Kári í fári

Verða extra löngu eyrnapinnarnir nú brýndir með bómull og reknir upp í hvers manns nasir? Munu niðurstöður skimanda skálka ráða úrslitum um það hvar hver og einn verður gjaldgengur?

Kári í fári veður nú um völlinn eins og hani í skítahaug. Nú veltur á því hvaða vísindi þríeykið á seiðhjallinum opinbera almenningi næst í beinni, og hvaða sviðsmyndir úr spálíkaninu verða kynntar fábjánunum sem flissuðu fyrr um við Austurvöll.

Enda, hvernig á annað að vera, medían búin að mæra drauginn meira en sjálfan Björgólf Thor um árið, sem hún taldi hæfastan til að reka Ísland korteri áður en Landsbankinn fór í money haven.

Nú þarf Kári engan Hannes lengur, skítahaugurinn og tvöföld skimun nægir, -og ef það dugir ekki til þá má alltaf skima þrisvar þar til bóluefnið og stóra skimunarvélin kemur. Sjúklingar eru fyrir löngu orðnir óþarfir.

Er ekki kominn tími til að skima fyrir táfýlu til að skera úr um tilverurétti fólks innan um fólk? Eða er Kári kannski orðin spítalamatur? 

Ættum að búa okkur undir nýja bylgju

Athugasemdir

[Ómar Geirsson, 16.9.2020 kl. 17:14]

Þetta er sorgleg færsla Magnús.

Vanvirðir þá sem dóu, vanvirðir þá sem dóu víðsvegar um heim við að vernda líf samborgara sinna.

Þú hæðist að sóttvörnum, og fellur í þá steypu að fyrst að þær virki, að þá séu þær óþarfar.

Tekur þar með undir öflin í neðra sem sjá gróða í dauða og djöfli.

Þú hundsar fjöldamorðin á um 20.000 Bretum sem dóu vegna þess að svona raddir töfðu nauðsynlegar sóttvarnir um viku, líklegast segir þú miðað við fyrri skrif, að einu sinni þarf hver að deyja.

En hver gaf þér það guðlega vald Magnús að ákveða það fyrir hönd annarra??

Það dóu yfir 50.000 á Ítalíu eftir að veiran fékk að ganga þar laus í mjög margar vikur.  Hefði þessi rödd sem hæðist að Kára, fengið vægi þar, og seinkað lokunum þar um segum til dæmis 10 daga, þá segir veldiskúrfan að dauðsföll hefðu orðið yfir 100.000, og þá er forsendan að heilbrigðiskerfið hefði virkað.

En það var komið að fótum fram, hefði ekki þolað aðra viku með slíkri veldisaukningu.

Sem þýðir á mannamáli, að þeir sem lifðu vegna nútíma læknisvísinda, hefðu dáið, svo líklegast hefðu allt að 150.000 fallið.

Frjálshyggjan er ættuð úr neðra Magnús, það veit allt skynsamt siðað fólk.

Hún þarf ekki bandamenn.

Trúðu mér.

Kveðja að austan.

[Þorsteinn Siglaugsson, 16.9.2020 kl. 17:18]

Nú fer stubburinn aftur á stúfana með meterslöngu pinnana að taka saursýni gegnum nefið á stúdentum landsins. Og skólunum auðvitað lokað eins og fokkjú merki framan í einfeldningana sem héldu að allt yrði "eðlilegt" bara ef ferðaþjónustan fengi að safnast til feðra sinna.

Allt í nafni Amgen og þess að halda lyfja- og bóluefnamarkaðnum óskertum sem lengst.

[Magnús Sigurðsson, 16.9.2020 kl. 17:50]

Takk fyrir innlitið og efnismikla athugasemdina Ómar, þó svo sorgleg sé, því ekki ætla ég að taka ábyrgð á "fjöldamorðum" á Bretlandi, Ítalíu né neinsstaðar annarstaði í heiminum þó ég bendi á hvers vegna Kári sé í fári.

