Ég horfi niður

En ég næ ekki upp í það sem ég sé, -kvað þjóðskáldið um árið. Nú má segja að það hafi tekið mig hátt í hálfa öld að fatta hvað hann var að meina, þó svo að ekki hafi beinlínis verið mælt undir rós.

Reyndar koma fleiri vísbendingar fram í torræðum textanum, sem eru eins og talaðar í tíma dagsins í dag, en ekki eins og veröldin var fyrir 45 árum.

Þegar litið er til nútímans er merking skáldsins kristal tær, -eða þannig. Þarf ekki einu sinni að gúggla.

Ef þú lesandi góður ert í þann veginn að fara að fletta í snjallsímanum eða skrolla í tölvunni þá ættirðu í þann veginn að vera búin að fatta hvað ég er að meina.

En kannski er bara best að babla í bláan skjáinn og fíla góðan blues.

Athugasemdir

[Húsari. (IP-tala skráð) 7.5.2023 kl. 14:55]

Sæll Magnús.

Galdur Megasar er að vonum mörgum hugstæður.

Kveðskap sinn byggir hann ósjaldan
á tilfærslu ef svo mætti segja þar sem hlutir eru
settir inn í annað umhverfi og samhengi
og líf þeirra breytist snarlega og lesandi
staldrar við takist að lesa hið skrifaða orð til lífsins, -
en einmitt það er galdur ljóðsins.

[Magnús Sigurðsson, 7.5.2023 kl. 16:41]

Þakka þér fyrir þessa athugasemd Húsari, -eða eigum við kannski frekar að segja kjarkaða heilræði.

Ég var farin að halda að engin þyrði lengur að kannast við nafna minn en kannski er það bara snjallsíminn sem menn eru feimnir við að flíka.

Já ég er sammála þér um Megas og ljóðið, að þar er talað yfir tímans haf í annað umhverfi, -nokkurskonar spádómar sem oft rætast þó síðar verði.

[Húsari. (IP-tala skráð) 7.5.2023 kl. 17:15]

Sæll Magnús.

Þakka þér svarið.

Einhver áleitnasta spurning sem leitar á hugann
hvað varðar kveðskap Megasar er hvort kveðskapurinn
lifi án hans eða þrátt fyrir hann.

[Magnús Sigurðsson, 7.5.2023 kl. 18:15]

Húsari, svo merkilegt sem það er þá gerir hann hvoru tveggja, -svo má velta vöngum yfir því hvað vandlæting rétttrúnaðarins lifir lengi.