna þrjá, tvo á Íslandi og einn í Pólandi. Hvað átt þú margar íbúðir í dag spurði ég - með bros út að eyrum svaraði hann tvær eina á Íslandi og eina í Pólandi. Já veistu út af hverju þú átt svona mikið núna sagði ég -hvað meinarðu sagði hann – ég svaraði; við búum í ríkasta landi í heimi.

Þetta var ekki í fyrsta sinn sem svona umræður dúkka upp á kaffistofunni, þessi pólski kunningi minn hafði áður upplýst að landar hans væru að kaupa íbúðir á mjög sanngjörnu verði, jafnvel hálfvirði ef miðað væri við það hvað skuldin hefði verið á íbúðinni þegar fyrri fjölskyld var borin út, það eina sem þyrfti að passa sig á í þessu sambandi væri að kaupa íbúðirnar af bönkunum en ekki af fólkinu sem væri búnir að skuldsetja þær til helvítis.

Þetta geta íslendigar einnig gert sem ekki hafa flækt sig í verðtryggingavefnum, og bankar sverma fyrir þeim sem búa erlendis að taka þar ódýr lán til að húsnæðiskaupa á Íslandi í gegnum fjárfestinga leið Sðlabankans. Pólski vinur minn telur því verðtrygginguna vera ágæta þó svo hún sé ekki fyrir alla. Ég reyni koma fyrir hann vitinu með því að segja að hann hafi ekki aldur og þroska til að skilja dásemdir verðtryggingarinnar. Knnski átti hann sig á henni á sextugsaldri þegar hann verði búin að borga húsið í fjórða sinn og bankinn tilkynnir honum að nú þurfi hann af óviðráðanlegum orsökum að borga það fjórum sinnum í viðbót eða koma sér út með sitt hafur task.

Annars er reyndar best að taka Axelinn á þetta því þar er þetta útskýrt málalengingalaust.

„Fullnaðarsigur íslenskra neytenda“

Athugasemdir

[Guðmundur Ásgeirsson, 24.11.2014 kl. 12:50]

Já dómurinn fjallaði um formsatriði, en það er einmitt á þessu formsatriði sem svikamyllan er líklegust til að falla.

Manstu eftir Al Capone? Hann var aldrei dæmdur fyrir brugg eða smygl, heldur náðu honum fyrir skattsvik, þar sem hann hafði vanrækt að gefa hagnaðinn af glæpastarfsemi sinni upp til skatts.

[Magnús Sigurðsson, 24.11.2014 kl. 17:28]

Við skulum vona að svikamyllan falli í framhaldinu af þessum dómi en glæpasamtökin taki ekki upp á því að tegja lopan t.d. með því að segja að hann gildi ekki vegna yfirtekinn verðtryggðra lána sem tekin voru fyrir gildistöku formsatriðsins vegna húsnæðiskaupa eftir 2001 o,s.f.v.. Þessi dómur vekur upp margar spurningar þegar sanngirnissjónarmið eru annarsvegar. Ég á eftir að sjá að þessi mafía sýni sanngirni.

[valli (IP-tala skráð) 25.11.2014 kl. 11:06]

Á ekki bara að gefa því fólki sem skuldaði sem mest þetta bara allt eftir væru þá ekki bara allir glaðir, við erum með fáranlinga að vinna í þessum helvítis bönkum sem að geta varla gefið barni sparibökk án þess að klúðra því, ég held að það þurfi alvarlega að grandskoða hvað var og hvað er að gerast í þessu bankakerfi plús það að það á að banna þeim að halda að sér þúsundum fasteigna það á bara að leifa markaðnum að ráða ferðinni, það er helvíti hart að láta bankastofnari standa í vegi fyrir mönnum hvort sem þeir vilji eiga stóra fjölskyldu eða eignast meira en þeir eiga, það er ótrúlegt hvað þetta bankapakk hefur haft áhrif, nú er ég ágætlega stæður en ég hef þurft að virkilega vinna fyrir mínu, litlar skuldir afhverju í andskotanum að vinna eins og brjálæðingur ef að þeir sem skulda sem mest og eiga sem minnst virðast fá þetta bara endurgreitt afþví að einhver fífl niður í banka vita ekki hvernig á a vinna vinnuna sína

[Magnús Sigurðsson, 25.11.2014 kl. 17:40]

Valli, þetta sem þú lýsir er hægt að gera með því að hafa hlutina það flókna að þá skilur helst ekki nokkur maður. Því er gáfulegast að afnema verðtrygginguna og þá blasa við að húsnæðislán eru veitt á u.þ.b. dráttarvöxtum.