Fari það svoleiðis í logandi helvíti

Já fari allt heila pestarpakkið norður og niður sem kom flissandi, fölt og píreygt út í sumarið og sólina til að aflýsa gleðinni. Þeir hafa verið fyrirsjáanlegir síðustu dagarnir. Þúsundum landsmanna smalað til sýnatöku með smitrakningar appinu í símanum. Sá klári skrækjandi í fjölmiðlum og Jóhannes útskírari sendur einn út í eyðimörkina svo náfölir pestargemlingar hatursorðræðunnar í athugasemdakerfum medíunnar gætu hafið grjótkastið.

Já og vel á minnst, uppvakningurinn sem reis upp með öfugan krossinn úr kistunni sinni komst að þeirri rökföstu niðurstöðu að það þyrfti fyrst og fremst að elta 10% óbólusettra uppi, ásamt blessuðum börnunum, og sprauta þá ólyfjan svo þeir smituðust kaunum hins margrómaða hjarðónæmis í sama mæli og hinir. Krúttlegi skuldum  vafði ferðaþjónustu aðilinn steinheldur kjafti á meðgjöf með atvinnulausum. Helst á honum að skilja að ekki hafi gengið nógu greiðlega að greiða út lokunarstyrkina í vetur.

Já og ekki má gleyma neyðarástandi heilbrigðisiðnaðarins, þar sem starfsmenn, sem ekki hafa nú þegar verið teknir úr umferð vegna sóttvarna og komið fyrir í sóttkví, eru orðnir uppteknir við að skima svo hægt sé að koma fleirum í sóttkví í forvarnaskini. Hver þungbúni læknirinn af öðrum, sem engin heilvita maður myndi láta sér til hugar koma að virða viðlits öðruvísi en láréttur, hefur birst í símanum og sjónvarpinu boðandi fyrirsjáanlegt  neyðarástand.

Já við hverju öðru var svo sem að búast en að fábjáni flissaði sig píreyg út í sólskinið ásamt allri heilu helvítis náhirðinni og tilkynnti náföl öryggisvarúðarráðstafanir við drepsótt um mitt sumar. Og nú er þjóðin enn og aftur búin að skrúfa upp þríeykið á seiðhjallinum í viðtæknunum sínum svo bergamálar um alla blokkina.

Á meðan ætla ég að loka mig úti og overdósa d-vítamín í sumrinu, fuglasöngnum og sólinni. Uppskrift sem getur ekki klikkað; -sólin, útlendingar og minnihlutahópar, -jafnvel sjálfur náunginn, -allt er þetta spennandi og stórhættulegt.

Athugasemdir

[Jóhann Elíasson, 24.7.2021 kl. 11:02]

Já Magnús, það á margt eftir að  koma upp í sambandi við þessa "bólusetningu".  Er það ekki alveg klárt að það má ekki skuldbinda þjóðina nema með samþykki Alþingis?  Samningurinn sem Heilbrigðisráðherra gerði við "bólefnaframleiðendurna" er svo LEYNILEGUR að einungis fáeinir þingmenn hafa fengið að sjá hann í lokuðu herbergi og undir eftirliti.  Hafa lög ekki verið brotin þarna og sjálfsagt er eitthvað fleira sem er athugavert við þetta mál allt??????????

[Magnús Sigurðsson, 24.7.2021 kl. 11:15]

Þetta er sama aðferðin og náhirðin og samspillingin notaði í hruninu, Jóhann. Setti á 100 ára leynd á það hvernig húsnæðið var haft ofan af saklausu fólki.

Ég á ekki von á öðru en fólk steinhaldi kjafti yfir "trúnaði" umbjóðenda sinna þangað til að það verður of seint og hyskið verði komið á eftirlaun eða vellaunuð störf í Brussel, -rétt eins eins og vanalega.

[Jóhann Elíasson, 24.7.2021 kl. 11:47]

Því miður er ég hræddur um að þú hafir alveg á réttu að standa þarna sem svo oft áður..............

[Guðmundur Ásgeirsson, 24.7.2021 kl. 18:04]

Ekki 110 ára leynd yfir bankaskjölunum

Þetta er því miður algengur misskilningur. Lög um opinber skjalasöfn gilda ekki einu sinni um opinber gögn fyrr en þau ná 30 ára aldri. Gögn um bankahrunið ná þeim aldrei ekki fyrr en árið 2038. Þangað til gilda upplýsingalög um rétt almennings til aðgangs að þeim.

[Magnús Sigurðsson, 24.7.2021 kl. 18:57]

Guðmundur, villtu þá ekki ná út úr þeim upplýsingunum, og bæta þeim við speki þína til okkar hinna frekar enn að bíða?

Fréttin sem þú vitnar í er útúrsnúningur, ef þú skildir ekki hafa áttað þig á því.

[Guðmundur Ásgeirsson, 24.7.2021 kl. 19:56]

Nei þetta er enginn útúrsnúningur.

