Gervigreindur hagvöxtur

það er nokkuð víst að gervigreindur hagvöxtur í sýndarveruleika spálíkans gerir fólk bæði sinnulaust og kærulaust fyrir tilgangi lífsins.

Öllu hefur verið komið undir markaðskerfi kommúnismans, jafnvel heilbrigðið sjálft gengur út á hagvöxt, -lífsgæði auglýst sem magaermar, gerviliðir, bótox og sílikon.

Enda flestir orðnir meira og minna transhuman og styttist sjálfsagt í að fólk láti skera af sér hausinn forvarnarskini, -bara spurning hvar sá klári staðsetur alsheimer genið.

Hamsturinn á hjólinu fer hamförum á meðan, til að viðhalda hagvextinum. Að minnast á sálina er orðið tapú, svoleiðis kjaftæði er einfaldlega ekki virt viðlits.

En staðreyndin er að hamsturinn á hjólinu sveltir sálina og fólk missir af miklu þegar þannig er komið, -tapar jafnvel af tilgangi lífsins.

Svo þegar fólk áttar sig á að eitthvað vantar finnst því það vera of seint það munni falla um koll ef það stígur af færibandinu.

Trúarbrögð til sáluhjálpar hafa verið á fallandi fæti, enda notuð í gegnum tíðina við að blekkja einlægar sálir.

Eins og mátt hefur sjá hér á síðunni þá hefur höfundur notað hringrás náttúrunnar til að átta sig á tilgangi lífsins, -eilífðinni.

Það er þannig að í fjölæri hringrásarinnar felst hinn eini sanni hagvöxtur, árstíðir sem skila sínu þangað sem það á heima, -til næstu árstíðar.

Trúin gerir það sama þegar hún höfðar til eilífrar sálar og til eru prédikarar sem kunna að orða þá list í gegnum kærleikann.

Við höfum oft enga hugmynd um hvað er að gerast Langtíburtukistan, nema fyrir medíuna. Þess vegna ættu við að komast hjá því að að dæma aðra ef ekki hefur verið staðið í þeirra sporum.

Gervigreindur hagvöxturinn er ekki fær um að að standa í þeim sporum frekar en trúarbrögðin.

Í dag lagði ég inn númerin af gamla Grand Cherokke, bensínhák frá því á síðustu öld, sem flutt mig til fjalla sumarlangt við að tína bláber.

Athugasemdir

[Pétur Örn Björnsson (IP-tala skráð) 20.9.2023 kl. 20:42]

Sæll Magnús

Vonandi lagðirðu númeraplöturnar af Cherokeenum bara tímabundið inn ...?

Því trúðu mér, það kemur aftur vor í dal, héraði, og fjallanna heiðríkja og síðsumars berin í móum.  Fararskjóta þarf þá til, sem dugar, þó drekki gasólínið.

[Magnús Sigurðsson, 20.9.2023 kl. 20:52]

Sæll Pétur Örn, -gamli Grand stendur stoltur á grasflötinni hér fyrir utan og bíður þess með óþreyju að aftur komi vor í dal. Hringrásar hagkerfið hefur ekki klófest hann ennþá.

[Guðjón E. Hreinberg, 21.9.2023 kl. 12:27]

Það sem er að gerast, þessi misserin í heiminum öllum, er að því leitinu (leytinu?) jákvætt, að ljóst hefur verið í allt að því fimm áratugi, að með ríkjandi vitundarástandi kemst mann-kynið ekki lengra, og því er nauðsynlegt að það annaðhvort endurskoði hug sinn og vitund, eða verði neytt til að bakka.

Betra hefði verið ef vorlaukarnir hefðu tekið mark á fjölæringum liðinna ára, því þá hefðu vættir og nátturukraftar ekki þurft að taka í taumana, eins og nú er að hefjast.

[Magnús Sigurðsson, 21.9.2023 kl. 12:46]

Sæll Guðjón, -við skulum vona að vættir landsins bjargi því sem bjargað verður í okkar landi, en sýni samt af sér mildi. Hvernig sem það má nú verða.

Ég hlustaði á botcastið þitt í gær og verð að segja, -bara nokkuð góður.

Já það sem nú er að gerast hefði ekki þurft að gerast, en svona er það bara þegar fólk sér ekki hvað er að gerast, -hvað þá nefi sínu lengra.