Verðtryggingar glæpóið.

„Íbúðin var keypt á heila milljón“

Athugasemdir

[Benedikt V. Warén, 2.5.2015 kl. 17:16]

Eitt skil ég alls ekki.  

Hvernig er hægt að stunda slíka lánastarfsemi á Íslandi, áratugum saman og komast upp með það.

Af hverju er ekki sent erindi til EFTA dómstólsins?  Minni mál hafa verið afgreidd þar, - að mig minnir.

Kveðja

[Jónatan Karlsson, 2.5.2015 kl. 17:24]

Ef efni þessaa myndbands er sannleikanum samkvæmt, þá er því miður aðeins eitt til ráða:

"Byltingu, höggstokk, gálga og gapastokk við Stjórnarráðið"

[Magnús Sigurðsson, 2.5.2015 kl. 17:40]

Ég sel þetta myndband ekki dýrara en ég keypti það. En ég hef ekki trú á öðru en Axel hafi setið við reiknivélar lánastofnanna þegar hann gerði myndbandið. Takið eftir að vextir og verðbætur á verðtryggðu íbúðasjóðsláni eru ærri en dráttarvextir.

Það var ekki fyrr en 2013 að mig minnir sem lánastofnanir voru skyldaðar með lögum frá alþingi að sýna fram á allan kostnað við lántökur þ.m.t. verðbætur. Fram að þeim tíma litu verðtryggð lán eðlilega út og virtust viðráðanleg, jafnvel 20 milljóna lán.

Spurningar um lögmæti verðtryggingar hafa verið sendar til EFTA af héraðsdómi og af Verkalýðsfélagi Akraness. Héraðsdómur gætti þess að spyrja þannig að ekki gæti komið annað svar en verðtryggingin væri lögleg svo framarlega sem hún væri rétt útfærð. Verkalýðsfélagið spurði um útfærsluna og fékk svarið að hún stæðist ekki tilskipanir sem Ísland hafði undirgengist árið 2001.

Héraðsdómur hefur dæmt í málinu sem liggur fyrir og telur að íslenskir lántakar eigi að vera það vel kunnugir því hvað verðtrygging þýðir eð ekki sé ástæða til að dæma samkvæmt lögum. Málið er nú komið fyrir hæstarétt, ef ég fer rétt með.

[Sindri Karl Sigurðsson, 2.5.2015 kl. 18:11]

Ég reiknaði þetta út einhverntíma og 5% vextir og 4% verðbólga kom út á pari við yfirdráttarlán í banka á þeim tíma. Það er ekki hægt að leggja saman prósenturnar til að fá út vaxtastigið. Verðtryggð lán eru veldislán, ekki prósentulán.

[Már Elíson, 2.5.2015 kl. 20:03]

Sindri Karl - Ertu með útskýringu á efni myndbandsins ? 

[Eggert Sigurbergsson, 2.5.2015 kl. 20:36]

Þegar menn reikna bara öðrumegin við jafnaðarmerkið þá er ekki nema von að menn fái fyrir hjartað.

Það sem gleymist er að laun hafa hækkað um 1,4% umfram verðbólgu árlega síðustu 26 ár og eins að íbúðaverð hefur hækkað um 7% árlega að jafnaði síðustu 20 árin.

Dæmi:

Íbúð kostar 24.000.000kr.

Tekið lán að fjárhæð 24.000.000 kr.

Laun eru 300.000 kr. á mánuði.

Afborgun fyrstu greiðslu sem hlutfall af launum er 35%

Eftir 40 ár:

Íbúð kostar 359.000.000 kr.

Búið að greiða samtals af láni (afborgun, vextir og verðbætur) 185.000.000 kr.

Mánaðarlaun 4.840.000 kr.

Afborgun síðustu greiðslu sem hlutfall af launum er 20%.

Það sem aftur á móti er hægt að hafa áhyggjur af er þessi stöðuga umfram eignamyndun í húsnæði sem er líklega ekki sjálfbær til framtíðar.

Hvernig sem við reiknum þá eru íbúðarkaup langtímafjárfesting og verður því að skoða alla myndina en ekki bara helminginn.

[Magnús Sigurðsson, 2.5.2015 kl. 21:49]

Þú vilt meina fólkið sem fréttin greinir frá, og er ekkert einsdæmi, hafi bara verið vitlausu megin við jafnaðarmerkið Loki minn?

Það er þá ekki nema vona að veröldin sé eins og hún er spunameistari.

[Fannar (IP-tala skráð) 2.5.2015 kl. 22:25]

Magnús einstaklingar með grunnskólaþekkingu í reikning geta staðfest það sem Loki er að skrifa enda mjög góð framsetning og nákvæmlega það sem fólk vantar að vita áður en það kaupir of dýrar fasteignir. En það var því miður oft þannig fyrir hrun að einstaklingar keyptu eignir sem voru of dýrar miðað við greiðslugetu, sem er reyndar að gerast enn þegar fólk getur tekið 90% lán, en þá eru allar líkurnar á því að það lendir vitlausu megin við jafnarðarmerkið

[Magnús Sigurðsson, 2.5.2015 kl. 22:35]

Fannar, þetta reikningsdæmi hans Loka eru hundakúnstir sem ganga ekki upp í praxis, spurðu fólkið sem hefur tekið lán fyrir 80% af húsnæði sínu síðasta áratuginn.

Enda eru fáviskufabrikkur ríkisins einungis notaðar til að kenna sakleysingjum talnalega hundalógík sem sýnir fram á lygilega hagfræði. 

