Animal Farm

Nú hafa gölturinn og lofthænan valdið fjaðrafoki innan Bændasamtakanna með lélegum bröndurum. Atað framkvæmdastýruna tjöru og feykti formanninum frá framsóknarfjósinu.

Fjölmiðlar hafa verið fullir fyrirlitningar við að upplýsa óskapnaðinn án þess að svo mikið sem spyrja þeirrar einföldu spurningar hvað bændur væru að gera með slíka forystusauði á jötunni.

Hvað þá að því sé haldið til haga að þjóðin býr við uppgjafa dýralækni innanbúðar í innviðaráðuneyti og innvígða bankadömu úr gjaldþrota seðlabanka í nýsköpunarráðuneyti eftir að hafa mútað medíunni og lögsótt kynsystur sína fyrir að hafa leiðtað réttar síns.

Nú er bara að vita hvort framsókn var að losa sig við atkvæði eða berja í brestina, sem komnir voru í fjósbásana. Og þá hvort latínu lið lögfræði í Garðabænum eða lepjandi latte liðið í 101 Reykjavík matar krókinn á gjörningnum, með starfstöð án staðsetningar og mætingaskyldu.

Guð blessi samt sem áður allt Ísland.

Athugasemdir

[Þorsteinn Briem, 5.4.2022 kl. 21:46]

Cafe Latte er kaffi með mjólk, sem hvorutveggja eru landbúnaðarvörur, og hvergi í heiminum hef ég drukkið meira kaffi með mjólk en í norðlenskum afdal, þar sem undirritaður bjó í áratug.

Gamla höfnin í Reykjavík er stærsta höfn landsins, þar sem langmestum botnfiskafla er landað hér á Íslandi, ríflega 71 þúsund tonnum í fyrra, um 20 þúsund tonnum meira en í Grindavík.

Landanir í íslenskum höfnum árið 2021

Erlendum gjaldeyri er mokað á land í 101 Reykjavík, bæði í gömlu höfninni og fjölmörgum hótelum, gistiheimilum, veitingastöðum og verslunum.

Og ferðaþjónustan er orðin stærsti atvinnuvegur landsins, bæði hvað snertir mannafla og gjaldeyrisöflun.

Undanfarin tvö ár hafa að vísu verið tímabundnir erfiðleikar vegna Covid-19 en gjaldeyristekjur af erlendum ferðamönnum hér á Íslandi eru um ein milljón króna að meðaltali af hverri fjögurra manna fjölskyldu.

Útflutningsverðmæti ferðaþjónustunnar rúmlega fimm hundruð milljarðar króna árið 2017 - Um þrefalt meira en útflutningsverðmæti sjávarafurða

"Störf í ferðaþjónustu og tengdum greinum eins og veitingarekstri eru yfir 22% allra starfa á Íslandi."

Ferðaþjónusturit Landsbankans - Mars 2015

[Húsari. (IP-tala skráð) 5.4.2022 kl. 22:02]

Sæll Magnús.

Ég hef áhyggjur af því sem mér sýnist á stundum
að mætti kalla geðþóttaréttarfar.

Rannsóknarrétturinn og galdrafárið á Vestfjörðum og víðar
kemur í hugann.

Geirfinnsmálið fór í sérstakan farveg þar sem reynt var til
að bæta úr því sem óbætanlegt er, - og fyrst sú leið var farin er
mér óskiljanlegt með öllu að Erla Bolladóttir skuli ein
skilin utangarðs og útskúfuð frá mannlegu samfélagi, - allra sízt hefði
ég nokkru sinni búist við slíkri niðurstöðu.

Og enn eru dómar kveðnir upp þó enginn viti um hvað málið fjallar
nema óljós ummæli sem enginn veit hver eru!

Margur talar það skamma stund hann iðrast eftir lengi.

(ekki er óhugsandi að so. iðra eða tilheyrandi orðstofn merki upphafl. ‘að brenna, svíða, kenna til’)

Sá yðar sem syndlaus er kasti fyrsta steininum!

Ætlar einhver að segja mér að hann kannist ekki við að missa sig
og þá óendanlegu vanlíðan sem fylgir slíku og þá þrá að fá bætt úr;
fá tækifæri til að sýna iðran í verki.

Mig minnir einmitt að þetta hafi verið kontrapunkturinn í kenningu
Krists um kærleikann, - kannski Hann sé gleymdur líka!

[Magnús Sigurðsson, 6.4.2022 kl. 06:23]

Hvað segja bændur nú? -hefði einhvertíma verið spurt af minna tilefni.

Svo má ekki gleyma því Steini að Reykjavíkurh0fn sér um matvælaöryggi landans þó svo að það sé  nú orðið síklalyfjað og erfðabreytt í innfluttum gámum.

Húsari, auðvita missa sig allir einhvertíma og segja jafnvel lélega brandara. Það að viðurkenna mistök og biðjast fyrirgefningar er eitthvað sem hjá ráðamönnum mætti vera algengara.

Mér datt þetta í hug með jötuna og forustumenn bænda vegna þess að á síðustu árum hafa bændur ekki einungis mátt sjá matvælaöryggið fara veg allrar veraldar heldur hafa þeir líka tapað Bændahöllinni-Hótel Sögu án þess að nokkur sála biðjist forláts.

[Húsari. (IP-tala skráð) 6.4.2022 kl. 10:48]

Sæll Magnús.

Mig minnir að útgáfur af ævintýrinu um Rauðhettu og úlfinn
séu ekki færri en 300 en gætu þessvegna verið um 1000.

Allt bliknar það við hliðina á Bændahöllinni og sögu hennar
sem mörgum var óskiljanleg þegar í byrjun hvað þá nú!

Ekki viss um að frekari skrif um það samræmist
rétttrúnaði nútímans og rétt að stö0ðvast við
þann óbærilega léttleika tilverunnar!

[Magnús Sigurðsson, 6.4.2022 kl. 13:20]

Sæll Húsari, bændur hafa farið heldur betur halloka síðustu áratugi, heilu sveitirnar komnar í auðn, sauðkindin á leiðinni að verða safngripur eins og íslenska geitin og hænan. Nú síðast í pestinni fór bændahöllin á hliðina.

Þeir sem ráða örlögum íslenskra bænda mættu mín vegna iðrast samkvæmt orðastofninum iðra -"að brenna, svíða, kenna til" í það minnsta fá í iðrakveisu  af innfluttu, síklalyfjuðu og erfðabreyttu óæti.