Þrátt fyrir mitt ætlaða "guðlega vald" til að ákveða dánardægur annarra þá heldur mankyninu áfram að fjölga, -jafnvel á tímum drepsóttarinnar. Svo á það eftir að koma í ljós hvort kóvítis-Móri sé ekki auðróninn sjálfur.

Með kveðju úr efra. 

[Magnús Sigurðsson, 16.9.2020 kl. 17:59]

Takk fyrir athugasemdina Þorsteinn. Það er margt fleira sem leynist undir sauðagærunni en skimandi úlfseyrun bíðandi eftir bóluefni.

Þar sem ég hef alla ævi starfað hjá minna en meðalstórum fyrirtækju þá svíður mér hvernig fyrirtækjum litla fólksins er rústað með þessum heimsfaraldri og tel það ekki vera tilviljun.

Með kveðju af Héraði.

[Þorsteinn Siglaugsson, 16.9.2020 kl. 19:29]

Já, venjulega fólkið býr við talsvert önnur rekstrarskilyrði en stórfyrirtækin, sem hafa aðgang að stjórnmálamönnum og embættismönnum og græða þegar aðrir tapa.

[rhansen, 16.9.2020 kl. 20:32]

það er áhugavert að sja skammsyni margra gagnvart þessum faraldri OG að þeim finnist ekkert tiltökumæal þó fólk veikis og kanski lifi örkumlað það sem eftir er lifsins af hennar völdum ..Dauði er ekki alltaf verstur , allavega ekki fyrtækja !.....heimska á ser litil takmörk   og guð fyrirgefi mönnum að kunna ekki að nota bitið sem hann gaf þeim !

[Magnús Sigurðsson, 16.9.2020 kl. 21:13]

Þakka þér fyrir innlitið rhansen, tek heilshugar undir með þér að heimskan á sér lítil takmörk.

[Ómar Geirsson, 17.9.2020 kl. 08:48]

Blessaður Magnús.

Myrkrið sem ógnar mennskunni með atlögum sínum að samfélögum fólks, innviðum, velferð, eða sjálfri lífsafkomunni, það er það sem spýr út eitrinu gegn sóttvörnum, bæði hér og annars staðar.

Þegar hið góða lætur blekkjast, hver er þá vonin??

Hvað verður þá um hana??

Þrátt fyrir geimverubúninga þá fellur hjúkrunarfólk, þegar ég var að leita á veraldarvefnum af mynd af táknræna skúlptúrnum sem bandarískir hjúkrunarfræðingar gerðu á lóð þinghússins, þá rakst ég á þessa grein í Washington Póst um þá sem féllu, um andlitin að baki dánartölunum.

https://www.washingtonpost.com/health/2020/04/24/coronavirus-dead-victims-stories/?arc404=true

Gamla fólkið sem mátti missa sig fékk andlit og sögu, sem og það yngra, en ég rak nefið í þessa fyrirsögn og útdrátt og vísan í lengri skrif, en mig langar í in memorial að endurbirta hana.

""He gave his life for that hospital."

James "Charlie" Mahoney, 62, was an ICU doctor at SUNY Downstate Medical Center for nearly four decades and a friend to all, from the gift-shop cashier to the taxi drivers waiting outside. Mahoney mentored colleagues and cared for patients through the HIV/AIDS epidemic, through 9/11 and through the swine flu. He was on the brink of retirement when covid-19 hit — and his family tried persuading him to bow out. But Mahoney chose to keep working.".

En hér er hin táknræna mynd um mannfallið meðal hjúkrunarfólks, 164 pör af hvítum klossum.

Þetta snýst ekki um Kára Magnús.

Kveðja úr neðra.

[Ómar Geirsson, 17.9.2020 kl. 08:50]

Eitthvað ólýðnaðist vafrinn mér, vona að önnur tilraun dugi á hina táknrænu mynd.

