Hvernig fer þotuliðið að þegar hreyflarnir þagna?

Það hefur farið fram hjá fáum að fimmtíu fábjánar flugu flissandi á tvöföldum kolefnisjafningi til Glasgow, -skutust í umboði þjóðarinnar til að bjarga heiminum. Bjóða í stóraukið framboð aflátsbréfa í skiptum fyrir skurðgröft svo hægt sé að sópa díoxíinu áfram kolefnisjöfnuðu undir teppi dímonana í þrælakistum rauðglóandi helvítis.

Hvernig bjálfarnir komast til baka hefur mörgum verið hulin ráðgáta. Allt er þetta nú samt þeim Bjarti í Sumarhúsum og Gróu á Leiti að kenna, sem hafa m.a. sýnt af sér þvílíkt svínarí að halda hænsni og annan fretandi búfénað. Nú skal ræsa innviðauppbyggðu vinnuvélarnar af tvöföldum krafti og mokað ofan skurði. Gróðursetja Síberíulerki í túnum, sem umhverfissóðarnir hafa stolist til að tína steina úr frá því um landnám. Plægja svo niður ljósleiðara í leiðinni  mílu fyrir Mílu um eyðisveitir landsins.

Hrikalegar afleiðingar gjörða þeirra sveitaómaganna leyna sér ekki lengur. Hitastig jarðar hefur hækkað um hátt í heila gráðu frá því eftir litlu ísöld og ef það hækkar um +1,5°C í viðbót er voðinn vís. Það deyja nú þegar fleiru úr hita en drepsóttinni dularfullu, -eða heil 10 % af þeim sem annaðhvort stikna eða krókna. Hitastigið gæti þá farið að nálgast Sturlungaöld, -og ekki viljum við það er það?

Þar að auki hefur íslenska sauðkindin í gegnum aldirnar nagað gat á jarðskorpuna, sem Alaska lúpínan hefur ekki haft undan að stoppa upp í, svo rollunum verður úr þessu best komið fyrir á safni á meðan gatið er kolefnisjafnað með því að flytja Hjörleifshöfða úr landi í sement sem má svo flytja til baka í kolefnisjafnaða steypu upp í jarðskorpugatið.

Blessaðir bjálfarnir geta þá flotið sigri hrósandi til baka á klakann carbon fixaðir eins og hver önnur Túnberg á kolefnisfríu töfrateppi, með kolefnisjafninginn vellandi undir rauðglóandi rassgatinu, yfir heilt helvítis haf með kolefnisjafnaða steypu í farteskinu. Mætt síðan í mat hjá mömmu, eða þá bara Jóni og Gunnu, -og látið austantjaldinn vinna í skurðgreftri og steypu á meðan.

Þá verða veislukræsingar á borðum á við burtflogin hænsni, teiknaðar kartöflur og steiktar spýtur. Engin Michelin matseðill að vísu, þar sem boðið er upp á reyk í krukku í forrétt, kolefnisjafnaða steinsmugu í aðalrétt og koldíoxíðfríar ranghugmyndir í eftirrétt, öllu skolað niður með carbfix iceland.

Af Jóni og Gunnu þarf engar áhyggjur að hafa frekar en fyrri daginn á stjórnlausu skerinu. Þar sem launin eru eru hæðst í heimi og hægt er að bjargast af með sjálfbærum innflutningi frá Kína og borga það sem upp á vantar með aflátsbréfum kolefniskirkjunnar. Guð blessi Ísland.

Grafarþögn þegar Attenborough tók til máls

Athugasemdir

[Benedikt V. Warén, 1.11.2021 kl. 20:27]

Flottur að vanda.

Spurningin er hvort breyta megi tvískinnungi, fávitaskap og lýgi í eldsneyti á farartæki.

Af nægu er að taka.

[Magnús Sigurðsson, 1.11.2021 kl. 20:57]

Lítið mál að fixa það Pelli, -bara fá sér segl og bíða eftir vindi eins og álfur út á túni.

