Lukkupotturinn

Í denn var oft rætt af ráðamönnum um sanngjarna skiptingu á þjóðarkökunnar. Nú er meira talað um kaupauka og hæfa fjárfesta, af hjörðinni við jötuna.

Why Iceland viðundrið, sem nú svífur nú um í svörtuloftum, var aðalhagfræðingur gamma þegar þeir skiptu með sér íbúðum þeirra óverðugu eftir hið svo kallaða hrun.

Það lotterí endaði svo í kviku og vænkaðist þá hagur aðalhagfræðingsins við þá jötu sem nú fer fyrir leifum helferðarhyskisins.

Þar var víst um engan kaupauka að ræða, allavega ekki í upphafi, -heldur lukkupott. Einhverra hluta vegna endaði skattalega afgjaldið að lokum – hljóðalaust – til þess opinbera sem leiðréttur launaskattur en ekki fjármagnstekjuskattur.

Nú er helst á fréttum að skilja að dregið hafi verið í lukkupottslotteríinu á Lindarhvoli og verður því fróðlegt að vita hvort aftur eigi eftir að hlaupa á snærið hjá skattayfirvöldum, -svo bæta megi í sjálftökuna á opinberu jötunni.

Annars er alls ekki ómögulegt að eitthvað vænkist hagur löglærðra, ef náhirðin, sem fékk að kaupauka í Íslandsbanka, fer í mál vegna sölunnar.

Þó svo hún hafi sjálf selt Íslandsbanka hlutinn, sem nú er verðlaus, -rétt á eftir með myljandi söluhagnað.

Það má jú alltaf reyna, miði er möguleiki, því lengi gefur lukkupotturinn af þjóðarkökunni.

Athugasemdir

[Jóhann Elíasson, 10.7.2023 kl. 06:46]

Góð grein og útlisting, eins og við var að búast.  Og svo er "gullfiskaminnið" svo RÁÐANDI" hjá landanum að mönnum finnst alveg sjálfsagt að kjósa þann aðila sem kemur fram í nafni þeirra stjórnmálaafla sem VERST komu fram við landsmenn, eftir hrun, EINGÖNGU FYRIR ÞAÐ AÐ HÚN BRÁ SÉR Í NÝJU FÖTIN KEISARANS OG ER MÆLSK OF HEFUR GÓÐAN TALANDA (sumir sega að hún tali tungum tveim)......

[Magnús Sigurðsson, 10.7.2023 kl. 16:08]

Þakka þér fyrir innlitið og athugasemdina Jóhann.

Já það er þetta með gullfiskaminnið og svo þá staðreynd að það er nánast ómögulegt að kjósa á meðan liðið er á matað upp úr lukkupottinum.

Hvað þá þegar almennt siðferðið gerir ráð fyrir að féþúfurnar séu til þess að falla fyrir þeim, -annars sértu réttur og sléttur vanviti.

Það þarf mikið að breytast hjá almenningi á landinu bláa ef ekki á að sitja uppi með einn óskapnaðinn enn.

[Grímur Kjartansson, 10.7.2023 kl. 21:09]

Kaupthing banki var lengi talaður upp í að vera í allt annarri stöðu en hinir vegna margvíslegar fjárfestinga erlendis
Kaupþing varð að Arion 
en alveg ótrúlega margir fyrrum starfsmenn Arion/Kaupþings starfa nú í Svörtu loftum það er varla tilviljun
Á maður að hafa áhyggjur af því að hlutabréf í Kviku hafa hríðfallið eftir að Brina, sem búin var að samþykkja yfirmat á eignasafni Kviku, var látinn fara
Er Play airlines fuglinn Sterling endurborinn
Sterling Airlines - Wikipedia
og allir græða á að kaupa hlutabréf þar til einn daginn að allt hrynur

[Magnús Sigurðsson, 10.7.2023 kl. 22:22]

Góð greining Grímur, gæti allt eins verið rétt. 

Hlutabréfaviðskipti hafa svipað eðli og keðjubréf, sem ganga út á að síðasta fíflið sé ekki ennþá fætt, og því kannski ekki nema von að náhirðin hugsi sér leik á borði varðandi Íslandsbanka bisnessinn.

[Helga Kristjánsdóttir, 11.7.2023 kl. 04:52]

Hugsaði og sló til; Hef harla lítið vit á bréfa viðskiptum,en finnst þó of margir sem sísla þar um,tvöfaldir í roðinu.
Lít því stolt til þeirra sem unnu við að margfalda virði fiskroðs í tæknilegri vinnslu Kerecis.Hafa ábyggilega hugsað um þann stórkostlega lækningamátt sem sú afurð býr yfir.Fyrigefðu framhleipnina Magnús.

[Magnús Sigurðsson, 11.7.2023 kl. 06:17]

Þakka þér fyrir innlitið og athugasemdina Helga, -já þeir voru stoltir kapparnir í Kerecis eftir metsöluna, fast þeir sóttu sjóinn, og vonandi verður Guggan áfram gul, -eða þannig.