Það verður varla logið upp á þetta lið

Nú hafa sömu fálkar og tæmdu Íslandsbanka innanfrá um árið fengið að kaupa hann á sérstöku tilboðsverði. Enda að verða fátt um fína drætti í fjárplógstarfsemi í allri dýrtíðinni og bankinn því orðinn hinn álitlegasti eftir að almenningur fékk hann í fangið, sælla minninga.

Sumum hefur orðið mikið niðri fyrir, -svo mikið að jafnvel fjárfrekar fraukur úr samspillingunni hafa lýst vandlætingu sinni. Gleðifréttin er samt sem áður sú að grínkompaníið Bananalýðveldið ehf sá sér leik á borði og fékk að klófesta hlut á afslætti náhirðarinnar.

Why Iclend viðundrið bíður svo bablandi í seðlabankanum tilbúið til að skrúfa upp vextina svo um munar á blessaða bjálfana og unga fólkið, búnu að koma sér á vonarvöl með húsnæðiskaupum á verði sem komið var uppi úr þakinu.

Dregin var fram gömul skrautfjöður úr hatti bananakippunnar til að sjá um óskapnaðinn, -sú sama og átti að dikta icesave í landann eins og graut ofaní óþægt barn um árið, -í góðri trú um að hægt væri að bera fyrir sig persónuverndarlögum.

En hvað um það, alltaf hefur reynst best að fá hneyksli ofan í hneyksli þegar þarf að krafsa yfir skítinn á stjórnarheimilinu. Já það er margt skrýtið sem freyðir fram þessa dagana og upp á þetta lið verður varla logið úr þessu.

Athugasemdir

[Sigurður Kristján Hjaltested, 7.4.2022 kl. 17:48]

Sömu leikendur og gerendur og fyrr.

Svo er talað um spillingu í Afríku ríkjum.

Það hlýtur að vera mjög sérstakt að fjármálaráðherra

viti ekki hverjir fjárfesta, allra síst pabbi hans og

góðir vinir. Í lýðræðisríkjum myndu menn segja af

sér, en í bananalýðveldinu á Íslandi fá menn að halda

áfram að stunda ránin og kúlulána drottningar jesúsa sig

hvernig þetta er hægt.

Já, hvernig er þetta hægt..?????? 

[Magnús Sigurðsson, 7.4.2022 kl. 18:18]

Tek undir með þér Sigurður, -já hvernig er þetta hægt?

Sonurinn virðist allavega ekki hafa verið fengin til að skrifað upp á gjörninginn eins og þegar Sjóvá fór veg allrar veraldar um árið til Macau, að mig minnir.

Skattgreiðendum var svo gert að eignast Sjóvá í boði Gunnarstaða móra, svona rétt eins og Íslandsbanka, með margra milljarða meðgjöf sem kostaði marga húsin sín.

Þær eiga sjálfsagt eftir að blómstra á næstunni kúlulánadrottningarnar í boði flissandi fábjána og dúkkulísa.

Why Iceland viðundrið er svo til halds og trausts í seðlabankanum, enn í fínu formi eftir að hafa ráðlagt gömmunum hvernig átti að hafa aura út úr húskofunum sem voru hirtir af fólki síðast. 

[Jóhann Elíasson, 7.4.2022 kl. 20:55]

Ég er svo gáttaður á þessu að ég á varla til eitt aukatekið andskotans orð.  Er kannski einhver hissa á því að  ég held því fullum fetum, á blogginu mínu, AÐ LANDIÐ SÉ STJÓRNLAUST OG HEFUR VERIÐ ÞAÐ LENGI...... 

[Magnús Sigurðsson, 7.4.2022 kl. 21:15]

Ég held að við séum að upplifa einhverskonar Sturlungu, Jóhann. Það sem verra er að margir sjá það sem leið út úr stjórnleysinu að fórna fullveldinu. En hrikalegt er það að sitja uppi með svona slekti.

[Helga Kristjánsdóttir, 8.4.2022 kl. 15:07]

Hann er klókur sá vondi (kölski),sest allstaðar að í heimi þar sem friður ríkir eyðir og spillir.Ættum við ekki að fara læra að varast fleðulæti þeirra,þegar komið er hjá okkur að verða of seint? ------ Samkvæmt uplifun og söguheimildum fara þjóðvarnir þá fyrst að láta sverfa til stáls,nokkuð sem við gerum og getum trauðla. 

[Magnús Sigurðsson, 8.4.2022 kl. 16:41]

Kölski kann sitt fag Helga, á meðan margur verður af aurum api. Við eigum erfitt með að láta sverfa til stáls, þetta vesalings lið er allt meira og minna ættingjar okkar og vinir.

Það sem við getum gert er að hætta að dýrka gullkálfinn og gefa þeim ekki athygli okkar sem í kringum hann dansa. En það er nú öðru nær á Íslandi þessi árin, margir vilja taka þátt í dansinum.

Það er sagt að sá sem taki fé ófrjálsri hendi sé þjófur. En annað gegni um þann sem auðgast á annarra kostnað með réttum reiknikúnstum. Þegar það er svo, að sá sem tekur til sín það sem honum vantar ekki, -rænir sjálfan sig. 

[Jónas Gunnlaugsson, 8.4.2022 kl. 22:08]

SKOÐA

Af hverju kinnum við okkur ekki fjármálakerfið? 