[Magnús Sigurðsson, 17.9.2020 kl. 13:39]

Sæll Ómar ég ætla rétt að vona að þú ætlir mér ekki aðför að heilbrigðisstarfsfólki um víða veröld þó ég deili á Kára og hans líka.

Ég er ekki alveg að átta mig á hvað í pistlinum vekur viðbrögð á við  ykkar rhansen.

Verða extra löngu eyrnapinnarnir nú brýndir með bómull og reknir upp í hvers manns nasir? Munu niðurstöður skimanda skálka ráða úrslitum um það hvar hver og einn verður gjaldgengur?

Spurningarnar sem lagt er út frá í upphafi tel ég eiga rétt á sér, ekki síst eftir að farið hefur verið að tilmælum Kára og hans líka varðandi sóttvarnir.

Það er alveg ljóst að Kári er bisnessmaður og lyfjaiðnaðurinn vonarstjarna íslenskrar erfðagreiningar, ef ekki eigandi. Ég þvældi Björgólfi með vegna þess að hann fór stórum í fjárfestingum í lyfjaiðnaðinum rétt áður en gamli Landsbankinn hvarf í money haven.

Svo ég taki það sérstaklega fram einu sinni enn þá trúi ég ekki á kóvítið, en get jafnframt sagt að mér hefur þótt stefna sóttvarnalæknis varfærnari og eðlilegri en víða í veröldinni, og er það vel. -Seiðhjallurinn í beinni er því eins og fleira í pistlinum líkingamál svo því sé haldið til haga.

Ég vil endurtaka það sem ég sagði við þorstein hér að ofan, ef það skildi hafa farið fram hjá þér;

Þar sem ég hef alla ævi starfað hjá minna en meðalstórum fyrirtækju þá svíður mér hvernig fyrirtækjum litla fólksins er rústað með þessum heimsfaraldri og tel það ekki vera tilviljun.

Með kveðju úr efra.

ps. Mér finnst myndin af hvíta húsinu fullstór, en hún er táknræn.

[Jónas Gunnlaugsson, 17.9.2020 kl. 13:43]

Mér heyrist þið vera farnir að sjá samhengið. 

slóð

Komufarþegi ef veikur, bati hefst eftir 3 klst. Bólusetning, lækning.Tafla, 7 krónur sinnum 7 dagar = 49 krónur. 10 sinnum dýrara, þá 490 krónur. Er þetta eitthvert vandamál, ef svo er viltu þá skýra það fyrir okkur? Hvert er vandamálið?

12.9.2020 | 22:02

Það er búið að gera hershöfðingja að heilbrigðisráðherra í Brasilíu, og þá eru 11 ráðherrar herforingjar en 23 eru ráðherrar í ríkisstjórninni. 

Ríkistjórnirnar reyna að koma lyfunum sem virka til fólksins, en lyfjaiðnaðurinn vill nota tækifærið til að fella Trump með því að koma öllu í ólag. 

Hluti hersins vill taka völdin af Djúpríkinu og fékk Trump í lið með sér. 

Það virðist sem Brasilía sé á sömu leið.

Það var í Brasilíu, sem svikarannsóknin á chloroquine var gerð og var fólkinu gefin allt að tvöfalldur dauðaskammtur og það fór að deyja.

Sagt er að herinn í Bandaríkjunum setji brotlega, svo sem þá sem drápu Kennedy fyrir herdómstóla.

Venjulegir dómstólar virka ekki.

Ef herir landana taka völdin hvaða afl verður látið hreinsa til á Ísland?

Þetta sést betur í slóðinni hér fyrir ofan.

Egilsstaðir, 17.09.2020   Jónas Gunnlaugsson

[Magnús Sigurðsson, 17.9.2020 kl. 14:45]

Sæll Jónas, og takk fyrir athugasemdina. Já þeir liggja sjálfsagt víða þræðirnir og ekki er allt sem sýnist.