Ákvæðið sem heimilar að synja um aðgang að skjali sem er yngra en 110 ára er í 29. gr. laga um opinber skjalasöfn. Það á aðeins við í sérstökum tilfellum eins og ef skjal inniheldur upplýsingar um einkamálefni einstaklings sem enn er á lífi eða um almannahagsmuni er að ræða. Þeirri heimild hefur þjóðskjalavörður aldrei beitt. Eðli máls samkvæmt myndi heldur aldrei reyna á það fyrr en eftir að skjal hefur náð 80 ára aldri, sem er meginreglan um hversu lengi skuli halda trúnað um skjöl er varða einkahagsmuni einstaklinga.

Lög um opinber skjalasöfn gilda ekki um skjöl fyrr en þau hafa náð 30 ára aldri en fram að því gilda upplýsingalög um rétt til aðgangs að þeim. Ekkert ákvæði er í upplýsingalögum sem kveður á um 110 ára trúnað um skjöl er varða einkahagsmuni einstaklinga, enda gilda þau eingöngu um skjöl sem eru 30 ára gömul og yngri.

Ég hef einmitt bæði á eigin vegum og starfs míns vegna reynt að fá aðgang að margvíslegum gögnum um hrun og endurreisn bankanna, á grundvelli upplýsingalaga. Sumum hef ég fengið aðgang að en öðrum ekki. Aðrir en ég hafa líka gert það sama, t.d. Víglundur Þorsteinsson heitinn, sem tókst að fá aðgang að talsverðu magni af gögnum um þessi málefni sem hann gerði svo opinber. Ég hef líka beðið Þjóðskjalasafnið um að leita fyrir mig í gögnum frá Rannsóknarnefnd Alþingis að upplýsingum um mín eigin málefni tengd viðskiptim við bankana, og það gekk mjög greiðlega þó leitin hafi reyndar ekki skilað neinu markverðu.

Athugaðu að þessi svokallaða 110 leynd getur ekki átt við um "hvernig húsnæðið var haft ofan af saklausu fólki" eins og þú orðaðir það, því það er mun styttra frá þeim atburðum en 30 ár og þess vegna falla gögn um það alls ekki undir lögin sem hafa að geyma umrætt ákvæði, heldur falla þau undir upplýsingalög ef um opinber gögn er að ræða. Auk þess er engin leynd yfir því hvernig húsnæðið var haft ofan af fólki. Það var langoftast gert með nauðungarsölum og þær eru ekkert leynilegar, þvert á móti eru þær auglýstar opinberlega og haldnar fyrir opnu húsi þar sem hver sem er getur mætt og fylgst með því sem fram fer. Starfs míns vegna hef ég meira að segja gert það margoft og ég vinn beinlínis við það meðal annars að afla gagna um slík tilfelli og aðstoða fórnarlömbin.

Ef þú hefur áhuga á vita meira eða einhver sérstök smáatriði um hvernig þetta var og er gert þá gæti ég eflaust frætt þig um það, enda er það beinlínis hluti af starfi mínu að vera sæmilega vel að mér um slíkt og ég er ávallt fús til að svara spurningum forvitinna um það.

[Magnús Sigurðsson, 24.7.2021 kl. 21:24]

Ef fréttin er ekki útúrsnúningur lestu þá pistilinn aftur, Guðmundur, hann er ekki um íslensk lög fyrir neinni 110 ára leynd og reyndar hvergi á hana né þau minnst.

Hættu svo að snúa út úr.

[Guðmundur Ásgeirsson, 24.7.2021 kl. 22:06]

Ég var ekki að bregðast við pistlinum heldur þessari athugasemd þinni:

"Þetta er sama aðferðin og náhirðin og samspillingin notaði í hruninu, Jóhann. Setti á 100 ára leynd á það hvernig húsnæðið var haft ofan af saklausu fólki."

Það er alls enginn útúrsnúningur að benda á staðreyndir.

[Magnús Sigurðsson, 24.7.2021 kl. 22:23]

Guðmundur, hvorki pistillinn né athugasemdin á við þá umræðu sem þú leggur upp með. Athugasemdin er örstutt undirtekt við athugasemd Jóhanns, -sem hann skildi. Taktu henni bara sem dulmáli ef þú skilur ekki hvað útúrsnúningar eru.

[Þorsteinn Siglaugsson, 25.7.2021 kl. 00:19]

Svona fer þegar fábjánar ráða!

[Tinna (IP-tala skráð) 25.7.2021 kl. 01:12]

Situr í hásæti sem honum var ekki boðið.
Sjálfkrýndur af sannleika sem er ekki til.
Með skjaldborg af náætum sem mergsjúga lýðin.
Á meðan saklaust fólkið horfir hans til....

[Magnús Sigurðsson, 25.7.2021 kl. 05:58]

Satt er það Þorsteinn, sem koma svo þar að auki flissandi með pírð augun út í sólskinið á miðju sumri og boða drepsótt frá þeim sem sitja í hásætinu, sem Tinna kemst svo vel að orði um boðflennuna sem situr í sjálfkrýnd af sannleika sem er ekki til.

[Guðmundur Ásgeirsson, 25.7.2021 kl. 16:41]

Magnús. Það er alveg rétt að mín athugasemd sneri ekki að efni pistilsins. Hún sneri eingöngu að þeirri röngu fullyrðingu um "100 ára leynd" sem kom fram í athugasemd þinni dags. 24.7.2021 kl. 11:15.