Lymskuleg landráð stjórnsýslunnar

Það er nokkuð ljóst að Ísland hefur verið unnið á ippon innan frá. Sama hvaða 35. greinar Hat trick kemur frá alþingi.

ESB skattleggur í gegnum EES samninginn flugsamgöngur til og frá landinu, innflytur innlent  matvælaöryggi og útfluttar sjávarafurðir bera sína ESB tolla, -allt ber að sama brunni.

Íslendingar fengu ekki að kjósa um EES samninginn á sínum tíma, enda hefðu þeir þá aldrei samþykkt hann, þó svo að lygin hafi gengið út á blómleg héruð og tækifæri fyrir sjávarbyggðir.

-Og Íslendingar munu ekki fá að kjósa um aðild að ESB fyrr en búið verður að skipta um þjóð í landinu, -flytja inn þjóðir sem þekkja ekkert annað en unionið hvort sem er sovét eða euró.

Um heilindi íslenskra stjórnálamanna gagnvart landi og þjóð er aðeins eitt að segja; -Þeir sem eiga slíka vini þurfa ekki á óvinum að halda.

Athugasemdir

[Jóhann Elíasson, 5.5.2023 kl. 10:37]

Flott færsla og segir prýðilega til um BLEKKINGARNAR sem eru í gangi.....

[Pétur Örn Björnsson (IP-tala skráð) 5.5.2023 kl. 12:16]

Þér mistekst ekki bogalistin fremur en fyrri daginn.  Hittir beint í mark svo blekkingarnar ættu að veea öllum augljósar, sem vilja sjá.

[Magnús Sigurðsson, 5.5.2023 kl. 13:30]

Þakka ykkur fyrri innlitið og athugasemdirnar Jóhann og Pétur Örn.

Sem landsbyggðarmaður verð ég að segja að mjög fátt hefur gengið eftir af því sem logið var upp í ermina með EES samningnum á sínum tíma. Sagt var að engin hefði lesið samninginn nema Hjörleifur Guttormsson og hann væri á móti öllu hvort sem er.

Ég hafði fyrir því að kynna mér samninginn á sínum tíma. Reyndar bjóst ég aldrei við öðru en ömurð, þegar ég hafði haft fyrir því að lesa útgáfuna sem stjórnarráðið gaf út fyrir almenning, og hægt var að panta frítt úr utanríkisráðuneytinu, -ef ég man rétt.

Þessi lestur var einhver sú al ömurlegasta lesning sem ég hef lesið og það fór ekki á milli mála hverjir myndu hafa yfirhöndina, stórríkjasambandið eða smáþjóðin. Allt hefur komið fram á ömurlegasta veg. Íslendingar fæddir á Íslandi flytja úr landi, -fjölgar einungis í kirkjugörðunum landsins.

Litlu sjáfarplássin eru orðin eins og eyðimörk á við það sem áður var. þorp sem var með hæstu þjóðartekjur á mannsbarn er núna án alls kvóta, þar er nánast engin atvinnustarfsemi, engin verslun, banki, eða pósthús, hvað þá fótboltalið sem elur upp fótboltamenn fyrir ensku úrvaldeildina. Börn í skóla eru nú talin á fingrum annarrar handar.

Stjórasýslan, eða djúpríkið eins og í móð er að segja í dag um auðróna og áhangendur þeirra, ber fé á fjölmiðla til að segja það sem þeim þóknanlegt þykir. Fullveldið og bjartsýnin fór fyrir lítið í dreifðum byggðum landsins samhliða EES samningnum. Síðasti bærinn verður samt aldrei sá síðasti til lengdar.

[Guðmundur Ásgeirsson, 5.5.2023 kl. 13:45]

Versta hliðin á vandamálinu er þegar íslensk stjórnvöld og dómstólar virða að vettugi þau réttindi sem einstaklingar hér á landi eiga að hafa samkvæmt EES-samningnum og reglum sem af honum leiða. Alversta britingarmynd þeirrar valdníðslu var þegar tugþúsundir heimila voru svipt réttindum sínum í kjölfar hrunsins "með pennastriki" og hent berskjölduðum á altari fjármagnsaflanna þar sem þeim var fórnað.

[Tómas Ibsen Halldórsson, 5.5.2023 kl. 14:37]

Góð grein hjá þér Magnús sem endranær.

Svik og lygar er það sem við höfum þurft að búa við nú um langt skeið. Stjórnvöld virðast ekki vera með hagsmuni Íslendinga í huga, þau virðast vera að vinna fyrir einhverja allt aðra en okkur landsmenn. Spurningin er, hagsmuni hverra eru þau að vinna fyrir. Prófkjör og kosningar hafa ekki fært okkur stjórnvöld sem hugsa um hagsmuni okkar númer eitt, tvö og þrjú.