Þetta er allt okkur að kenna.

Henry Ford sagði okkur þetta allt saman. 

Nennum við ekki að læra á fjármálakerfið?

Skoða

Henry Ford once said,

“It is well that the people of the nation

do not understand our banking and monetary system,

for if they did, I believe there would be a revolution

before tomorrow morning.”

***

Eitt sinn sagði Henry Ford,

"Það er gott að fólkið skilur ekki fjármálakerfið,

annars myndi það gera uppreisn,

strax í dag."

***

Og aftur.

Af hverju kynnum við okkur ekki fjármála kerfið? 

Það er ekki flókiðað sjá að það er bókhald og bankarnir lána aldrei neitt.

En þeir hirða allt og við nennum ekki að hugsa og læra á kerfið. 

Það er ekkert til nema hendur, hugur og ástúð Jóns og Gunnu. 

Reyndar má ekki gleyma innsæinu þeirra Einstein, Nikola Tesla og Jesú. 

Einstein, með innsæið, sem kemur með nýjar humyndir og segir, við vitum ekki hvað það er eða hvaðan það kemur.  

Nikola Tesla,  öll ný hugsun kemur frá miðjunni, kjarnanum, ástúðinni .

Jesú, hlustaðu á Guð, Heilagann Anda, Sannleiks Andann. 

Þeir tala allir um sama baklandið. 

Engin nær sambandi með innsæinu, nema að hætta að frekjast og að hann hlusti og tileinki sér ró og fari með bæn, til að þú reynir að gera hug þinn skiljanlegan fyrir sjálfum þér.

Guð veit allt, þú þarft ekki að segja honum neitt. 

Auðvitað verður reynt að spila með okkur áfram, en við látum laga allt ef reynt verður að hlunnfara Jón og Gunnu. 

Þegar við notum orðið Guð, Heilagur Andi og Sannleiks Andinn, þá vitum við lítið og ekkert yfir á það svið. 

Okkur vantar einfaldlega þroska. 

Þetta hér er moð sagt af einum slíkum. 

En við verðum að reyna, leita, biðja, mála myndina. 

Allt sem við höfum í dag er eitthvað sem formæður okkar reyndu að segja börnunum sínum þegar þær voru í alsleysi í torfbbæumað segja frá ljósunum, góða hitanum frá eldstæðunum hjá Álfunum, Huldufólkinu og dvergunum. 

Nú virðist þetta vera komið í vandræði, allir vilja græða á svikum og prettum, ná vatnsveitunum, fráveitunum, rafveitunum, fjölmiðlaveitunum og  selja allt frá fólkinu.  

Þá verður fólkið að greiða allt á tíföldu verði, hundraðföldu verði. 

Við hættum þessu víli og lögum allt. 

Muna, að ef einhversstaðar er laus hugur og hönd, þá er altaf betra að finna verkefni fyrir hugann og höndina. 

Hver og einn fái örvun, fái virðingu, leiðbeiningu og möguleika á að læra það sem hugur stendur til. 

 

Muna, að við förum Mandela leiðina, látum karlinn með skeggið sjá um fullnustuna. 

Hver er án misgjörða?

000 

Egilsstaðir, 08.04.2022   Jónas Gunnlaugsson

 

 

[Magnús Sigurðsson, 9.4.2022 kl. 07:43]

Þakka þér fyrir innlitið og þess þörfu áminningu Jónas. Til að læra á fjármálakerfið er ágætt að átta sig á hvað mann vantar.

Það er svo að flestir, hvort sem safna auðævum eða skuldum, eiga það sameiginlegt að vanta tíma. Þeir eru uppteknir af peningum.

Þess vegna er ágætt að átta sig fyrst á að girnast ekki það sem ekki vantar. Rétt eins og bóndinn sem keypti ekki nýjan og flottan skítadreifara sem honum vantaði ekki, og hefði ekki haft með sér til himna neitt frekar en aurana sína.

[Sigurður Kristján Hjaltested, 9.4.2022 kl. 08:06]

Bjarni segir...

„Augljóst að þetta útboð fór ekki eins og við ætluðum“

Nei, þetta átti að fara fram í kyrrþey og þögn, þá

hefði þetta útboð farið eins og þeir ætluðu.

Kominn tími á afsagnir hjá mörgum.

[Magnús Sigurðsson, 9.4.2022 kl. 08:41]

Ég held að margir hafi einmitt reiknað með að þannig færi þetta Sigurður. Hvað sem varð svo til þess að að þetta fór ekki fram í kyrrþey persónuverndar eins og stjórnarformaður bankasýslunnar boðaði.

Kannski var það til að hneyksli ofan á hneyksli við að krafsa skít yfir skít eins og landanum hefur oft verið boðið upp á áður til að þreyta hann, og eftir helgi verði komið nýtt hneyksli.

Kannski er svo eitthvað meira sem kraumar undir og mönnum hafi verið stillt upp við vegg. Allavega kom fagfjárfestaistinn óvænt fram eftir margboðaða persónuvernd, og var þó ekki beint geðslegur.

Hjá þessu hyski, sem ríður röftum í húsum þjóðarinnar, var kominn tími á afsögn fyrir meira en áratug síðan. Það er nú að lepja upp dreggjarnar áður en fullveldis framsalið og landráðin verða endanlega staðfest.