[Sigurður Geirsson (IP-tala skráð) 4.5.2015 kl. 15:06]

Fannar ekki fullyrða fyrr en þú hefur skoðað málið. Dæmið hans Loka gengur upp nema fyrir þá sem keyptu 2005 - 2008. Allir sem keyptu fyrir þann tíma eða eftir, eru með greiðslubyrði sem er lægra hlutfall af launum en þegar þeir keyptu og áhvílandi lán er líka orðið lægra hlutfall af heildarverði íbúðarinnar. Og þá er reiknað með því að viðkomandi hafi haldið launum sem eru í takt við breytingar á launavísitölunni og að íbúðin hafi fylgt meðalvísitölu íbúðarverðs fyrir tíman frá því að viðkomandi íbúð var keypt og fram að deginum í dag.

Svo eru hins vegar þeir sem lentu í áföllum. Þeir eru hins vegar margir hvergir í slæmri stöðu. Og því miður hefur alls ekki tekist sem skyldi að hjálpa þeim úr þeim vanda.

[Sigurður Geirsson (IP-tala skráð) 4.5.2015 kl. 15:23]

Síðast innlegg mitt átti auðvitað að vera til hans Magnúnar ekki Fannars.

En til viðbótar Magnús, hvernig heldur þú að vextirnir hefðu verið ef bara hefðu verið óverðtryggð lán. Staðreyndin er nefnilega sú að engin lánveitandi vill lána út 1.000 til að fá 995 til baka eftir eitt ár. Það þýðir að allir lánveitendur skoða verðbólguspá fram í tímann þegar þeir ákveða vextir, síðan ofan á þá spá vilja þeir fá aðeins vexti umfram verðbólguna og svo gera þeir ráð fyrir ákveðnu áhættuálagi, þ.e. álag sem á að mæta því að þeir hafi áætlað verðbólguna rangt. Vextir þessara lána hafa því skv. sögulegum gögnum verið hærri en það sem verðtryggðu lánin eru að kosta. Og þá vextir þarf alla að borga strax sem þýðir það að greiðslbyrði óverðtryggðra lána er hærri en verðtryggðra.

Að vísu búum við við hærra vaxtastig en nágrannarnir okkar (að vísu ekki í dag af innlánum, enda er efnahagsástandið óeðlilegt þar sem við búum við gjaldeyrishöft, sem þýðir að hellingur af peningum komast ekki úr landi til eigenda sinna þar eins og alþjóð veit), en þetta háa vaxtarstig er m.a. komið til af því að íslendingar hafa ekki verið nægjanlega duglegir við að safna sér fyrir því sem þá langar til og eru mjög lántökuglaðir. Þess vegna er það með peninga eins og annað sem mikil eftirpurn er eftir að þeir eru dýrir.

[Magnús Sigurðsson, 4.5.2015 kl. 16:34]

Sigurður, dæmið hans Loka er hundalógík hönnuð af varðhundum verðtryggingarinnar. Þetta er dæmi sem fáviskufabrikkur ríkisins hafa markvisst verið notaðar til afvegaleiða sakleysingja, svo þeir trúi svona kúnstum.

Verðtryggingin er ánauð svipuð  og vistarbandið var áður sem var í raun þrælahald. Það er hægt að fá hvaða útkomu sem menn vilja þegar afvegaleiða á fólk með talnakúnstum en það breytir ekki því að þær ganga ekki upp í praxís og um það snýst þessi frétt.

Ef þér dettur raunverulega í hug að aðstæður þessarar fjölskyldu séu einstakar og megi einungis rekja til áranna 2005-2008 þá ertu annaðhvort strútur eða fábjáni. Það eru þúsundir fjölskyldna sem hafa lent illa út úr svikamillu verðtryggingarinnar síðan þessi sérhannað þrælavísitala var gerð lögleg á Íslandi. 

Varðandi vaxtafabúleringuna þína þá rekur hvað sig á annars horn. Ef það er svona mikið af raunverulegum peningum sem ekki komast úr landi þá ættu vextir að vera láir, ekki bara af innlánum, útlánsvextir ættu líka að vera láir, en þeir eru sennilega með þeim hæðstu sem þekkjast á byggðu bóli.

[Magnús Sigurðsson, 4.5.2015 kl. 18:11]

Ég skora á alla að kinna sér videoið hér að ofan, þar sem reiknivélar Íbúðalánasjóðs og Landsbankans sýnir heildarkostnað við verðtryggt lán. Það þarf ekki að horfa nema í nokkrar mínútur til að átta sig á við hverskonar hundakúnstir er við að eiga.

[Margrét (IP-tala skráð) 4.5.2015 kl. 21:25]

Verðtryggð lán eru glæpalán. Nú flytja hjón til Noregs og fara í bankann í noregi og fá sér greiðsluþjónustu til að sjá um að greiða af íbúðalánasjóðsláni á íslandi. Eftir nokkr mánuði er þjónustufulltrúi þeirra búin að kalla þau inn til bankans og segja að það sé eitthvað svakalega rangt í gangi með þetta lán þeirra á Íslandi. Hjóninn fara að REYNA að útskýra fyrir þeim í bankanum hvernig þetta virkar. Þar er ekki nokkur maður sem skylur þetta svo á endanum býður bankinn þeim lán hjá sér til að borga upp íslenska lánið. Þau fá alla pappíra sem segja þeim hve afborguninn sé + vextir og líka hvenær þau verða búin að greiða upp þetta lán. Það eru bara græðgisgoggar á íslandi sem lofsama þessi lán en hvergi nokkurstaðar í hinum vestræna heimi eru veitt svona lán því þau eru glæpsamleg.