Hvaða afl hreinsar til á Íslandi er ekki auðvelt um að spá. Mín skoðun er sú að um þessar mundir er verið að breyta heiminum, hann verður ekki eins og hann var að kóvítinu loknu.

Mér hefur sýnst að þjóðríkin séu að líða undir lok því þau virðast öll taka á sig ótakmarkaðar skuldir við að halda uppi starfsemi sem er ekki lengur til og óvíst hvernig á að standa undir. 

Mín spá er sú að öld alþjóðlegra stórfyrirtækja, sem valdastofnanna, sé að renna upp, við sjáum t.d. ESB. Hvar heimsins herjir standa í þeirri mynd vil ég engu um spá.

Með kveðju úr Útgarðinum.

[Þorsteinn Siglaugsson, 17.9.2020 kl. 23:28]

Eins og þú nefnir Magnús, er það fyrst og fremst lyfjaiðnaðurinn sem skiptir Kára máli. Hvet alla til að skoða nýja grein Geralds Posner í Newsweek um þessi mál. Posner er höfundur metsölubókarinnar "Pharma - Greed, Lies and the Poisoning of America" sem kom út snemma á árinu. Þar fjallar hann um lyfjaiðnaðinn, þar á meðal Sackler fjölskylduna sem ber mesta ábyrgð á ópíóðahneykslinu í Bandaríkjunum.

Greinina má sjá hér: https://www.newsweek.com/pharma-insiders-are-raking-money-despite-no-guaranteed-covid-19-vaccine-opinion-1531996

[Magnús Sigurðsson, 18.9.2020 kl. 06:14]

Sæll Þorsteinn, það er svo skrítið að þó Kári hafi aldrei farið leynt með það hvað drífur hann áfram þá hefur fólk litið á hann sem nokkurskonar gúrú, rétt eins og var með útrásarvíkinga um tíma. Hann er samt snjallari en þeir að því leiti að hann virðist eiga níu líf hjá þjóðinni rétt eins og kötturinn.

Greinin sem þú linkar á lýsir því ágætlega hverskonar peningamilla keðjubréfa er í gangi innan lyfjaiðnaðarins. Enda hafa lyfjafyrirtækin lengi róið á mið umgangspestanna með misárangursríkum bóluefnum, sem flest bjóða upp á minna guarantee en inntaka þorskalýsis.

Það vita það orðið flestir að þegar bóluefnið við flensu ársins er í boði að hausti þá er róið á mið væntinganna, það er svo hips-um-haps hvort bólusetningin virkar á afbrygði vetrarins, svo kemur ný umgangspest að ári. Lyfjaiðnaðurinn hefur tekið þetta skrefinu lengra eins og fram kemur í greininni hann rær allstaðar á mið væntinganna og hvar er það auðveldara en þegar lífið liggur við.

Ég er ekki vanur að gera "þjóðþrifa" fólki það hátt undir höfði að nafngreina það í bloggpistlum hér á síðunni. Maður skildi jú aldrei dæma nokkurn mann án þess að hafa staðið í hans sporum. En Kári er einn af þeim sem hefur haft gríðarleg áhrif á líf Íslendinga undanfarin ár og hefur látið bera á sér undanfarið með hvassyrtum meinungum.

Það er ekki bara fortíð hans sem stofnanda d-code þar sem margir byggðu upp miklar væntingar um ofsagróða sem gefur tilefni til að vera á varðbergi þegar Kári er með meiningar, hvað þá þegar hann er í fári.

[Símon Pétur frá Hákoti (IP-tala skráð) 18.9.2020 kl. 12:58]

Sæll Magnús

Það má hugsa þetta á ótal vegu. T.d.: 

Ef við gefum okkur að veiran sé manngerð,

sem ýmsar kenningar eru um,

þá leiðir það af sér spurninguna, í þágu hverra?

Og hver er tilgangurinn með því?

Það er réttmætt að velta því fyrir sér

og einnig hinu hverjir muni mest græða á því.

