Vesalings fólkið

Það eina góða sem kemur hugsanlega út úr væntumþykju sendiherradótturinnar fyrir hvölum væri ef þetta gerræði hennar gengi frá túristavaðlinum. Um það er ekki öll nótt úti. Að setja á hvalveiðibann síðasta sumarið sem hvalveiðar eru leifðar og gera síðan í brækurnar, er einstakt.

Að bera fyrir sig dýravelferð upp úr skýrslu stofnunnar, sem á sama tíma og hún kokkaði upp dýrvelferðar rökin lét slátra 1.400 lambfullum kindum í Miðfirði rétt fyrir burð, í nafni dýravelferðar, -vegna rakalausrar riðu, sem síðan reyndist ekki vera nema í einni kind á öðrum bænum, er einstakt.

Og að ráðherra á Íslandi sem fer með forræði þessarar stofunnar komist upp með allt gerræðið er sennilega nýtt Íslandsmet. Nú er ekki einu sinni hægt að segja um ríkisstjórn Íslands að hún sé bara skipuð jelly böngsum, Davos dúkkulísum og  flissandi fábjánum. Það er ekkert annað hægt að segja en vesalings  fólkið.

Ísland tekur „risastórt skref aftur á bak“

Athugasemdir

[Jóhann Elíasson, 1.9.2023 kl. 11:15]

Og ekki megum við GLEYMA BLÓÐMERUNUM Magnús.  Það er alveg með ólíkindum hvað þessi manneskja kemst upp með og menn hljóta að velta því fyrir sér HVAÐA AÐILAR ÞAÐ ERU SEM STYÐJA VIÐ "BAKIÐ" Á HENNI??????????

[Sigurður I B Guðmundsson, 1.9.2023 kl. 16:44]

Ætli það sé ekki Steingríms J. liðið í VG sem styður hana?

[Guðjón E. Hreinberg, 1.9.2023 kl. 17:01]

Innfallin siðmenning ...

[Ásgrímur Hartmannsson, 1.9.2023 kl. 17:30]

Ég er ennþá á því að Hvalur HF ætti að kæra kellinguna fyrir þetta.  Augljós valdnýðzla.
Og ég veit ekki hvað stöðvar stjórnina í að etja á hana vantraust.  Ekki þekki ég neinn sem treystir henni.

Það sér hver maður að allt sem hún gerir miðar að niðurrifi, og það er augljóslega viljaverk.  Dýravelferð er bara yfirvarp.

[Ingólfur Sigurðsson, 1.9.2023 kl. 22:00]

Þessu er ég vissulega sammála sem kemur fram í þessum pistli. Ég skrifaði reyndar langan (eða meðallangan öllu heldur) pistil í gær um hvalveiðar, og hlynntur þeim sem sannur sjálfstæðismaður, en svo fór ég að gúggla rétt fyrir miðnætti og skipti næstum um skoðun eftir að hafa lesið wikipediu. Þá rifjaðist ótrúlega margt upp sem Árni Waag þusaði um hvalina fyrir daufum eyrum langflestra nemendanna. Hann talaði þó jafnvel meira um selina og nauðsyn á vernd á þeim.

Allavega, wikipedia er ekki hlutlaus, langt frá því. Hún er demókratafréttaveita og maður er fljótur að komast að því.

En af því að ég fór að efast um sjálfan mig eftir lestur wikipediu um hvalveiðar hætti ég við að birta þennan pistil, ætlaði kannski að endurskrifa hann og birti í staðinn gamalt ljóð nokkurra ára um dauða afa sem ég er ánægður með og ort skömmu eftir fráfall hans. (Mér finnst ljóð reyndar aldrei verða úrelt, stundum kann ég betur við þau eftir nokkur ár sem ég skildi ekki þá þegar þau voru ort). Ég er nokkuð ánægður með þetta ljóð og mér þykir alltaf sérlega vænt um það ef ég fæ hrós fyrir ljóðin mín. Ingvar frændi, bróðir hans afa, var sá eini sem tók mig alvarlega sem ljóðskáld þegar ég var rétt um fermingu. Hann var þó strangur kennari og ræddi við mig eins og fullorðið ljóðskáld, og fannst sem stundum vantaði uppá samhengi og flæði í ljóðunum mínum. Ég veit að hann var snillingur og það var rétt sem hann sagði. Þó fékk ég stundum frábært hrós frá honum og því hélt ég áfram að yrkja.

Allavega, þessi andstaða gegn hvalveiðum er sýndarmennska. Þeir eru ekki lengur í útrýmingarhættu, heldur er þetta eitthvað sem auðvelt er að benda á til að beina athyglinni frá raunverulegum umhverfisvandamálum eins og mengun sjávarins, til dæmis.

Já, vesalings fólkið, bæði að vera undir valdi svona ráðherra, og svo að vera slíkir ráðherrar sem hvorki hafa kjark né vit á að stjórna betur.

Stuttur en skorinorður pistill sem kemur beint að kjarna málsins. 

[Magnús Sigurðsson, 2.9.2023 kl. 11:11]

Takk fyrir innlitin og kjarnyrtar ítarlegar athugasemdir.

mér varð á að setja þetta blogg inn án þess að hugsa og hef ekki haft tök á að svara góðum athugasemdum sem skildi.

Já, hún getur lengi á sig blómum bætt blessunin og ríkisstjórnin, að þyrla upp þessu moldviðri að ástæðulausu er náttúrulega snilld útaf fyrir sig.

[Guðjón E. Hreinberg, 3.9.2023 kl. 12:36]

Hvalir með mannréttindi leiðir til þess að kýr fá mannréttindi, og það endar með "eat ze bugs."