Hús fortíðarinnar kostuðu ekki krónu

Sem betur fer koma stöðugt fram hugmyndir um ódýrara húsaskjól. Oftast koma þeir með athyglisverðustu hugmyndirnar sem tilheyra ekki byggingabransanum. Svo virðist vera í því tilfelli, þar sem helstir virðast vera tilnefndir athafnamaður í plastbátaframleiðslu og viðskiptalærður ölgerðarforstjóri sem vakti athygli á sér fyrir skemmstu með því að benda Færeyingum á að ekki mættu þeir nota nafnið Gull lengur yfir Færeyjabjórinn sinn sem þeir seldu á Íslandi, vegna reglna um skrásett vörumerki, þó svo að Færeyjabjórinn hefði mun lengur gengið undir nafninu Gull á Íslandi en gullið frá Ölgerðinni.

Ástæðan fyrir því að hús kosta ekki lengur krónu eins og var með torfbæina í denn er óhóflegt reglugerðarfargan. Þetta getur hver sem er sannreynt með því að fara út í móa og gera tilraun til að byggja sér þak yfir höfuðið. Þó svo að hann steypti það upp úr viðurkenndri steinsteypu í staðlaðri vörugámastærð er líklegast að það yrði brotið niður af yfirvöldum áður en hann lyki verkinu. Meiri líkur eru á að sá sem reyndi að sniðganga byggingareglugerðirnar kæmist upp með að búa í vörugámi sem plantað væri niður úti í móum, jafnvel í nokkur ár. En yrði samt að gera sér að góðu bréfaskriftir frá yfirvöld þar sem farið væri fram á að umræddur gámur yrði fjarlægður og stöðugjalds krafist þangað til.

Sennilega er afturhvarf til fyrri tíma í við húsbyggingar hagstæðast fyrir allan almenning hvað kostnað varðar því allar líkur eru á því að fólki yrði ekki skotaskuld úr því að byggja sér hús fyrir ekki svo mikið sem krónu. Ef fólk efast eitthvað um að svo megi vera þá ættu það að kynna sér videoið hér að neðan þar sem aðeins þurfti að greiða þorpshöfðingjanum tvær hænur fyrir byggingaleyfið. Allavega mætti segja að á Íslandi sætu allir við sama borð, hvað kostnað við reglugerðafarganið varðar, ef þeim yrði ekki gert að greiða ráðherra húsnæðismála nema tvær hænur fyrir byggingaleyfið en hefðu síðan frjálsar hendur að öðru leiti og hugmyndafluginu væri um leið leift að njóta sín.

 

Hús framtíðarinnar úr plasti?

Athugasemdir

[Linda (IP-tala skráð) 14.11.2015 kl. 17:04]

Adobe hús og Hemp hús, hemp verður sterkari enn steypa þegar því er blandað við lime. Engin ástæða að skoða ekki nýja og ódýra möguleika.  Íslendingar þurfa ekki að fara aftur í torfbæina en hugsjónin á bakvið þá er græn og hægt að þróa inn í íslendskar aðstæður. En til þess þarf klárara fólk en ég.

[Magnús Sigurðsson, 14.11.2015 kl. 23:10]

Linda; það er mikið rétt að engin ástæða er til að skoða ekki ódýrari möguleika. Það virðist vera svo að hús úr jarðefnum á því landi sem húsið skal byggja séu yfirleitt ódýrustu og endingabestu byggingarnar.

Líkt og torbærinn dugði íslendingum í 1000 ár svo virðast hús úr moldinni á staðnum hafa dugað hvað best annarsstaðar í heiminum. Það læðist því að manni sá grunur að þesskonar hús séu ekki "hagvaxinn" og henti því markaðsöflunum því ver.

Hvað torfbæinn íslenska áhrærir má segja sem svo að steinsteypan hafi leyst hann af hólmi sem íslensk aðferð. Þar sem notað er íslenskt jarðefni ásamt sementi, ef ekki væri fyrir reglugerðafargan þá gæti fólk byggt sér mun ódýrari og "grænni" hús úr heimafengnum efnum en reglurnar leyfa í dag.

En svona nota þeir jörðina í Jemen.

https://www.youtube.com/watch?v=48iDhuzxIoU