Hvað sem því líður, þá getum við ekki annað en varist með, og virkjað, allar þær sóttvarnir sem við getum. 

Þetta er stríð, og í stríði mega menn aldrei vanmeta andstæðinginn og í sífellu að endurmeta hernaðartaktík okkar hobbitanna gegn illsku heimsins.

[Magnús Sigurðsson, 18.9.2020 kl. 13:32]

Sæll Símon Pétur og þakka þér fyrir athugasemdina, sem vissulega er íhugunar verð. 

Hvað mig varðar þá var það einmitt "stríðsyfirlýsingin" sem kom endanlega í veg fyrir trú mína á kóvítið eins og það er praktíserað.

Á minni ævi hef ég upplifað "kalda stríðið", "stríðið gegn fíkniefnum","stríðið gegn hryðjuverkum svo eitthvað sé talið.

Ekkert þessara stríða hefur verið eins og það sýndist og öll hafa þau haft það marmið að slá ryki í augu og takmarka frelsi.

Vissuleg tek ég heilshugar undir að kóvítið ber að varast og viðhafa sóttvarnir á meðan ekki er vitað hver hættan raunverulega er. 

En stríð hafa þann ókost að þau valda yfirleitt stórtjóni og ekki síst hjá smáfólkinu, sem engra hagsmuna á að gæta, annarra en að lifa jarðlífinu á meðan það gefst.

Það virðist vera að þetta "stríð" sé farið að snúast upp í greind smit á dag. Með skelfilegum afleiðingum fyrir okkur hobbitana.

[Símon Pétur frá Hákoti (IP-tala skráð) 18.9.2020 kl. 15:00]

Þakka svarið Magnús

Tek undir orð þín, að það er ekkert sem sýnist í þessu stríði.

Og einnig hitt, að veiran, jafnvel manngert vopn á tilraunastofu, er til þess gerð að valda usla,

divide et impere, sundra okkur hobbitunum og einnig þjóðríkjunum, með því að auka á skuldavandann og ráðast gegn afkomumöguleikum.

Hvernig verjumst við slíku?

Það er stóra spurningin.

[Magnús Sigurðsson, 18.9.2020 kl. 20:04]

"divide et impere, sundra okkur hobbitunum og einnig þjóðríkjunum, með því að auka á skuldavandann og ráðast gegn afkomumöguleikum."

Ég held að það sé akkúrat málið Símon Pétur, forskriftin hefur verið gefin fyrir löngu það sést best á því að viðbrögð ríkja eru svo til eins víða um heim.

Hækkaðar atvinnuleysisbætur, ríkisstyrktur uppsagnafrestur og bundinn séreignasparnaður útgreiddur. Það kemur að því að bókhaldið þrýtur og hvað þá.

Endalok þjóðríkisins hafa verið að birtast fyrir framan augum okkar í áratugi sem ESB, EES osfv, það blasir við í S-Evrópu s.s. Grikklandi.

Nú er komið að því að reka smiðshöggið á gjaldþrot smáreksturs litla fólksins um víða veröld.

Hvernig við verjumst? -er ekki gott að sjá þegar við vitum ekki enn hvort að náunginn ber með sér drápsveiru, en við ættum að fara að átta okkur á því að sóttkví, einangrun og útgöngubann drepur niður allan smárekstur.

En málið er að þegar lýst er yfir stríði á heimsvísu við umgangspest á við kóvítið og hryðjuverk þá er rétt að efast um hjartagæskuna.

Síðasta umgangspestin mun aldrei verða stöðvuð, og síðasta hryðjuverkið aldrei framið.

Þannig stríð eru endalaus og ætluð til að breyta menningunni glóbalt með eða án vilja okkar hobbitanna.

