Eins og skepnan deyr

Senn er liðin þessi bið, lokast leiðin fram á við og hverfa önnur sjónarmið. Mun ég samt sem áður elska þig? Mig grunar að við sem höfnum síendurtekið bólusetningu með marki skepnunnar komum að endingu til með að sæta rafrænum aðskilnaði. En veruleikinn hefur sannfært okkur um annað en hið viðtekna nýja norm.

Leið okkar mun liggja úr aðskilnaði í einingu. Á stað þar sem innsæi okkar og hjarta sameinast. Þar er ekki til neitt gott eða slæmt, aðeins skynjun hjartans fyrir því hvað er rétt. þar kemur eðlislæg vitneskja fram í raunveruleika handan skilningsvitana fimm.

Fyrir utan allar hugmyndir um hvað sé rangt eða rétt er grasi gróinn völlur. -Ég hitti þig þar. - Þegar sálin leggst í grasið er heimurinn meira en nokkrum orðum verður að komið. ~Rumi

Athugasemdir

[Símon Pétur frá Hákoti (IP-tala skráð) 26.8.2021 kl. 15:32]

Tek undir orð ykkar Rumi.

Var það rétt eða rangt að láta bólusetja sig?

Eða láta ekki bólusetja sig?

Ég ætla að leyfa sál minni að leggjast í grasið

og íhuga orð ykkar Rumi. 

[Magnús Sigurðsson, 26.8.2021 kl. 15:55]

Sæll Símon Pétur, í grasinu býr hinn óendanlegi möguleiki, -eða réttara sagt í berjamó við hjalandi lækjarsytru, eins og staðan er í dag.