[Magnús Sigurðsson, 5.5.2023 kl. 14:44]

þá sérðu nú hvers EES samningurinn er og hefur verið megnugur Guðmundur minn, -þegar auðrónar eru annars vegar.

Ég held að þú ættir að halda á lofti fávisku þinni um EES samningnum á þinni heimasíðu, eða jafnvel heimasíðu samtaka heimilanna,

-ertu ekki ennþá á launaskrá þar?

Það er allavega þess vert að þú gerir grein fyrir þessum dásemdum sem EES hefur í för með sér fyrir heimilin víst vaxtastefna viðundaranna á Svörtuloftum raskar ekki ró þinni.

[Magnús Sigurðsson, 5.5.2023 kl. 14:46]

Mæl þú manna heilastur Tómas, tek undir hvert einasta orð.

[Guðmundur Ásgeirsson, 5.5.2023 kl. 15:50]

Sæll Magnús.

Ég er ekki á launaskrá Hagsmunasamtaka heimilanna heldur sit nú í stjórn þeirra sem varaformaður. Engin laun eru greidd fyrir stjórnarsetu.

Læt ávirðingar um meinta fávisku sem vind um eyru þjóta.

EES-samningurinn hefur ekkert með vaxtahækkanir Seðlabanka Íslands að gera, þær eru algjörlega heimatilbúið vandamál.

Aftur á móti er núna verið að láta reyna á lögmæti skilmála neytenda- og húsnæðislána sem gera bönkum kleift að hækka vexti einhliða af geðþótta og stunda þannig sjálftöku af ráðstöfunartekjum heimila. Þau málaferli byggjast einmitt á lögum sem hafa verið sett til að innleiða EES-reglur og hafa stórbætt réttarstöðu neytenda frá því sem áður var.

Það er furðuleg afstaða að vera á móti því að fólk á Íslandi fái notið þeirra réttinda sem er búið að semja um þeim til handa.

[Magnús Sigurðsson, 5.5.2023 kl. 16:01]

Þú ert fáviti Guðmundur minn ef þú skildir ekki það sem ég sagði.

[Guðmundur Örn Ragnarsson (IP-tala skráð) 5.5.2023 kl. 21:37]

Vinir Jesú Krist. Vinir þínir.

Vilji bregðast vinir þínir,

verðirð´ einn á kaldri braut,

Flýt þér þá að halla og hneigja

höfuð þreytt í Drottins skaut.

(Matthías Jochumsson)

Hann gekk beint að Jesú og sagði:

Heill, rabbí! og kyssti hann.

Jesús sagði við hann: Vinur, hví ertu hér? (Matt. 26:49-50).

Jesús sagði við hann: Júdas, svíkur þú Mannssoninn með kossi? (Lúk. 22:48).

[Magnús Sigurðsson, 5.5.2023 kl. 22:45]

Þakka þér fyrir innlitið Guðmundur Örn, -og fyrri að minna á þetta í þessu sambandi.

Vil bæta við versi frá bóndanum frá Bólu;

Þér sé, Guð, þökkin tjáð,

þín miskunn staðföst er,

um himin, lög og láð

lífið streymir frá þér,

svo langt sem augað eygir,

um vísdóm þinn gjörvallt vitni ber.

[Húsari. (IP-tala skráð) 6.5.2023 kl. 06:00]

Sæll Magnús.

Í 7 ára bekk man ég að fyrsta kennslustund hvers dags
þá byrjaði hún á bæn og síðan var kvæði Matthíasar (þýðing hans)
Ó, Faðir! sungið en 1. erindi þess hljóðar svo:

Ó, faðir, gjör mig lítið ljós
um lífs míns stutta skeið,
til hjálpar hverjum hal og drós,
sem hefur villst af leið.

[Magnús Sigurðsson, 6.5.2023 kl. 07:01]

Þakka þér innlitið Húsari, -og fyrir að undirstrika Matthías Jochumsson.

Já þá var öldin önnur, en nú má segja að þjóðskáldanna sé aldrei of oft minnst, en samt falla þau í gleymsku.

Matthías var eitt af höfuðskáldum síns tíma, um það ber þjóðsöngurinn gleggst vitni.

Matthías var fjölhæfur og finnst mér margt í Grettisljóðum vera það magnaðasta sem ort hefur verið á íslenskri tungu.

Það eru þessi stuttu heilræði, hvort sem eru kærleiki kristindómsins eða heilræði Hávamála, sem skipta barnsálina mestu þegar upp er staðið.