[Þorsteinn Siglaugsson, 18.9.2020 kl. 23:33]

Á endanum er það samkrull ríkisvalds og auðmanna sem drepur niður smáfyrirtækin og/eða hindrar árangur þeirra. Raunverulegur kapítalismi, sem grundvallast á þeirri skapandi eyðileggingu, sem drífur hagkerfið áfram, og þar sem allir á markaðnum hafa í alvöru sömu tækifæri, hefur í rauninni aldrei náð fótfestu. Hagsmunir auðmannanna og þeirra sem fara með völdin fara ávallt saman og þessum völdum er ávallt beitt.

[Símon Pétur frá Hákoti (IP-tala skráð) 19.9.2020 kl. 01:18]

Í grunninn er ég sammála athugasemd Þorsteins hér að ofan, um að ekkert er hættulegra heilbtigðum kapítalisma, en samkrull ríkisvalds og auðmanna og stórfyrirtækja, hvað þá glóbalískra auðdrottna sem gína yfir þjóðríkjunum.  Allt er það dulið alræði, en er ekkert annað en fasísk hugmyndafræði, eða nómenklatúru kommúnismi.

[Magnús Sigurðsson, 19.9.2020 kl. 05:38]

Góð greining félagar á því sem nú til dags er kallað pilsfalda kapítalismi. En er í raun gamli fasisminn ef ekki væri notast við newspeak í misskilinni kurteisi.

Svo fá þeir sem gagnrýna pilsfalda kapítalismann á sig kommúnista stimpilinn ef ekki hryðjuverka. Pilsfaldakapítalisminn er fyrir löngu kominn win win stöðu, svipaða og bent er á í Newsweek greininni um lyfjaiðnaðinn, sem Þorsteinn linkaði á hér að ofan.

Það getur verið snúið að greina hver er í pilsinu og hver hangir í faldinum, ríkisvaldið eða auðrónarnir.

Við sjáum stórfyrirtækjum haldið á floti af fyrir almannafé vegna þess að þau þykja þjóðhagslega nauðsynlega.

Við sjáum sjálftöku lýðræðiskjörinna fulltrúa á sjálfstýringu án þess að fá rönd við reyst.

D-code er ágætis dæmi um fyrirtæki sem lögð voru drög að í árdaga pilsfalda kapítalismans á Íslandi.

Þó svo að Kári sé kannski engin fasisti þá er hann örugglega ekki heldur neinn sósíalisti í anda litla mannsins, eins og hann vill stundum meina, í besta falli má segja að hann sé gott skáld.

[Þorsteinn Siglaugsson, 19.9.2020 kl. 17:51]

Merkilegt hvað íslenskir kapítalistar eru gjarnir á að reyna að telja fólki trú um að þeir séu sósíalistar.

[Ómar Geirsson, 21.9.2020 kl. 16:37]

Blessaður Magnús.

Myndin fullstór.

Hefur eitthvað með vafarann og tæknina að gera.

Annars eru afsakanir þínar hjárænulegar, sú sísta að þetta sé einhver aðför að smáum og meðalstórum fyrirtækjum.

Aumkunarvert sérstaklega í ljósi þess að þú kóar endalaust með því hjárænu afli sem nýtir sér þennan faraldur til að hindra samfélagslega aðstoð gagnvart fjöldanum og þeim fyrirtækjum sem hann rekur.

Af hverju heldurðu að lygar og blekkingar séum megin fóður aðfarirnar að sóttvörnum, bæði hér og erlendis??

Allavega snýst umræðan ekki á meðan um ákall um að deila byrðum.

Og ég ítreka að þegar góða fólkið bregst, þá er engin von eftir í þessum heimi.

Þá ræður auðurinn öllu, og það vita allir hvert hans markmið er.

Kveðja úr sólinni úr neðra.

PS.  Höttur lánaði okkur miðvörð af Hólmakyni sem kostaði reyndar nafnabreytingu úr Fjarðabyggð í Austurland, en í úrslit meðal þeirra bestu.

Það náðist áður en lekinn á landamærum varð að fljóti.