[Haukur Árnason, 1.11.2021 kl. 21:57]

Jamm, að hugsa sér. "Vonandi næst samstaða um að hitastig jarðar hækki ekki meira en 1,5 gr. til aldamóta 2100" Okkar útblástur á CO2 hefur enginn áhrif.

Það eru aðrir þættir sem ráða því, og við höfum enga stjórn á því. Það hitnar og kólnar á víxl, líklega er að kólna núna næstu áratugina, framundir 2060. Þá veitir ekki af að hafa vel af CO2.

 

Ath. Meðaltalshiti jarðar hefur hækkað um 0,3 gr, frá 1860

Stykkishólmur, hækkað um 0,28gr. frá 1860.

 

Svo á að lýsa yfir neyðarástandi ???

[Halldór Jónsson, 2.11.2021 kl. 01:57]

Þetta var bráðskemmtilegt með alvöru undir og ofaná.

[Magnús Sigurðsson, 2.11.2021 kl. 05:59]

Takk fyrir athugasemdirnar Haukur og Halldór.

Það fer allt eftir því hvaða viðmið maður velur úr Biblíusögunum, hvað mikið hefur hlýnað Haukur. Ég valdi ár, sem viðmið, rétt fyrir 1900 en mörg árin á seinast fjórðungi 19. aldar voru jökulköld. Árið sem ég miðaði við var með hitastigi í Stykkishólmi sem var með 0,53°C lægra hitastig en nú. 

Litla ísöld er talin tímabilið 1450-1900 samkvæmt Wikipedia en auðvitað eigum við svolítið í að ná hitastiginu á Sturlungaöld eða við landnám. Kannski eitthvað meira en 1,5°C hamfarahlýnunina sem þeir sem vilja bjarga heiminum ætla að lýsa yfir neyðarástandi út af.

[Guðmundur Jónsson, 2.11.2021 kl. 08:53]

Hann Bjartur í Sumarhúsum er búinn að fara illa með okkur.

Ekki bara vegna fretandi búfénaðar, heldur líka vegna þeirra djúpstæðu áhrifa sem lýsingar yfirkommans á persónugerð hans hafa markað í smásálirnar sem nú eru tilbúnar að fórna öllu fyrir að fá að vera með þotuliðinu í Glasgow.

[Sigurður I B Guðmundsson, 2.11.2021 kl. 10:35]

Gott að geta keypt jólagjafirnar í Glasgow svo ferðin var þá ekki til einskis!!

[Magnús Sigurðsson, 2.11.2021 kl. 13:31]

Já hann Bjartur er svartur Guðmundur, sannkallaður Svarti Pétur Íslands, og Gróa nú í Glasgow farandi fram á alheims neyðarástand.

Satt er það Sigurður. Þetta er að stofninum til sama liðið sem taldi mikla nauðsyn á að fá H&M til landsins sjoppuna er nú við Hafnartorgs hörmungina, þar sem Bæjarins Bestu voru áður.

Þetta lið var svo smekklegt að kalla sig Já Ísland á sínum tíma, með öfugum formerkjum.

[Jósef Smári Ásmundsson (IP-tala skráð) 2.11.2021 kl. 14:51]

Það voru reyndar ekki nema 49 en þeir tóku einn Asna með sér.. Svíarnir komu með Grétu..

[Magnús Sigurðsson, 2.11.2021 kl. 18:40]

Vonandi að fábjánarnir hafi munað að taka með sér gulrót líka Jósef, annars er hætta á því að asninn verði staður.

[Helga Kristjánsdóttir, 2.11.2021 kl. 18:51]

Halldór hefur sagt það sem ég hugsaði! Margt er líkt með fyrrverandi barnabæjarbúum.

[Magnús Sigurðsson, 3.11.2021 kl. 06:15]

Þakka þér fyrir innlitið og athugasemdina Helga.